اقتباس خفيف من الجزء 30 ❤️
لما توصل فينا مرحلة نضيع حالنا بنفس جسمنا. ،، ونضيع بين شخصيتين وحدة ضعيفة وجبانة وبريئة وواهنة متل جناح الفراشة والتانية قاسية ومخيفة وصلبة متل حجر الصوان. ،، رح تعرف وقتها شو هوة العذاب. ،، رح تعرف وقتها انك شخص انخلق ليعاني وبس
كانت ندى نايمة بتختها وهي عم تاخد راسها شمال ويمين وهي عم تحكي وتهدس بكلمات غير مفهومة ،، رجعت سمعت صوت صراخها ليمتزج بدوره مع صوت صراخ اخوها ورد ،، قدرت تشعر بآلام كتيرة بجسمها. ،، لسع النار و الم اعضائها اللي عم تنسلب منها. ،، شهقت و فتحت عيونها ورفعت حالها بسرعة وبلشت تتلفت حواليها بهدوء. ،، نزلت من عالتخت ولبست برجلها وطلعت من الغرفة وبلشت تمشي بالممر بكل برود.
،،،،،، :ندى ندى
التفتت ندى وشافت الين جاي اتجاهها
الين ; شو ندوشة كيف صرتي
بقيت ندى ترمقها بنظرات غريبة وهي ساكتة. ،، وهالشي لاحظته الين
الين: شبك ندوش. ،، ليش هيك عم اتطلعي فيني ؟
تجاهلت ندى كلامها ورجعت التفتت ومشيت ونزلت عالدرج قدام استغراب الين اللي همست: لاا شكلها مو طبيعي
لحقتها الين عالهدا وشافتها وقفت قدام باب القبو ،، دقيقة كاملة مرت على ندى وهي صافنة بالباب بدون اي حراك او ردة فعل. ،، فتحت الباب وفاتت وسكرته وراها والين لسا واقفة وبتطلع بالباب باستغراب
الين: شو الها ندى بالقبو هلأ. !!!!
………………….
نزلت ندى عالدرج ووصلت عند باب القبو تحت وفتحته بهدوء ،، فاتت لجوة ووقفت قدام اسعد اللي كان واقف بنص القبو بدون بلوزة وايديه مكبلين بجنازير ومعلقين بالسقف وتمه مغطى. ،، كان اسعد منزل راسه بوهن بعد العذاب اللي تلقاه من جواد الليلة الماضية
كانت واقفة وبتطلع فيه بتركيز و بكل حقد ،، فجأة اجت عذاكرتها هديك الليلة اللي استفرد فيها واعتدى عليها
" تركننييييي. ،، لا لاا ورد. اخييي مشان الله تعال خلصنييي. ،،، ياخالتي. ،، عموو شهااب مشاان الله ساعدووني
اسعد: لك ولي عليكي شو عنيدة. ،، عم قلك اهدي ياحيوانة
رماها ليخبط راسها ببلاط الارض ،، قعد فوقها وضربها كفين حست الدنيا بلشت تفتل بعيونها بسببهم وبطلت قادرة تستوعب اللي عم يصير او اللي عم يعمله اسعد فيها "
نزلت دمعتها وغمضت عيونها وميلت راسها لحتى تقدر تنسى اللي عمله اسعد فيها ،، بالرغم انه كان صوت بكاها منخفض الا انه اسعد حس عليه ورفع راسه ليتفاجئ فيها واقفة قدامه وهي منزلة راسها قدامه وكل شعرها مغطي وجهها
ميل راسه ليقدر يتعرف عهالبنت وهمهم بصوت مسموع لتوقف ندى بكي ويعم الهدوء فجأة بالقبو
رفعت راسها ببطئ وإجت عينها بعيون اسعد ليفتح عيونه بصدمة
ندى: بشوفك منورنا اسعد بيك
اسعد: مممم مممممم
ندى: ياترى لساتك متذكر هالوجه ولا نسيته
اسعد: ...........
ندى: متذكر ندى واللي عملته فيها ؟ بشو بدك ذكرك. ،، بضربي وتعذيبي وحرقي و ،،،،
ميلت راسها ببرود وكملت: و تشويهي؟
اي ورد رجع ظهر وقدام اسعد اللي كان واقف ومرعوب منها ومن اللي ممكن تعمله ندى او بالأحرى من اللي رح يعمله ورد فيه بعد ما انفردوا التنين بمكان مغلق لحالهم. !!!!
#قطع. .. موعدنا السبت اذا الله راد
YOU ARE READING
تل الكواسر __بقلم هاجر إبراهيم __ مكتمله
Actionجاهزين للجزء الأول ✋ بسم الله بنبدا 🙏 #تَــل_الكواسر هاجر إبراهيم ،،،، مقدمة ..... "مرهف : القلب لما بيحوى حدا بيحواه بصدق ،،، لأنه القلب مابيكزب ،، ما بينافق ولا عنده أنانية متل نفوس البشر ،، " "أنور: ومع هيك،، بقيت خسارة ورا التانية وكلو تحت...
