#تل_الكواسر
-الجزء الثلاثون-
.................... على نهاية خط الإنتقام ....................
#هاجر_إبراهيم [Hajar Sh] ♡
” لا يوجد ما يستحق الندم غير ما يضيع من العمر فى هذا الندم“
-صلاح الدين الايوبي-
بغرفتها وقدام مرايتها كانت ايلفان قاعدة وهي صافنة وعم تفتل خاتم جان بإيديها ،، براسها عم يحوم صدى صوته بآخر كلمات حالها اياها
" متل مادخلنا بكذبة. ،، رح نطلع بتمن كبير
ما بظنك رح تزعلي. ،، لأنها من البداية هالخطبة كانت مصلحة كبيرة بينا وليكها انتهت "
حاولت تداري على دمعتها لحتى ماتنزل. ،، حملت جوالها وكانت بدها ترن لـ جان. ،، لكن حست فيه شي منعها. ،، قلبت عن رقمه ورنت لـ ليمار ونطرت الرد
بالطرف التاني ردت ليمار : ياهلا بالانسة ايلفان
ايلفان: كيف حالك ليمار
ليمار: :الحمدلله. ،، مشتاقتلك والله
ايلفان: ا اي وانا كمان
لاحظت ليمار على صوت ايلفان انه ماكان تمام.
ليمار: ايلفان شو صاير معك؟
ايلفان: جـ جان عندك شي؟
ليمار: لا والله جان اتصل على مدير المركز من الصبح واخد اجازة ،، هيك خبروني
ايلفان: اها. ...
ليمار: مابتعرفي ليش؟
ايلفان: لا عم رنله بس عم يطلع خارج التغطية. ،، ليمار ممكن اطلب منك طلب
ليمار: تفضلي
ايلفان: بصير ترنيله انتي
ليمار: ماعم تحكيلي خارج التغطية. ،، بعدين بإمكانك ترني لبنته او امه. ،، ولا كنك نسيتي انك خطيبته كمان
ايلفان ; .........
ليمار: ايلفان. ،، انتوا متخانقين سوا صح. !!
ايلفان: .........
ليمار: الهيئة هيك. ،، خلص انا مارح اسألك عن السبب. ،، بس رح رنلك اله ورح ارجعلك
ابتسمت ايلفان وردت: عنجد شكراً الك ليمار ،، مابعرف كيف ردلك معروفك
ليمار: معروفي بينرد بس شوفكم متل السمنة على عسل ،، خمس دقايق وراجعتلك
سكرت ليمار المكالمة ورجعت رنت على رقم جان ليرد عليها بعد رنتين: الو
ليمار: كيف ياكابتن
جان: انا. ،، عاال. ،، كتير مبسووط. ،، ومافي احلا مني كمان
ليمار: اي واضح كتير ،، البسط عم يشرشر من كواعك
جان: من الاخر شو اللي بدك اياه
ليمار: لك انت ماكنت رفعت مبارح دعوى على الست جميلة اخت اللواء
جان: اي
ليمار: مابدك تجي لتشوف شو صاير بغيابك. ولا استنى. .... انت عندك خبر صح. !!!
جان: اي عندي خبر. ،، والله لايقيم حدا
ليمار: واو. ،، من ايمت لك جان
جان: شفت بعيني اللي عم يتعرضوله والأذى اللي عم يسببه شهاب واسعد لأهلي. ،، لهيك عم قلك هيك
ليمار: حقك معناها. ،، المهم. ،، ايلفان عم تحاول ترنلك بس رقمك عحسب حكيها كان مغلق
جان: مغلق. !!!
صفن شوي و رد: يعني ماحكتلك انه تركنا !
تفاجأت ليمار وسألت باستغراب: وليش تركتوا؟
جان: عأساس مابتعرفي انه كل خطبتي منها كان تمثيلية
ليمار: انت قلتها. ،، كانت. ،، وانا تعلمت انه كان فعل ماضي. ،، الوقت بتغير مع القلوب ياجان ،، والبنت لو مو مهتمة فيك ما كانت رنتلي وطلبت مني هيك طلب
YOU ARE READING
تل الكواسر __بقلم هاجر إبراهيم __ مكتمله
Actionجاهزين للجزء الأول ✋ بسم الله بنبدا 🙏 #تَــل_الكواسر هاجر إبراهيم ،،،، مقدمة ..... "مرهف : القلب لما بيحوى حدا بيحواه بصدق ،،، لأنه القلب مابيكزب ،، ما بينافق ولا عنده أنانية متل نفوس البشر ،، " "أنور: ومع هيك،، بقيت خسارة ورا التانية وكلو تحت...
