- არ მეგონა თუ მოხვიდოდი ..
- მე კიდევ დარწმუნებული ვიყავი , რომ მელოდებოდი - თბილად გაუღიმა და ჩაის ჭიქას მოხვია გაყინული მტევნები .
- ჰარიმ გითხრა ? - უცნაურად შეათვალიერა სკეპტიკურად განწყობილმა .
- ჰარის რატომ უნდა ეთქვა ? - წარბები შეკრა გაურკვევლად მყოფმა - მე ისედაც მინდოდა შენთან ლაპარაკი , მინდა რომ გიცნობდე , მართლა - ისევ გაუღიმა , მაგრამ მეორე მხარის ირონიულ დამოკიდებულებაზე ნერწყვი მძიმედ გადაყლაპა .
- ცოტა მეცინება იცი ? ამის საშუალება გუშინაც გქონდა ..
- ერთმანეთის დადანაშაულებას ყოველთვის შევძლებთ , მეც შევძლებ თავის გამართლებას , უბრალოდ მართლა მინდა თავიდან დავიწყოთ ..
- ანუ რამდენჯერაც შეცდომას დაუშვებ უბრალოდ მოხვალ და უნდა გაგიღიმო ? მგონი , ვერ ხვდები ვინ ვარ იცი - ირონიულად გაეცინა და კარადიდან ჭიქები გამოიღო ღვინისთვის .
- რა თქმა უნდა , სხვა დამოკიდებულებას არც ველოდი .. რაში მადანაშაულებ , შენს თვალში რა გავაკეთე არასწორად ? - თვალებით გაბურღა და ნერვებმაც უმტყუნა . ყელში აწვებოდა ემოციები და თავსაც სუსტად გრძნობდა გუშინდელი დღის გამო . რეალურად იმასაც ვერ ხვდებოდა აქ მოსვლა როგორ შეძლო . შემდეგ , გონებამ სინდისი შეუღვიძა , კოცნის გახსენებისას დანაშაული ერთიანად მოაწვა ყელში და სათქმელი სიტყვები ჩაყლაპა .
- მგონი შეხსენება არც გჭირდება ევა - სახელი განსაკუთრებით გამოკვეთა და დანამული ტუჩები ენით შეიწმინდა .
- ღმერთო , ასეთი რა დავაშავე - სახეზე ჩამოისვა ხელები და ჟაკეტის ბოლოების მკლავზე ჩამოცურების გამო დაჟინებული მზერაც იგრძნო - არ ვიცი რა გითრხა დანიელმა , მაგრამ იმაში ვერ დამადანაშაულებ რომ ყვირილის მაგივრად სხვა რამ მოვიფიქრე თავის დასაცავად ! ჰარის არ გართმევ , ამას არასოდეს ვიზამ . მინდა რომ ბედნიერი იყოს , ორივე იყოთ , იმიტომ რომ მისთვის მნიშვნელოვანი ხარ ...როგორ მიყურებ - გაეცინა , მაგრამ გაჩერება არც უფიქრია - ახლა ყველაფერი სხვანაირადაა,
აღარც ბავშვია მთვრალი რომ დაქორწინდეს ვეგასში ვინმეზე და ახალგაზრდობით გაამართლოს შეცდომები .
ახლა ჩამოყალიბებული კაცია , იცის რა უნდა და იმდენად ეძვირფასები ეშინია რამე არასწორი არ გააკეთოს . ამის თქმა მე არ უნდა მჭირდებოდეს , არც იმის შიშიც შენი სიყვარულისგან რომ აქვს გამოწვეული. ყველაფერს განსხვავებულად აღიქვამს , განსაკუთრებულად და მეტად სასურველად. ასე , ამ მხრივ მისთვისაც პირველია ყველაფერი და შენ კიდევ საეჭვიანო მიზეზი არ გაქვს . მითუმეტეს ჩემზე და ჰარიზე , ჩვენ ბელას გარდა არაფერი გვაკავშირებს .. მისთვის მე მეტი ღირებულება არ მაქვს .. იზაბელა კიდევ ჰარის ნაწილია და მთელი ჩემი სამყარო . შენც აჩუქებ მომავალში შვილებს და არც მინდა რომელიმე მათთვის ბოროტი დედინაცვალი ვიყოთ .
![](https://img.wattpad.com/cover/268711449-288-k492859.jpg)
YOU ARE READING
ყოფილი
Short Storyხელებით დაეყრდნო რკინის ზედაპირს. გრილი ნიავი სხეულზე ესიამოვმა და გაუცნობიერებლად გადააგდო თავი უკან . ტუჩებზე შერჩენილი ლაიმის წვეთები ნელა გაილოკა და თვალები დახუჭა . - ამის დედაც .. - ოდნავ ამოიღრინა ჰარიმ და მისკენ მიიზიდა . უხეშად აამოძრავა მ...