Ephialtes
(n.) A nightmare
................................
အချိန် တစ်ပတ်က ဘာလို့ သိပ်ကိုနှေးနှေးလည်ပတ်နေတယ် သူမသိ ။
ဟန်နီနဲ့သူနဲ့ အဆင်ပြေခဲ့ကြတဲ့ တစ်ပတ်ဆိုတဲ့ အချိန်အပိုင်းအခြားလေးတုန်းကတော့ သူက သိပ်မြန်တယ် ထင်ခဲ့ဖူးသည် ..။
ဟန်နီမရှိတဲ့ နေ့တွေ .. ညတွေ ။
အဲ့ဒီနေ့ည ပြီးကတည်းက သူဟန်နီ့ကို မတွေ့ဖြစ်ခဲ့တော့ပါ ။
ဒီတစ်ပတ်လုံး သူက ကျောင်းတက်ခဲ့ပေမယ့် ဟန်နီက ကျောင်းမလာ ။
DongHyuckကိုတော့ ဖုန်းဆက်သည် .. မနက်ဖြန် သူကျောင်းလာမည်တဲ့ ။
Jenoက အဲ့နေ့မှာ ကျောင်းမတက်ဖို့ကို ရွေးချယ်ခဲ့ပါသည် ။
နောက်ဆုံး စာမေးပွဲက နောက်နှစ်ပတ်နေရင် စတော့မည်ဖြစ်သည်မို့ အကုန်လုံးက အကြိတ်အနယ် စာလုပ်နေကြရပြီ ။
စာမေးပွဲနေ့မှာတော့ သူဟန်နီ့ကို တွေ့ရလောက်ဦးမည် ။
ဒီနှစ်ပတ်ပြီးလို့ ကျောင်းတက်ရက်တွေ ပြီးဆုံးသွားရင် သူတို့ရော အရာအားလုံး ပြီးဆုံးသွားမှာလား ?
နောက်ထပ် စာသင်နှစ် စတဲ့အခါ ဟန်နီက ဒီမှာဆက်ရှိနေပါတော့မလား မသေချာ ..။
သေချာသည်ကတော့ ပိုင်ရှင်ရှိတဲ့ ဟန်နီ့ကို သူ မကြည့်နေနိုင်လောက်ပါ ။
စာကြည့်စားပွဲပေါ်က သူတို့နှစ်ယောက် ငယ်ငယ်က ဓာတ်ပုံလေးကို မှောက်မိလိုက်သည် ။
သူ အခုအချိန်မှာ ဘာမှ ခေါင်းထဲ မထည့်ချင် ။
စာလုံးတွေကို ကြည့်နေရင်း မိုက် ခနဲ မူးလည်သွားတဲ့ ခေါင်းက ညက မအိပ်မိလို့များလား ..။
အိပ်ရာပေါ်ကို သွားမလို့ ပြင်လိုက်တော့ ထမိလိုက်တာကိုတောင် ယိုင်နေတဲ့ ခြေလှမ်းတွေ ။
ကုတင်ကြီးက ဘာလို့ သုံးလုံးဖြစ်ရလောက်အောင် သူ့ခေါင်းက ချာလည်နေရပါသလဲ ။
အိပ်ရာပေါ်ကိုရောက်ပြီး မရရအောင် အိပ်ကြည့်လည်း မရ ။
ပိုပြီးထိုးကိုက်လာသည့် ခေါင်းက သူ့ကို နောက်နေသယောင် ..
တစ်နာရီနီးပါး ကြာမှ ခေါင်းကိုက်တာ လျော့လာပြီး အိပ်ပျော်သွားနိုင်တော့သည် ။
.................….................
သူက အမှားလုပ်ထားသည့်သူလည်း မဟုတ်ပါပဲ သူကရှောင်နေမိတာ ဘာကြောင့်လဲ သူမသိပါ ။
ဟန်နီ့ကို နေရမခက်စေချင်လို့များလား .. သူ့မသိစိတ်က ဘာတွေဖြစ်နေတာလဲဆိုတာ သူတစ်ခါတစ်လေ နားလည်မိချင်သည် ။
