تل الكواسر __بقلم هاجر إبراهيم __ مكتمله

الجزء الثاني والعشرون

#تل_الكواسر

-الجزء الثاني و العشرون-

....................العودة ما بعد الركام ....................

#هاجر_إبراهيم [Hajar Sh] ♡

" وقتنا. ،، ليس ملكاً لنا ،، بل هو مجرد شيئاً قد وهب لنا وسيؤخذ منا بيوم "

عالطريق كان صهيب لسا ماشي ،، فجأة ضرب بريك قوي ووقف بنص الشارع وهو مصدوم وفاتح عيونه عالآخر بس شاف قدامه سيارة ساري مكسرة ومولعة

هز راسه بالنفي وهمس: لـ لاا لااا

نزل من سيارته ومشي بخطوات عم ترجف اتجاهها وعيونه مفتوحة برعب ،،، نزلوا دموعه وصرخ: لاااااا سييييريننن

وركض اتجاهها بسرعة وحاول يفتح الباب بس ما قدر. ،، نزل واطلع عليهم من خلال القزاز وانصدم بس شافهم مغيبين ومو بوعيهم

صهيب: لااا شو اللي عملته يا صهيييب. ،، شووو عملت

رفع رجله وخبط القزاز ليقدر يكسره ،، بعد ما انكسر فتح قفل الباب وفتحه وقرب من سيرين وحط راحة ايده على رقبتها. ،، نزلوا دموعه وضحك وحكا: عايشة. ،، لسا عايشة ،، الحمدلله

فجأة سمع صوت ساري عم يأن بجنبها. ،، التفت لبرا وشاف النار عم تعلا. ،، حمل سيرين بسرعة وطلعها بسيارته من ورا وسكر الباب. ،، كان بده يطلع بس صفن بعيون متوسعة بـ ساري اللي كان عم يحاول يستعيد وعيه بقلب السيارة ،، لحظات مرت على صهيب وهو عم يطلع بالسيارة ،، غمض عيونه وهمس بقهر : يلعن ابوووك يا هالدم بسسسس

ورجع ركض عند ساري وفتح الباب وطلعه ،، النار كانت عم تعلا اكتر والقزاز الأمامي من الحماوة انكسر وقبل ما تطول النار ساري قدر صهيب يسحبه لبرى ويبعد فيه لبعيد ،،، كان شاحطه لبعيد لما فجأة انفجرت السيارة ليندفعوا التنين لورى ويوقع ساري فوق صهيب مغمي

كان صهيب متسطح وهو عم ياخد نفس
صهيب: ياريتك تقدرلي هالشي بس يا ابن عمي
رفع حاله ورجع حمله على اكتافه وحطه بالسيارة وطلع ورجع فيهم عالبيت

🦅„...„...„...„...„...„...„...„...„...„...„...„...„...„...„🦅

بالمخفر كان عدي واقف وبإيديه الكلبش وعم يراقب المساعد وهو عم يكتب الافادة
عدي :و والله ياسيدي ماكان قصدي فوت بالسيارة
المساعد ;شششش دقيقتين ورح يوصلنا خبر من المشفى لنشوف شو صار مع الزلمة اللي خبطته. ،، لك العما بقلبك ماشفت الاشارة وقفت ليش عديتها
عدي: ا اجاني خبر من معلمي اني اجي بسرعة وسلمه السيارة اساساَ السيارة اله
المساعد : عذر اقبح من ذنب. ،، بتنقبر بتضل ساكت لبين ما نشوف شو رح يصير بالزلمة اللي خبطته

عدي:بأمرك انا. ،، ط طيب معلش اعمل مكالمة وحدة. ،، والله ماعندي غير هالطلب. ،، بترجااك ،، وبعدها اقطاع لساني ازا رح تسمع حسي
المساعد: ............
نزلوا دموعه وبلش يترجاه: يرحم امواتك بس مكالمة وحدة ومافي غيرها.