ဝေဟင်တစ်ယောက်ဆိုင်ကယ်ကို အကြမ်းမောင်းပြီး ခြံထဲဝင်လာပြန်၏။ သတိပေးချင်သော် လည်း ဆရာလုပ်တယ်ထင်မှာစိုး၍ မပြောဖြစ်သေး။ ထို့ပြင် ဝေဟင်သည် လူထက်အသံအရင်ရောက်တတ်သေး၏။" ကိုကို ကိုကိုရေ "
အိမ်ထဲအထိပင် မရောက်သေး။ တစ်ကို(ကိုကို) တည်းခေါ် နေသော သားဖြစ်သူကို ခဏမျှကြည်လိုက်ပြီး မကြားခဲ့သည်ဟန်ဖြင့် ဦးမင်းထင်ဖတ်လက်စသတင်းစာကိုသာ ဟန်မပျက်ဆက်ဖတ်နေလိုက်သည်။ မီးဖိုခန်းမှ ထွက်လာသော မိမိသည် ဟိုကောင်ကို ဘာပြောလိုက်လဲတော့မသိ။ ပြန်ထွက်သွားသည်ကို တွေ့လိုက်ရ၏။
" ဝေဟင် ဝေဟင် မင်းဘယ်ခြေလှမ်းမယ်ဆိုတာ ငါသိနေတယ် "
ဦးမင်းထင်တစ်ယောက် တိုးစွာသောအသံဖြင့် အိမ်အပြင်ပြန်ထွက်သွားသော သားဖြစ်သူ
ကျောပြင်ကို ကြည်လျက်ရေရွတ်လိုက်သည်။တွေ့ချင်သူအား တွေ့ရပါပြီး။ ခြံနောက်ဘက်ရှိ တိုက်ပုလေးဘေးပန်းချီဆွဲနေသော ကျွန်တော်အပိုင်ဖြစ်လာမည့် "ဇလေး"။ လက်ရှိမှာ "ဇလေး"ဟု ခေါ် ဖို့ရန် မဖြစ်နိုင်သေး။ ချစ်သူတွေဖြစ်ခါမှပဲ ခေါ်ရန်အတွက် တေ့မှတ်ထားသည်။ အရပ် ၅ ပေ ၁၁ လက်မကျော်၊ အသက် ၂၇ နှစ်အရွယ်ရှိသူကို "ဇလေး"ဟုခေါ်လိုက်လျှင် အထိုးခံရမှာ ၇၅ ရာခိုင်နှုန်းလောက်ရှိ၏။ "ဇလေး"ဟု မခေါ်သေးသည်မှာ ဝေဟင် အထိုးခံရမှာကြောက်၍ မဟုတ်ပါ။ "ဇလေး" စိတ်ဆိုးမည်
ကို ပိုကြောက်၍ပင်။" ကိုကို "
" ဝေဟင်ရောက်ပြီးလား၊ ခဏထိုင်အုန်း၊ ကိုယ်ဘာမှ မပြင်ရသေးဘူး "
" အေးဆေးပဲ ရတယ်၊ ကျွန်တော်စောင့်နေမယ် "
" အထဲဝင်စောင့်ပါလား "
" ရတယ် ကိုကို၊ ဒီကပဲ စောင့်နေမယ် "
အထဲဝင်စောင့်ရန်ခေါ်သည်ကို ဝေဟင်ငြင်းလိုက်သည်မှာ အခွင့်ရေးမယူတတ်သူတစ်ယောက်အဖြစ် မြင်စေချင်၍ ဖြစ်၏။ အရှေ့က နှစ်ထပ်တိုက်တွင်အဖေနှင့်အန်တီတို့နေသည်။ ကိုကိုသည်တော့ ခြံအနောက်နားက တိုက်ပုမှာသာ အနေများပေသည်။ ယခုဝေဟင်၏သူငယ်ချင်းမွေးနေ့အတွက် လက်ဆောင်ရွေးဖို့ရန်ဟူသော အကြောင်းပြချက်နှင့် ကိုကိုအား လာခေါ်ခြင်းပင်။ ဒါပေမယ့် ဝေဟင်အတွက်တော့ တစ်ဖက် သတ်ဒိတ်ဆိုလည်း မမှား။
YOU ARE READING
ကိုယ့် ချစ်ဆုံး
Romanceယခု (ကိုယ့် ချစ်ဆုံး) ဇာတ်လမ်းတွင် ပါဝင်သော ဇာတ်လမ်း ဇာတ်ကောင်များသည် ကိုယ်တိုင်ဖန်တီးထားသော အရေးအသား အကြောင်းရာများသာ ဖြစ်သည်။ တိုက်ဆိုင်မှုရှိသော် သတိပေးနိုင်သည်။ စတင်သည့်နေ့ - (10.5.2021-28.7.2021) ယခု (ကိုယ့္ ခ်စ္ဆုံး) ဇာတ္လမ္းတြင္ ပါဝင္ေသာ ဇ...