تل الكواسر __بقلم هاجر إبراهيم __ مكتمله

تكملة الجزء العشرون

ياجماعة اسفة عالتأخير بس الجزء طلع طويل لدرجة حتى المشهد التشويقي وتوابعة مانزلو وكمالة مشهد ساري وسيرين كمان مانزل
استنوني بكرا المسا لنزل نص الجزء ال 21 هون  ومنه بضيف عليه كم مشهد زيادة ليكون محرز. ،، عنجد مصدومة بالنتيجة ماتوقعته يطلع طويل لهالدرجة 😅😅😅😅 ♥️♥️♥️ وهلا رح ضيف كمالة مشهد سيرين وساري هون 😍😍😍♥️♥️

بقي ساري صافن فيها بذهول. ،، قدرت تقنعه بوجهة نظرها بكل بساطة بدون اي نقاشات زايدة. ،، ابتسم ورفع راسه لفوق
سيرين: شبك
ساري: ماعم اقدر جاريكي بالنقاش.
سيرين: حاول يمكن تزبط معك

اطلع فيها وحكا: يمكن. ،، سيرين انا لما بحكي هيك مابكون خايف عحالي اكتر ماكون ماكون خايف عليكم ،، انا مابدي اخسر اي حدا فيكم
سيرين: وانا اللي عم اعمله لمصلحة الكل. ،، اكيد انا كمان بتجنب اخسر اي حدا منكم. ،، والا ماكنت رح تشوفني بعمرك ياساري

ساري: انتي بتخافي تفقدينا
سيرين: اكيد. ،، مافي حدا ماعنده مخاوف بهالحياة. ،، وانا مخاوفي بتنحصر فيكم ،، مابتخيل ارجع عيش نفس المأساة مرة تانية وضل لحالي من غير عيلة

اتنهد بإرتياح وابتسم.
ساري: ازا بقينا موحدين مارح نخسر
هزت براسها وبقيت صافنة بعيونه

بهالأثناء ظهر صهيب من بين الشجر وهو عم يتلفت ويهمس :وين اختفت هي؟

فجأة لمحهم واقفين سوا. ،، عقد حواجبه واتمسمر بمكانه وبقي يراقبهم بهدوء وهمس : خير ان شاء الله. ،، لشو عم تخطط هالمرة يا ابو بريص

سيرين : هدول الكلمتين اللي كنت بدك تحكيهم معي عإنفراد؟
ساري. :لا مو بس هدول. ،، بصراحة انا بدي اعتذر منك
سيرين: بخصوص شو. !!
ساري: هداك اليوم لما كنا بالسيارة علي صوتي عليكي
ابتسمت و ردت: وصهيب ماقصر فيك وقتها
ساري: صدمني. ،، خفت يقوص عنجد
سيرين: مابيعملها.

ابتسم صهيب وهمس: لا غلطانة اساساً انا احب على قلبي

كملت سيرين ;اساساً هوة حريص على حياتكم اكتر مني

صهيب: ههه مين ضحكان عليكي بهالحكي؟

ابتسم ساري و رد: قلت لحالي. ،، عالعموم ياريت تقبلي اعتذاري
سيرين: ولا ببالي ،، اساساً رأيك متل عدمه مامهم
ساري: اها. ،، يعني رجعنا لتلقيح الحكي
سيرين: عادة فيني مابقدر بطلها
ساري: تلقيح الكلام بتسميها عادة
سيرين: والل انا هاد طبعي
ساري: صدقيني هاد الطبع اللي عم يخليكي مستبعدة انك تكوني انثى
سيرين: اخر همي

غمض عيونه و رد بنفاذ صبر:بس انا بهمنييي
سيرين: شو هوة اللي بهمك. ،، ليش مابتلتفت لحالك وبتنسا اني انثى
ساري: ماعم بقدر
سيرين: ليش؟
رد ساري بصوت عالي: لأني حبيتك

سيرين: .......

صهيب: .......

🦅„…„…„…„…„…„…„…„…„…„…„…„…„…„…„🦅
#يتبع. ،،، لبكرا ♥️