تل الكواسر __بقلم هاجر إبراهيم __ مكتمله

الجزء الثالث

#تل_الكواسر

-الجزء الثالث-

....................العودة ما بعد الركام ....................

#هاجر_إبراهيم [Hajar Sh] ♡

سيرين: ليش .. عأساس شووو بدك تتخلص مني ،، ليش شو فيه تارات بيني وبينك اصلن
فواز: عأساس 200 ألف $ عراس واحد من الكواسر ،، اظن هيك مبلغ بيستاهل تموتي مشانه صح

انصدمت سيرين وبقيت واقفة وحجر عينها معلق على فواز ،،
اما فواز ابتسم بـ شر وقوص رصاصة على سيرين لتصرخ ندى بأعلا صوتها: سييييييرييييييييين

اتهاوت سيرين على ركبها وهي ماسكة جرحها مكان الرصاصة اللي اجت بشكل مباشر ببطنها  وعيون فواز لسا بتراقبها ببرود

قربت منها ندى وهي عم تبكي وتحكي: سيرين انتي منيحة ،،، سـ سيريين مشان الله ماتتركيني
همست سيرين: ندى هربي  ،، لا تبقي هون اااه

خافت ندى ورجعت تمسكت فيها بقوة لما شافت فواز عم يقرب منهم بخطواته
وقف قدام سيرين مباشرة وحكا: بتنصحيني وديكي عايشة لـ يلي طالب راسك وروس الباقي ولا آخدك لعنده جثة؟
سيرين: ......

فواز: لا لا انا برأيي بلالك هالعذاب  ،، شفتي ما أحن قلبي  ،، هي رح ريحك من وجعك وسهل عليكي موتك

ورفع مسدسه وحطه براسها  وبس شافته ندى وقفت وهجمت عليه وتمسكت بإيده وبلشت تبعده
فواز: تركيلي ايدي يابنت
ندى: لا مارح خليك تأزيهااا ،، مارح خليييك تأزي اختي

عصب فواز ونترها عنه ودفشها لتتراجع وتوقع على حجر كبير صابت فيه خاصرتها بشكل مباشر ،، تكورت عحالها ومسكت خاصرتها وهي عم تبكي
همست سيرين من بين الامها :  نـ ندى  ،، لا تأزيهاا

رجع اطلع فواز فيها وسلط المسدس عراسها وهمس بـ شر: اجا دورك يابنت الكاسر  ،، عندك طلب اخير؟

ردت  سيرين بألم  : خـ خلي البنت تروح فواز ماتأزيها هي ما الها اي علاقة بأي شي
فواز: يعني انتي مسلمة لقدرك

غمضت عيونها بقهر وشدت على جرحها وهزت راسها بالايجاب ليرد: معناتا تشاهدي عروحك ست سيرين

لحظات قليلة كانت بتفصل سيرين عن موتها  ،، حست وقتها انه اجلها اجا ،، اما فواز ابتسم وكان ناوي يضغط عالزناد وفجأة اجته رصاصة قاتلة بقفا راسه  ليوقع بأرضه جثة هامدة

رفعت ندى راسها وزحفت لورى  بخوف بينما سيرين عقدت حواجبها ورفعت راسها لتلمح خيال شب بطول فارع ومشية مهيبة عم يمشي اتجاهها ،، غبشوا عيونها وخانها وعيها لتوقع مغمية وسط صدى صرخات ندى  اللي علق  بمسامعها

🦅„…„…„…„…„…„…„…„…„…„…„…„…„…„…„🦅

بهالأثناء على طاولة مكتب كان ساري قاعد وعم يشتغل ،، عقد حواجبه وحمل ورقة ، هز براسه وحمل السماعة وحكا: انسة ايناس تعالي لعندي فوراً