Unicode
"ဂျီမင်း.. မင်းသေချာရဲ့လား"
"သေချာတာပေါ့ ငါ့ညီမလေးရဲ့မဂ်လာပွဲကို သူ့အစ်ကိုဖြစ်တဲ့ငါကတက်ရမှာပေါ့"
Necktieကိုသေသေချာချာ လှလှလေးတပ်လိုက်ရင်း ထယ်ယောင်းရဲ့အမေးကိုဂျီမင်းပြန်ဖြေမိသည်။ Shirtအဖြူလေးကိုအပေါ်ကအနက်ရောင် coatလေးထပ်ဝတ်ကာ နားဆွဲတွဲလောင်းလေးတစ်ခုကိုလည်း နားတစ်ဖက်မှာတပ်လိုက်သေးသည်။ တော်ပြီလေတစ်ဖက်ပဲ။ပန်းရောင်ဆံပင်တွေကို ပွယောင်းယောင်းဖြစ်အောင် ထိုးဖွပြီးပြုံးလိုက်ပုံက သူပြင်ဆင်လို့ပြီးပြီဆိုတာကို အဓိပ္ပါယ်ဖွင့်ဆိုပေးနေသည်။
ပတ်ဂျီမင်းဘယ်လောက်လှသလဲ။
necktieချည်နေတဲ့လက်တွေ၊ တွဲလဲကျနေတဲ့နားဆွဲလေးနဲ့ ယိမ်းနွဲ့သွားတဲ့ပန်းရောင်ဆံနွယ်တွေက ရင်သပ်ရှုမောဖွယ် ပန်းချီကားတစ်ချပ်လို။ လှုပ်ရှားမှုတိုင်းက အနုပညာတစ်ခုလို တစ်ခမ်းတစ်နား။ သွားတန်းလေးတွေပေါ်အောင်ပြုံးလိုက်တိုင်း ကျောက်မျက်ရတနာတစ်ခုလို တန်ဖိုးထားပြီးပြေးကောက်ထားချင်စရာအတိ။"မင်းမသွားချင်လည်းရတယ်ယောင်း ငါတော့သွားဖြစ်အောင်သွားမှာ"
မှန်ကြည့်နေရာမှ ထယ်ယောင်းအားလှမ်းအော်ပြောလိုက်သည်။
"ငါမသွားလို့မရဘူးလေ စီးပွားဖက်တွေဆိုတော့ ပွဲမှာငါမရှိရင်မျက်နှာပူစရာ"
"အဲ့တာကြောင့်တူတူသွားမယ်ပြောနေတာကို မင်းကဘာလို့အတင်းငြင်းနေတာလဲ"
မျက်မှောင်ကျုံ့ကာသူ့အားကြည့်လာသည်။ အဲ့မျက်ဝန်းကျဥ်းကျဥ်းတွေက လူသတ်လက်နက်တွေ။
"မင်းညီမကလည်း လာစေချင်မှာမဟုတ်ဘူးမင်းကို"
"ဆေွမျိုးသားချင်းဆိုလို့ ငါပဲရှိတာ သူငါ့ကိုလာစေချင်မှာပါ မလာစေချင်လည်းငါကသွားမှာပဲ ဘာထူးလဲ"
"အေး အဲ့တာဆိုလည်းမင်းသဘောပဲ"
ကုတင်ပေါ်ထိုင်နေရာမှ ထယ်ယောင်းထထွက်လာခဲ့သည်။ ဂျီမင်းဘာတွေဖြစ်ချင်နေတာလဲ သူလည်းမသိ။ သူများအိမ်ပေါ်ထိ ပိုင်စိုးပိုင်နင်းရေလာချိုးလို့လည်း မကျေနပ်ပါ။ မဂ်လာဆောင်ကိုသွားမယ်တဲ့။ အင်း....ဒီနေ့ကဂျောင်ကုနဲ့ယွန်းဂျီအာရဲ့မဂ်လာပွဲကျင်းပမယ့်နေ့။
ထယ်ယောင်းဘယ်လောက်တားတား ဂျီမင်းဆုံးဖြတ်ချက်ကမပြောင်းလဲခဲ့။ မတတ်နိုင်တဲ့အဆုံးသူပဲ လက်လျော့ခဲ့ရသည်။ ပတ်ဂျီမင်းကအကြောတင်းလေး။ ဂျွန်ဂျောင်ကုမဂ်လာဆောင်တဲ့မြင်ကွင်းကို မင်းကဘယ်လိုစိတ်နဲ့ကြည့်မှာလဲ အရူးကောင်ရေ။
YOU ARE READING
~ပင်လယ်လို မောင်~(ပင္လယ္လိုေမာင္)//Complete
Fanfiction...မောင်က ပင်လယ်ကြီးနဲ့တူတယ်... ...ေမာင္က ပင္လယ္ႀကီးနဲ႔တူတယ္... Start Date-3. 7. 2021 End Date-21. 10. 2021