Busticate
(n.) To break into pieces........................
" Jen Fighting ! ငါနဲ့ Mark Hyung တစ်ချိန်လုံး ဒီမှာ ရှိနေမှာ ။ ကောင်းကောင်းလုပ်ပြီး ပြန်လာခဲ့ရမှာ သိတယ်မလား "
" အင်း "
" ငါမင်းကို ချစ်တယ်နော် "
သူ့နဖူးကို ငုံ့ပြီးနမ်းတဲ့ DongHyuckkieက မကြာခင် ပြိုတော့မယ့် မိုးလို ..။
ဒီသူငယ်ချင်းလေးက ဘယ်လောက် နူးညံ့ပြီး ဘယ်လောက်တောင် သူ့အတွက် တန်ဖိုးရှိပါတယ်ဆိုတဲ့အကြောင်းတော့ သူက နေကောင်းလာရင် ပြောပြရဦးမည် ။" ငါတို့တွေ အကုန် မင်းကိုစောင့်နေမယ် .. Fighting "
သူက တာ့တာပြပြီးတော့ Aliceနဲ့ Benက သူ့ကို ခွဲစိတ်ခန်းထဲဆီ တွန်းသွားသည် ။
" Jen .. ကြောက်စရာ သိပ်မကောင်းပါဘူး ။ မင်းခဏ အိပ်မက်လေး မက်ရုံလောက်လို့ တွေးလိုက် "
" I know .. Ben
ငါပြန်ကောင်းလာမှာပါ .. စိတ်မပူတော့ဘူး "ဆရာ၀န်ကြီးတွေပါ ရောက်လာပြီး သူ့ကိုခဏနေတော့ မေ့ဆေးပေးလိုက်ကြချိန်အထိ သူအသိရှိနေသေးပေမယ့် ဆေးအရှိန်ကြောင့် သူအိပ်ပျော်သွားတော့သည် ။
ပြန်နိုးလာရင် .. ငါက လူကောင်းတစ်ယောက် ပြန်ဖြစ်တော့မှာ ..။
.........................
" ဟန်နီ "
ဟိုးအဝေးက မှုန်ပျပျ အရိပ်ကလေးက ဟန်နီ ။
သူက လမ်းအရှည်ကြီးကို လျှောက်နေတာ ။
အရင်ကလို ပြေးလိုက်လည်း နီးမသွား ..။ဆက်တိုက် ပြေးလိုက်ခဲ့ပြီးတဲ့နောက်မှာ သူလက်လျှော့ဖို့ ထိုင်ချလိုက်တော့ သူ့ဘက်ကို ပြန်ပြေးလာသည့် ဟန်နီ့ကို တွေ့သည် ။
" Jeno "
" Jaem .. "
တစ်ယောက်မျက်နှာ တစ်ယောက် ကြည့်ပြီး သူတို့တွေ အကြာကြီး ရပ်နေမိတော့ ပြုံးပြလာသည့် ဟန်နီက တကယ်ကို အပြုံးအကြီးကြီးနှင့် ..။
" လမ်းလျှောက်ထွက်ကြမလား အတူတူ "
" အင်း .. မင်းသဘော "
ထပ်တူကျနေတဲ့ ခြေလှမ်းတွေ ၊ မရဲတရဲ ဆုပ်ကိုင်ထားတဲ့လက်တွေ ..။