(U)
'' မနက်ဖြန်မနက်ကျရင် ဂျယ်ဂျူကို အလုပ်ကိစ္စကြောင့် သွားရမယ်၊ ခါတိုင်းက ငါသွားနေကျဆိုပေမဲ့ ဒီနှစ်တော့ ဂျယ်ဂျူက လုပ်ငန်းရှင်တွေက MD Park ဆိုပြီး မင်းမှမင်း ဖြစ်နေကြတယ်၊ အင်းလေ.. Mr. Blake ရဲ့ရင်းနှီးမြှုပ်နှံမှုကို ရအောင် ယူနိုင်တဲ့လူဆိုတော့ မင်းရဲ့ impact က နည်းနည်းနောနောမှ မဟုတ်ဘဲ .. Mr. Blake အတုအစစ်တောင်
ခွဲခြားတတ်တယ်ဆိုတော့ ''Chanyeol က သိပ်မထူးဆန်းသည့်ဟန် ပခုံးတစ်ချက်တွန့်ပြလိုက်သည်။
'' Alex ရဲ့တစ်ဦးတည်းသော အဘိုးက Alex နာမည်ကို တစ်ခါလေးတောင် ထုတ်မပြောတည်းက ရိပ်မိလိုက်တာ၊
တကယ့် Mr. Blake အစစ်ဆိုရင် ကိုယ့်သမီးနဲ့လက်ထပ်ထားတဲ့ Park Group က CEO ကိုတောင်မသိဘူးဆိုတာ ဖြစ်နိုင်လို့လား? ''
CEO Park ကသားဖြစ်သူရဲ့ထက်မြက်မှုကို သဘောကျသည့်ဟန်ဖြင့် ဂုဏ်ယူဝင့်ကြွားစွာပြုံးမိလိုက်သေးသည်။
'' ငါတို့သားအဖနှစ်ယောက် ဒီလို ကော်ဖီအတူတူမသောက်ရတာတောင် ကြာပြီပဲ ''
CEO Park ကကော်ဖီခွက်ကိုလက်ထဲမှာ ကိုင်ထားရင်း Chanyeol ရဲ့မျက်နှာကို လှမ်းကြည့်လိုက်သည်။
အနည်းငယ်မျှ ကော့ညွတ်သွားခြင်းမရှိသော နှုတ်ခမ်းဖူးတစ်စုံသည် ဖြောင့်စင်းနေသောမျက်ခုံးတွေနဲ့ပေါင်းစပ်လိုက်သည့်အခါ တည်တံ့သောမျက်နှာအမူအရာကို ဖော်ညွှန်းပြ၏။
ကော်ဖီခွက်ထဲက တစ်ငုံစာမျှသာကျန်သော ကော်ဖီလက်ကျန်ကို တစ်ခါတည်းမော့သောက်လိုက်ပြီး ပန်းကန်ပြားပေါ်မှာ သေချာပြန်တင်လိုက်သည်။
ထို့နောက် လက်ချောင်းတွေကိုသွယ်ယှက်ကာ အဖေဖြစ်သူကို စိုက်ကြည့်ပြီး တိုက်ရိုက်မေးလိုက်သည်။
'' ဘာပြောစရာရှိလို့လဲ ? ''
'' ညက ဘာကိစ္စတွေဖြစ်ခဲ့သေးလဲ ? ''
ဝေ့ဝိုက်မနေဘဲ ပွင့်ပွင့်လင်းလင်းပဲ ထုတ်မေးလာသည့်
အဖေဖြစ်သူကြောင့် Chanyeol မျက်ခုံးပင့်မိလိုက်သည်။'' Alex ကဘာမှမပြောဘူးလား ? ''
'' ဟင့်အင်း .. ဘာမှမပြောဘူး ''