تل الكواسر __بقلم هاجر إبراهيم __ مكتمله

اقتباس

مشهد تشويقي من الجزء ال 28 ❤️

ياجماعة لعد حدا يسألني كم باقي للرواية.  ،، رح اعمل جهدي خلصها عال 30 او ازا تعدت جزء او جزئين مافي مشكلة 🤷‍♀️

كان عماد حاني راسه ونايم وهو قاعد على ركبه وايديه لسا معلقين بالحيط. ،، فجأة حس على مي باردة عم تنزل عليه لينتفض ويشهق. ،، رفع راسه وانصدم بس شاف سيرين واقفة وهي حاملة قنينة فيها مي وعم تنزل منها عليه

سيرين: صباحووو ابن العم ،، ان شاء الله تكون عجبتك النومة اللي رتبتلك اياها. ،، لاتقلي ولا فندق خمس نجوم

عماد: ........

نزلت قدامه على ركبها بينما هوة بقي صافن بعيونها بخوف

ابتسمت وطلعت محرمة وبلشت تمسحله آثار الدم الموجودة على وجهه اللي اتسببوا فيها مرهف وجواد
سيرين: ذكرني كم سنة فيه بيناتنا عماد ؟
غمض عيونه ونزل راسه بـ احراج
سيرين: استنا اتذكر. ،، انا مواليد ال 92 بشهر 2. ،، وانت مواليد 91 بشهر 11. ،، يعني انت بتكبرني بتلات شهور بس. ،، بتصدق

عماد: .........

سيرين: زمان ماكنت فرقك بشي عن اخواتي. ،، انت وانور ومرهف والبقية. ،، كلكم كنتوا اخوة الي بدون اي شروط.  ،، وهالحكي ماكان ينطبق عليي لحالي. ، كان ينطبق على لورا كمان. ،، كان ازا غابوا اخوها وابوها الكل بدون استثناء يغطوا مكانهم. ،، وانت واحد منهم

عماد: ..........

اخدت نفس وبلشت تنتف المحرمة وتمزعها قدام عيونه بقهر وهي شاردة ،، بينما هوة بقي يراقبها بسكات ،، ماكان عنده اي كلام يحكيه او اي تبرير يبرره الها

سيرين:  ليش هيك عملت ياعماد؟

غمض عيونه وزاح وجهه على جنب ودموعه نزلت لتمتزج مع دمه

سيرين: شو كنت رح تخسر لو حكيت لـ جواد انه اخته عايشة ،، بس فهمني كيف طاوعك قلبك تستغلها هيك استغلال بشع ؟ كيف هان عليك تشوف بنت عمك اللي من لحمك ودمك ضايعة وعم تدور على سند تستند عليه وانت بقيت تراقبها من بعيد لبعيد وكأنها مابتخصك بشييي. ،، كييف !!

بقي ساكت ومالقي اي جواب لأسألتها المؤلمة

سيرين: احكي. ،، نطووق

قربت منه وشدته من جاكيته وبلشت تهزه وهي عم تحكي: احكييي اي شيي. ،، لا تبقى سااكت ،، احكييي

فجأة نطق: حبيتها ،، اي حبيييتها. ،، هاد هوة السبب
شدت سيرين على سنانها وضربته كف وصرخت بغضب : اي حب هاااد اللي بخليك تضحك علييهااا. ،، عن اي حب عم تحكييي انت.
عماد: ..........

بلت شفافها بطرف لسانها ومسكته من شعره وشدته ونطقت بسخط: شو اعمل فييك. ،،، احكي. ،، فلت عليك جواد ومرهف ليجيبوا اجلك؟  خليهم يوسخوا ايديهم بدمك النجس اه

عماد: اي. ،، ازا انتي شايفة هاد الصح عمليه
نترته ووقفت. ،، التفتت وهي عم تبكي. ،، شو تحكي. ،، كيف بدها تعاقبه. ،، كانت واقفة وعم تفكر كيف بدها تصلح اللي خربه عماد.

سحبت المسدس والتفتت عليه وسلطته على راسه مباشرة. ،، كانت لازقة فوهة المسدس على جبينه وهو بيطلع فيها بعيونه اللي كانت غرقانه بالدموع

#قطع. ...
توقعاتكم ❤️