#تل_الكواسر
-الجزء التاسع و الثلاثون-
.................... على نهاية خط الإنتقام ....................
#هاجر_إبراهيم [Hajar Sh] ♡
” لا تأسف على شخصٍ فقد ضميره. ،، بل إإسف على مايمكن أن يفعله من دونه "
،،،،،،،، :قلتلك لا تخاف عالبنت يا نائل ،، هي بايدين امينة
نفخ نائل بانزعاج و قلب التلفون عالادن التانية و رد: ايدين ميين ياروح الوالدة. ،، لك انت عابد مو اي شخص عادي بعرفه.
عابد: سماع مالي مصلحة ااذيها. ،، بكفي انها حفيدة اختي
نائل: لا بجد. ،، وكتير هاممتك اختك؟ حكيلي ازا ماكنت رح تأذيها ايمت ناوي ترجعها. ،، اي والله خايف ارجع عالفيلا يقومو يستجوبوني الي ويشكوا فيني لكون عامللها شي للبنت
عابد: لك نائل. ،، من ايمت قلبك صاير قطيعة؟ والله مابعرفك جبان
نائل: القصة مو قصة جبن. ،، بس هي طفلة ما الها ذنب وبنت ابن اختك وحرام عليك تعمل هيك فيها.
عابد: خلص ماشي
نائل: شو اللي ماشي؟
عابد: فهمت. ،، هي طفلة ما الها ذنب ومارح ااذيها ورح رجعها بس شوف الوقت مناسب. ،، ارتحت هلأ
نائل: خليك عم تساير فيني لشوف
ابتسم عابد بمكر و حكا: ازا بترضى تاخد مكان اسعد انا مستعد رجع البنت لحضن ابوها
نائل: .........
عابد: شو بشوفك سكتت
نائل: قلتلك كذا مرة انا ما بشتغل بالحراام
عابد: عأساس عيشتك كلها حلال؟
نائل: ياسيدي اعتبرها متل مابدك. ،، بس شغلك بعدني عنه. ،، ازا انت مضيع ضميرك. ،، غيرك عنده ضمير. بيصير ابن حرام بس يصحى.
تنهد عابد و رد : اي براحتك. ،، سلام يا ابو ضمير حي
وسكر الخط بوجه نائل اللي وقف ومشي اتجاه الشباك ونفخ بضيق وهمس: ابن الكلب عم يساومني. ،، بيعرف منيح نقطة ضعفي ومارح يهدا ليشغلني معه
………………….
بهالأثناء كان عابد قاعد وصافن بصورة كان محتفظ فيها لـ رويدا بـ جزدانه. ،، فجأة لاحت بباله صورة الين ونظراتها الغريبة بس التقت عيونها بعيونه وهو عم يخدرها
عقد حواجبه وهمس: شو سر هالنظرة. ،، ماكانت نظرة خوف قد ماكانت نظرة الها معنى تاني
فجأة صحاه من شروده صوت واحد من رجاله
رفع راسه و رد: اي طه شو بدك
طه ; معلم الصبية اللي جبتها معك مارضيت تحط لقمة بتمها من لما صحيت
عابد: بركي ماعجبها الاكل. ،، سألوها بركي حابة تاكل شي تاني
طه: سألناها وغيرنالا صنف الاكل مرتين وعالفاضي
عابد: شو اعمللها يعني. ،،، روح طعميها بايديي لترضى الست الخانم ، عمرها ماتاكل ،، ماعاد حدا يدخللها شي. ،، بس تجوع بتطلب لحالها
طه: امرك معلم
كان بده يطلع لما ناداله ليرجع ويرد: اي معلمي
عابد: القبو بارد شي؟
طه: يعني
عابد: طيب بعتولها اغطية زيادة بس
طه: حاضر
YOU ARE READING
تل الكواسر __بقلم هاجر إبراهيم __ مكتمله
Actionجاهزين للجزء الأول ✋ بسم الله بنبدا 🙏 #تَــل_الكواسر هاجر إبراهيم ،،،، مقدمة ..... "مرهف : القلب لما بيحوى حدا بيحواه بصدق ،،، لأنه القلب مابيكزب ،، ما بينافق ولا عنده أنانية متل نفوس البشر ،، " "أنور: ومع هيك،، بقيت خسارة ورا التانية وكلو تحت...
