تل الكواسر __بقلم هاجر إبراهيم __ مكتمله

الجزء السادس والثلاثون

#تل_الكواسر

-الجزء السادس و الثلاثون-

.................... على نهاية خط الإنتقام ....................

#هاجر_إبراهيم [Hajar Sh] ♡

"إن أولئك الذين لم يُصفعوا من الحياة في يوم من الأيام ، لن يفهموا منها شيئاً البتة..."
-ديستويفسكي-

عربي: يعني انا هلأ حمل وديع بعيونك؟
سوسن: مممم وهمي ساعدك وبس

عربي: كنك نسيتي مين نحنا

سوسن: اكيد لا. ،، بس حسيت اني تسرعت بالحكم و ..
تحرك لقدامها خطوة و سأل: وشو. !!

سوسن: شوف سيد عربي انا قعدت بيناتكم وحتى اني جبت بنتي معي وماحسيت بالخوف لا على حالي ولا عليها معكم ،، عرفت مين انتوا وشو بتكونوا. ،، شفت ان كلشي عم تعملوه بس لحتى تعيشوا بسلام. ،، بصراحة حسدت سيرين على محبة الكل الها. ،، شفت احترامكم الها واهمهم احترامك انت وحنيتك عليها برغم انها اصغر منك. ،، شفت حنية جواد على اخته. ،، وغضبه عليها ولما طلعت حامل شفت كيف انقسمتوا وخوف صهيب وانور وقصي عليها منكم وكيف وقفوا بوجهكم ليحموها من الأذى. ،،  شفت حنية قصي على ندى وكمية خوفه عليها لما ضاعت.

غرقوا عيونها بالدموع وكملت: باختصار  شفت شغلات حلوة بيناتكم مو موجودة بكل العيل  ،، اللي هية احترامكم لإخواتكم البنات وخوفكم وحنيتكم عليهم

عربي: هاد اللي خلاكي تغيري نظرتك فينا؟
سوسن: صح الكم سلبيات بس عندكم ايجابيات بتخلي الواحد مايندم على معرفتكم

ضحك عربي بهدوء بينما سوسن بقيت صافنة فيه وهي مبتسمة
فجأة نطقت: انا عندي اخ وحيد. ،، لما كنت صغيرة  ،، كان قاسي عليي كتير.

عربي: ........
سوسن: كانت ايده والكف. ،، كنت ازا تأخرت برجعتي من المدرسة يضربني ايام بقشاط. ،، ايام بسلك كهربا

غصت  وكملت: كان يقول انه البنات مصيبة ومابينعطوا وجه وانن عار عأهاليهم. ،، الله يسامحه.
عربي: وين كانوا ابوكي وامك عنه؟
سوسن: كان عادي عندهم. ،، ولا كأني بنتهم
اخدت نفس وابتسمت بحزن. : لما شفت خوفك على سيرين ورعبتك عليها. ،، و كيف جبتني وهددتني انها ازا بتموت انا رح الحقها استغربت. ،، يعني كانت شغلة جديدة عليي. ،، ووقتها تزكرت الايام اللي قضيتها مع اخي واهانته الي عالطالعة والنازلة وكأني عدوة اله مو اخت وتمنيت لو كنت مكان سيرين لحتى حس بالاخوة اللي ماحسيت فيها مع اخي

عربي: وهلأ مابيسأل عليكي؟
سوسن: ولا بشوفه. ،، هه اتجوز من زمان وخلف 5 بنات مطلعين عيونه هي وامهم  هههه
ماقدروا  عربي وسوسن يكتموا ضحكتهم
عربي: يعني اعتبر انه الله جازاه عالشي اللي كان يعمله فيكي؟
سوسن. :ليش انت بتعتبر خلفة البنات عقاب للزلمة؟
عربي: لا طبعاً  ،، هدول هدية من ربك. ،، بس اظن لسا فيه عقليات متخلفة بتعتبر خلفة البنات ذنب ،،
سوسن: صح.