~ပင်လယ်လို မောင်~(ပင္လယ္လိုေမာင္)//Complete

Extra 1

Unicode

နေ့ရက်လေးဟာ သာယာလှပလို့နေသည်။ နေရောင်ခြည်နွေးနွေးရယ်၊ ခြံထဲကနှင်းဆီနီနီတွေရယ်၊ နှင်းဆီတွေကြားက အသက်၃၀အရွယ် လှပပျိုမျစ်ဆဲဖြစ်တဲ့ အဖြူရောင်လူသားတစ်ဦးရယ်....။ နှင်းဆီနီတွေကြားက အဖြူထည်လေးကတော့ ဂျီမင်းပင်ဖြစ်သည်။ နှင်းဆီခြံကြီးထဲ အားတိုင်းဆင်းနေတတ်တဲ့ဂျီမင်းက လမ်းသွားလမ်းလာတွေအတွက်တော့ ရှုမငြီးနိုင်တဲ့မြင်ကွင်းတစ်ခုလိုပင်ဖြစ်နေချေပြီ။

အနီရောင်နှင်းဆီခြံကြီးက ဂျီမင်းရဲ့ပြယုဂ်ပင်။ နှင်းဆီတွေနီရင် ဂျီမင်းပျော်တယ်။ သို့သော် ဂျီမင်းမှာ နှင်းဆီတွေထက်ပိုတွယ်တာရမယ့် လူတွေလည်းရှိနေသေးသည်။

"အစ်ကိုလေးရေ..ဟိုလေ ဂျောင်ဟိုလေးငိုနေလို့"

"ဟင်..."

ရင်နှစ်သည်းချာလေးငိုနေသည်ဟုကြားသောအခါ ဂျီမင်းသည် နှင်းဆီတွေကိုပင်ပြစ်ချထားခဲ့ကာ အိမ်ထဲသို့အလောတကြီးဝင်သွားတော့သည်။ အိမ်ထဲရောက်တော့ ကလေးက ကောင်မလေးတွေဝိုင်းချော့မြှူနေသည့်ကြားမှ အသည်းအသန်ကို အော်ငိုနေလေသည်။ ငိုနေရင်းမှ အိမ်ထဲဝင်လာတဲ့ဂျီမင်းကို မြင်သွားပုံရသည်။ ဂျီမင်းဆီသို့လက်ပိစိလေးတွေဆန့်ထုတ်ကာ ပိုအော်တော့သည်။

ဂျီမင်းလည်း ကောင်မလေးတွေဆီမှ ကလေးကိုလွှဲယူပြီး တင်ပါးလေးကိုပုတ်ကာ အငိုတိတ်ရန်စွမ်းဆောင်ရတော့သည်။

"သားရယ်..မငိုပါနဲ့ ပင်ပန်းပါတယ် ပါပါးကိုချစ်ရင် မငိုနဲ့နော် လိမ္မာတယ် မင်းဒယ်ဒီလည်းပြန်လာတော့မှာ သားငိုနေတာတွေ့ရင် ဒုတ်ဒုတ်နဲ့ရိုက်ခံရမှာနော်"

ဒယ်ဒီဆိုတဲ့အသံကြားချိန်မှာတော့ လောင်နေတဲ့မီးကို ရေနဲ့လှမ်းပက်လိုက်သလို ငိုနေတဲ့အသံကလည်းတိကနဲရပ်သွားလေသည်။ ဂျွန်ဂျောင်ကုနဲ့ ဂျွန်ဂျီမင်းတို့ရဲ့ ရတနာလေးဖြစ်တဲ့ ဂျွန်ဂျောင်ဟိုသည် ဂျီမင်းကိုခင်တွယ်ပြီးကပ်သလောက် ဂျောင်ကုကိုဆို တုန်နေအောင်ကိုကြောက်သည်။ ကြောက်ပေမယ့် မချစ်ဘူးလားဆိုတော့လည်းမဟုတ် စကားစပြောတတ်ကတည်းက ဒယ်ဒယ်ဆိုတဲ့နာမ်စားကိုပါးစပ်ဖျားကမချခဲ့ချေ။ ပါပါးဂျီမင်းက သဘောကောင်းပြီးအလိုလိုက်သောကြောင့် ပါပါးကိုဂျောင်ဟိုကအများကြီးချစ်သည်။ ဒယ်ဒီဂျောင်ကုကတော့ အလိုမလိုက်တဲ့အပြင်စည်းကမ်းတင်းကျပ်တာကြောင့် ဒယ်ဒီ့ကိုဂျောင်ဟိုကချစ်ပေမယ့် ကြောက်သည်။