(စိတ်ကူးယဥ်သက်သက်သာဖြစ်ပါ၍ ဇာတ်လမ်းထဲမှဇာတ်ကောင်တွေသည် အပြင်လောက ကဇာတ်ကောင်တွေရဲ့ပုံစံကိုပြောင်းပြန်ယူထားခြင်းဖြစ်ပါသည်။)
Unicode
"ကျွီ..."
ကားbreakအုပ်သံနဲ့အတူ အရှေ့ဘက်သို့ယိမ်းထိုးသွားသောခန္ဓာကိုယ်ကြောင့်မျက်လုံးတွေပါတစ်ဆက်တည်းပွင့်လာရသည်...။ ကားမှန်ကနေတစ်ဆင့်ပတ်ဝန်းကျင်ကိုကြည့်မိတော့...
"ေဩာ်...ရောက်လာပြီပဲ"
အတွေးနဲ့အတူခါးပတ်ကိုဖြုတ်ရင်း ကားမောင်းသူနေရာကလူသားကိုလည် မသိမသာ လှည့်ကြည့်မိလိုက်သေးသည်။
သူ့ကိုရှိတယ်လို့တောင် သတ်မှတ်ရဲ့လားမသိပါ။ သူ့ဟာသူကားပေါ်ကဆင်းရန်ပြင်ဆင်နေသည်။ ဒီဥပေက္ခာပြုမှုက နေ့စဉ်ရင်ဆိုင်နေရတဲ့အရာဆိုပေမယ့် မရင့်ကျက်သေးတဲ့နှလုံးသားကတော့ ကလေးဆန်စွာနာကျင်လိုက်ရပါသေးတယ်။
သူ့မှာလည်း ဒီလူသားနဲ့ပတ်သက်ပြီး ခုထိခံစားလွယ်သေးတာပါလား။ ခပ်ယဲ့ယဲ့သာပြုံးလိုက်ပြီး ကားတံခါးဖွင့်ရန်အလုပ်...
"ပတ်ဂျီမင်း"
"ဟင်"
တိကျပြီးပြတ်သားတဲ့အသံက ကားထဲကအေးစက်စက်လေထုကို ဖြိုခွဲပြီးထွက်ပေါ်လာချိန်မှာတော့ သူ့ဦးနှောက်ကလည်း programသွင်းထားသလို လျှင်မြန်စွာ ပြန်ထူးမိသည်။
"ဒီတစ်ခါအမေ့ရှေ့မှာ မျက်နှာပျက်စရာတွေထပ်လုပ်ရင်တော့ ခင်ဗျားကိုကျွန်တော်အသေသတ်မယ်"
"အင်းပါ"
စကားပြီးပြီးချင်း ထွက်သွားတဲ့လူသားကြားနိုင်မှာမဟုတ်ပေမယ့် သူအဖြေပြန်ပေးမိသည်။ ကားပေါ်ကခပ်မြန်မြန်ဆင်းလာပြီးသူ့အတွက်သောကြာနေ့ငရဲခန်း စတင်ရာ အိမ်ထဲသို့ စိတ်ပျက်လက်ပျက်သာ ဝင်လာခဲ့လိုက်သည်။
သောကြာနေ့...။ သူများတွေအတွက်တော့ ရုံးတွေ၊ ကျောင်းတွေ နောက်ဆုံးတက်ရတဲ့နေ့မို့ ပျော်စရာကောင်းပေမယ့် သူ့အတွက်တော့ ပြဿဒါးရက်။
Jeonမိသားစုက သောကြာနေ့ကို သူတို့ရဲ့မိသားစုထမင်းစားပွဲနေ့အဖြစ် သတ်မှတ်ပြီး တစ်ပတ်တစ်ခါ အမြဲလုပ်နေကျ။ ဒါဆိုဂျီမင်းကရော ဒီမိသားစုထမင်းစားပွဲထဲ ဘာလို့ပါလာရတာလဲ။
YOU ARE READING
~ပင်လယ်လို မောင်~(ပင္လယ္လိုေမာင္)//Complete
Fanfiction...မောင်က ပင်လယ်ကြီးနဲ့တူတယ်... ...ေမာင္က ပင္လယ္ႀကီးနဲ႔တူတယ္... Start Date-3. 7. 2021 End Date-21. 10. 2021
