تل الكواسر __بقلم هاجر إبراهيم __ مكتمله

الجزء الحادي عشر

#تل_الكواسر

-الجزء الحادي عشر-

....................العودة ما بعد الركام ....................

#هاجر_إبراهيم [Hajar Sh] ♡

" هذه الحياة عبارة عن لعبة مجبرين على الخوض بها على رغمنا  ،، هي من تضع قواعدها ومصادفاتنا "

من بين جمع الحضور اللي موجودين بالحلبة مشي قصي وهو مجهز حاله ليطلع عليها والشباب الموجودة بتهتفله وبتشجعه

قرب محمد منه وسأل:  جاهز يابطل
قصي: عيب تسألني هيك سؤال  ،، انا طول عمري جاهز ابو حميد

دخل عالحلبة من بين الحبال ووقف بالساحة وهو شايف لاعب من عمره دخل

ابتسم قصي واتلفت حواليه  وشاف الاعور قاعد مع المدرب وعم يراقب الحلبة من بعيد

اخد نفس وركز على نظيره وهمس: هي فرصتي لحتى اثبت حالي

اول ما اعطى الحكم اشارة البدء قربوا الشباب من بعضهم وبلشوا يلتفوا بعكس بعضهم

بادر الشب بأول لكمة ليتفاداها قصي ويبادله بضربه على بطنه

اتراجع الشب بينما بقي قصي بقي واقف وهو مبتسم  ،، صرخ الشب وهجم عليه ووجهله ضربه على وجهه لكن قصي حما وجهه بالقفازات ،، بقي الشب يوجهله ضربات متتالية بينما قصي بقي رافع ايديه واخد وضعية الدفاع وهو عم يعد الضربات اللي عم تتوجهله  ،، بس شاف عدد الضربات اتقلص وقوة الضربات ضعفت رسم ابتسامة وحكا: اجا وقتك

ونزل ايده الشمال ورفعها بسرعة البرق ليضربه على ذقنه ،، وهي كانت الضربة القاضية للشب واللي خلته يفقد وعيه وتوازنه ويوقع عالارض

قرب الحكم من اللاعب وبس شافه ملقح عالارض ومو قادر يرجع يوقف ،، رفع ايده ووقف ومسك ايد قصي ورفعله ايده وحكا بصوت مسموع: عناااا فائز هووون

عليت الاصوات و الهتافات بإسم قصي اللي رفع ايديه التنتين وهو عم يضحك

كان الاعور براقب بـ قصي بتركيز بعد ما لفتله قصي نظره بـ موهبته وقوته

قرب الاعور عند المدرب وسأل: هالشب اللي فاز شو اسمه الكامل ؟
المدرب: اسمه قصي الكاسر 
بقي الاعور يطلع بـ المدرب بهدوء وحتى انه ما غير ملامحه  ،،
المدرب: من زمان وهالشب نفسه يخوض نزال واليوم لأنك موجود رضيت طلعه عالحلبة  ،، بس بدك الصراحة الشب اللي هزمه من اهم واقوى المستجدين عندي  ،، ماتوقعت يخسر قدام قصي
الاعور: يعني خسرت الرهان بينك وبين حالك
المدرب :اي والله

رجع الاعور استند عالكرسي وهو راسم ابتسامة كلها مكر وهمس : ماكنت مفكر انه الصيد يجي برجليه لعند رجليي ،، خير  ،، كله خييير هه

🦅„…„…„…„…„…„…„…„…„…„…„…„…„…„…„🦅

#قطع وعودة عند ساري وعماد  ..