Herzschmerz
(n.) Heartache ; An emotional pain in the heart.............................
အိမ်ပြန်နေတဲ့ လမ်းတွေက ပုံမှန်ထက် လေးလံနေတယ် .. လေးဆမက ။
ဘာဖြစ်လို့ .. ဘာဖြစ်လို့ ဒီလိုအဖြစ်မျိုးက သူ့ဆီမှာမှ ။ဟန်နီက မနေ့ကတင် သူ့ကို သဘောတကျ နမ်းရှိုက်ခဲ့သေးတာ ..။
တစ်ယောက်တည်း သူလျှောက်လာတဲ့ ဒီလမ်းက တစ်နေ့ကမှ ဟန်နီနဲ့အတူ လျှောက်နေခဲ့သေးတာလေ ။အိပ်မက်တွေများလား .. သူရူးခဲ့တာလား ..။
ဒီကိစ္စတွေက တကယ်မဖြစ်ခဲ့ဘူးလို့တော့ သူ့ကို မပြောကြပါနဲ့ ..။
ဒါပေမယ့် ဟန်နီက တကယ်ပဲ သူ့ကိုရက်စက်ခဲ့တယ်လို့လည်း သူမထင်နိုင်သေးဘူး ။သူဘယ်လိုလုပ်ပြီး အခန်းထဲရောက်လာမှန်းလည်း မသိဘူး ။
ချုပ်တည်းထားသမျှတွေကို ဖွင့်ထုတ်မိမလို့ ကြံတော့ အသံက ထွက်မလာတော့ဘူး .. အဲ့ဒီအစား မျက်ရည်တွေ ..။" Jaemin ah .. "
သူ့ရင်ဘတ်ကိုသူ ဖိထားရင်း ငိုနေမိတာက ဘယ်လောက်ကြာနေမှန်းမသိ ..
" မင်းက တကယ်ပဲ .. ဟန်နီရေ .. "
အသက်ရှူတွေကျပ်လာတာက သူပျော့ညံ့လို့များလား ။
သူက ပျော့ညံ့လွန်းနေတဲ့သူများလား ..။[ " မင်း ငါ့ကို မုန်းခဲ့ဖူးလား .. "
" ဟင့်အင်း .. တစ်ခါမှ "
" ငါ့ကို တစ်ခါလောက်ပဲဖြစ်ဖြစ် မင်း ချစ်ခဲ့ဖူးလား "
" ငါ ဒီလိုမျိုး အဖြေပြန်ပေးလို့ ဖြစ်လား " ]
အတွေးတွေ ..
ပြန့်ကျဲနေတဲ့ အတွေးစတွေ ၊
အိပ်မက်ယောင်လို အထိအတွေ့တွေ ။အမေရီကာနို အရသာ မပြယ်ခဲ့သေးတဲ့ ပထမဆုံး အနမ်းရဲ့ အဆုံးသတ်က သိပ်ကို ခါးလိုက်တာ ဟန်နီရေ ..။
ရူးနှမ်းလိုက်ရတာ .. တကယ်ကို ငါ အရာအားလုံး ပုံအပ်ထားလိုက်ရတာ ။
ဟန်နီရယ် ငါက မင်းကို အဲ့ဒီလို ..။သူမငိုခဲ့တာ ဘယ်လောက်ကြာပြီလဲ ။
အခုတော့ ပြင်းပြင်းထန်ထန် .. မရပ်တန့်နိုင်လောက်အောင် သူ့မှာ နာနာကျင်ကျင် ငိုနေမိ ။
မျက်ရည်မကျတာ ဘယ်လောက်ကြာခဲ့ပြီလဲ သူမသိတော့ ။