تل الكواسر __بقلم هاجر إبراهيم __ مكتمله

اقتباااااس

اقتباس مو خفيف ابداً من الجزء ال 35 🥺💔💔

بس لما تخلصوا قرائتوا ماتتسرعوا وتقعدوا تسبوا عليي ها 🤧 بزعل وبحرد والله

القهر شي صعب وشعور الوحدة وانت موجود. بين اهلك وناسك  أصعب وأصعب. ،، وهالشعور تملك مرهف وخلاه غير متوازن عقلياً ،، كان مستعد يعمل المستحيل ليفوز بهالحرب اللي شعلها عماد ويحتفظ بحبه ويحميه من اي غدر ،، لكن ماكان عرفان انه طريقته زادت الاصرار بقلب عماد أكتر ليقدر يرجع اللي سلبه من مرهف

قدام لورا كانوا واقفين ومسلطين أسلحتهم على صدور بعضهم ،، مركزين بعيون بعض وكتير مشاعر حسوها. ،، ياه شو كانوا مقربين من بعض.  ،، يااه على هديك الايام اللي كانوا فيها اخوة بالفعل

مرهف: انا طولت بالي عليك كتير. ،، بس لهون وبكفي. ،، بالاول كنت عامل خاطر لـ اخوك وبقية ولاد عمك وللعهد اللي قطعته الهم اني ما إإذيك. ،، بس انت تماديت كتير ياعماد. ،، تماديت كتير وعمايلك معد تنهضم بالمرة

عماد: مرهف. ،، مارح تقدر تغير شي حتى لو قتلتني. ،، بكفي تكابر وتنكر ،، انت معد الك مكان بحياتها

صرخ مرهف :وانت مييين لحتى تقرر هالشي.
عماد: ،،،،،،،،
مرهف: تشاهد عروحك يا حيوان

فتح عماد عيونه بس شاف مرهف مصرر على قتله. ،، فجأة شافوا لورا ماشية بكل برود ووقفت بيناتهم لدرجة مسدساتهم لزقت بضهرها وصدرها وهي عم تبكي وانصدموا عماد ومرهف من تصرفها
مرهف: انتي شوو مفكرة حالك عم تعملي؟
لورا: اللي شايفه . ،، ازا كنت انا السبب بهالشي. ،، معناتا انا اللي لازم موت.
عماد: لورااا بعدي من قدامي
هزت راسها بالنفي وحكت :لا. مارح ابعد وازا بدكم تقوصوا قوصوا انا معد يهمني
مرهف: انتي لييش مصرة تجننيني. ،، يعني اقتل حالي لحتى انتي تنبسطي
لورا : لااا لااا مرهف مشان الله بكفي. ،، كرمال الله خلينا نمشي.
مرهف: لوين نمشي. ،، ازا كنتي بتصرفاتك ورفضك لكلشي بطلبه منك ،، انتي عم تسكري كل طريق بدنا نمشي فيه سوا

ردت وهي عم تبكي بقهر :  مع هيك مو من حقك تطلب مني اقتل ابني بس مشان انت ترتااح ،، انا خلص معد بدي ايااك ولا بدي عماد مابدي حدا فيكم ،، بس اللي بدي اياه انكم تتركووني بحالي وتعتقوني لوجه الله

كلمة لورا الأخيرة سببت مقتل بقلب مرهف ومن غير وعي هوت ايده وهو بعده صافن بعيونها اللي عم يلمعوا بدموع القهر والعذاب

نزل عماد المسدس وتراجع بعد ماسمع كلمة لورا. ،، كان عماد متعود عالرفض من لورا بس ماتعود يشوف رفضها لـ مرهف معه
حول نظره على مرهف اللي كان مميل راسه وبعده صافن بصدمة بـ لورا

حرك مرهف حجر عينه لتجي على عماد. ،، عقد حواجبه ورجع رفع السلاح عليه وسلطه على راس عماد بغضب وتزامن هالشي مع دخلة جان اللي ركض بسرعة ونزله ايده بسرعة لتطلع رصاصة وتمر من جنب وجه لورا وتجي بصدر عماد

صرخ جان : مجنووون.
وخلصه السلاح والتفت بصدمة بس شاف عماد بعده واقف وفاتح عيونه اللي ملانة بالدموع لتصرخ لورا بأعلا صوتها : لاااااااا

#قطع وموعدنا الجزء القادم 🌷