Volery
(n.) A large bird cage ; an aviary
- ကြီးမားတဲ့ လှောင်အိမ် ။....................
" Lee DongHyuck.. ငါ ရောက်ပြီ "
" Jaemin စောလိုက်တာ "
" Jisungရောက်ပြီလား "
" ဟင့်အင်း "
" မင်းတို့ အထုပ်တွေ ဘယ်မှာ စီထားတာလဲ ။ ကလေးတွေကို မုန့်အစုံ ရစေချင်လို့ ထပ်၀ယ်လာခဲ့တယ် "
" Hyungအခန်းထဲမှာ ထားထားတာထင်တယ် "
" ငါသွားလိုက်ဦးမယ် "
" အင်း "
ဒီနေ့က Mark Hyung မွေးနေ့ ။
သူတို့ သူငယ်ချင်းတွေ စုပြီး မိဘမဲ့ ဂေဟာမှာ ကလေးတွေကို မုန့်ဝေဖို့ စီစဉ်ဖြစ်ခဲ့သည် ။Renjunနဲ့ Chenleက မိဘမဲ့ဂေဟာကို တန်းလာခဲ့မည်ဟု ပြောထားပြီးသားမို့ Jisungရယ် Jenoရယ် Jaeminရယ်ကသာ Mark Hyungနဲ့ အတူတူ သွားရမည် ဖြစ်သည် ။
" Yo Jaem .. "
" Happy Birthday Hyung .. ကလေးတွေဖို့ မုန့်တွေ၀ယ်လာတာ ။ အဲ့တာ အိတ်တွေထဲ မုန့်တွေသွားထည့်မလို့ "
" အင်း .. သွားလေ Jenoလည်း သွားတိုက်တံလေးတွေ ယူလာတာ ထည့်နေတယ် "
" အင်း .. "
ပေါ့ပေါ့ပါးပါးသွားမယ့် Jaeminရဲ့ ခြေလှမ်းတွေက ရုတ်တရက် လေးလံလာသည် ။
.........................
// dock dock //
" ငါ၀င်လာမယ် "
" Jaeminnie "
Jaeminရောက်လာတာကို မြင်တာနဲ့ မျက်၀န်းတွေ ကွေးနေအောင်ထိ ပြုံးသွားတဲ့ Jenoက တကယ်ကို သဘောတကျ ။ မျက်နှာသေနဲ့ပဲ ပြန်ကြည့်ခံရတာကိုလည်း ကျင့်သားရနေပြီးသား သူ့မှာ ..။
" မင်းက မုန့်တွေ ၀ယ်လာတာပဲ ။ ငါမ၀ယ်လာမိတာ တော်သေးတယ် ။ ငါက အဲ့အစား သွားတိုက်တံတွေပဲ ယူလာခဲ့တာ "
" အင်း .. "
" ချစ်စရာမကောင်းဘူးလား ကလေးလေးတွေနဲ့ လိုက်လောက်တယ် ဟားဟား "
Jenoက ပြုံးရယ်ပြီး ပြောတယ် ။ ဒါပေမယ့် Jaeminကတော့ သူ့မုန့်တွေနဲ့ အလုပ်ရှုပ်နေဆဲ ။
" အားလုံးပေါင်း အိတ်တစ်ရာလုပ်ထားတာ သိတယ်မလား ။ မင်း မုန့်က ဘယ်နှစ်မျိုး ၀ယ်လာခဲ့တာလဲ ။ ငါဝိုင်းထည့်ပေးမယ် "