Serendipity
(n.) Finding something good without looking for it
......................................
မူးနောက်နေသည့်ခေါင်းနှင့် ချွေးရွှဲနေသည့် ခန္ဓာကိုယ်က ထူကိုမထူချင် ။
ပတ်တီးနဲ့ ဖြစ်သလို ပတ်ထားသည့် ဒဏ်ရာက အနာရင်းပြီး အဖျားတက်လာတာ မနေ့ညကတည်းက ။
ဆေးသောက်လိုက်ရင် ပျောက်သွားပြီ ထင်ပေမယ့် ပုံမှန်အတိုင်း မဟုတ်ဘဲ အခုတော့ တစ်ကိုယ်လုံး ကိုင်ရိုက်ထားသလို ။
ပူခြစ်တောက်နေသည့် ကိုယ်ပူရှိန်က ဘယ်လောက်ဆိုးသလဲဆိုတာ မူးနောက်နေသည့် ခေါင်းက သူ့ကို ပြောပြနေသည် ။
အင်္ကျီလဲပြီး အိပ်ရာပေါ် ပြန်တက်ပြီးသည်အထိ တစ်ယောက်တည်း ကြိတ်ခံနေသေးပေမယ့် နေလို့မရတဲ့အဆုံး DongHyuckကိုပဲ ဖုန်းလှမ်းဆက်လိုက်တော့သည် ။ သူ ဘယ်လိုမှ မခံနိုင်တော့ ..။
" Hello "
" DongHyuck ah "
" Jaeminnie မင်းအသံ ..? မင်းဘာဖြစ်နေတာလဲ "
အသံက ကွဲအက်အက် ဖြစ်နေသည်ကို သူ့ဘာသာလည်း သိသည် ။ ဒီအတိုင်းကြားရုံနဲ့တင် သူဘာဖြစ်နေလဲဆိုတာ DongHyuckkieက သိသူမို့ တော်သေးသည် ။
" ငါ့ဆီ လာပေးလို့ရမလား ။ ငါအဖျားတွေ တက်နေတာ ထင်တယ် မူးနောက်နေတာပဲ .. အိမ်မှာလည်း ဘယ်သူမှ မရှိလို့ .."
" ငါ .. ငါက ဒီနေ့ .. မဟုတ်ဘူး .. ငါကြည့်စီစဉ်လိုက်မယ် "
" အိမ်တံခါးက ဖွင့်ထားတယ် မနေ့ညကတည်းက မပိတ်မိလို့ .. "
" အင်း .. ဂရုစိုက်နေဦး မင်းအခု ဘယ်မှာလဲ "
" အိပ်ရာ..ပေါ်မှာ "
" ငါ စီစဉ်လိုက်မယ် "
" အင်း .. "
ပြောပြီး သူဖုန်းချလိုက်မိသည် ။ အိမ်တံခါး ဖွင့်ထားကြောင်းပြောပြီး ခြံတံခါးသော့က စာတိုက်ပုံးထဲမှာ အပိုရှိကြောင်း သူမပြောခဲ့မိ ။
ဒါပေမယ့် အဲ့တာကို တွေးနေရင်းနှင့်ပင် သူပြန်ပြီး အိပ်ပျော်သွားရတော့သည် ။
" Jaemin ငါရောက်ပြီ "
လှုပ်နိုးလာသည့် လက်တစ်ဖက်က သိပ်ကိုအေးစက်စက် ၊ ဒါမှမဟုတ် သူကပဲ ပူလွန်းနေတာများလား ..။
DongHyuckက ရောက်လာတာ မြန်သလား နှေးသလား သူမသိ ။
သူအိပ်ပျော်သွားတာ ဘယ်လောက်ကြာပြီလဲ ဆိုတာကိုပါ မသိပါ ။
