اقتباس خفيف من الجزء ال 37 ❤️🔥
بحلبة ملاكمة متوسطة مجموعة كبيرة من الجمهور والمشجعين الشباب كان قصي بنزال مميت مع نظيره اللي كان بيساويه بالقوة والجسم. ،، وأخيراً ختم قصي هالنزال بضربته القاضية اللي باتت مشهورة بالوسط ليسموها مشجعينه بـ ضربة النمر ويفوز على نظيره فوز ساحق
………………….
بعد النزال فضيت الحلبة ومابقي الا رفقات قصي اللي كانوا ناطرينه ليطلعوا سوا
محمد: اما شووو فووز اي والله بيتررخ
رد قصي بإحراج : لا تبالغ ابو حميد
عامر: شو مايبالغ ،، ماشاء الله العزيمة والقوة اللي عندك ماشفتهم بـ الأعور بذات نفسه
سكت قصي وبين التوتر على وجهه بس اجت سيرة الاعور ليسأل محمد: صحيح اديش النا معد سمعنا عن الاعور شي ،، معقول ماحدا بيعرف عنه شي؟
قصي: .........
عامر: سمعت انه سافر ليشارك ببطولات برا البلد بس مو بلقبه الاعور
محمد: معقول محدا بيعرف اسمه الحقيقي؟
عامر: الله اعلم
قصي: اي شو جاب سيرته هلأ. ،، خلينا مبسوطين بهالنجاح
عامر ; وانت قلتها. ،، نحنا سابقينك عالمطعم وانت ضب شنتتك ولحقنا
هز قصي براسه وشافهم طلعوا من الباب ليتنهد ويهمس: اي سافر سفرة من غير رجعة.
ولف وبلش يضب اغراضه لما سمع صوت حدا بيحكي: مبروك الفوز يا ابن الكواسر
تفاجئ قصي والتفت وشاف شب ضخم بشعر ولحية كثاف لابس لبس ملاكمين وعم يطلع فيه بنظرات مليانة مكر وشر ،، حس بملامحه مألوفة اله وكأنه بيعرفه من سنين لكن ذاكرته مارضيت تأسعفه بهديك اللحظة
وقف قصي والتفت عليه بالكامل وسأل باستفسار: شو ناديتني؟
رد الشب: قلت انك ابن الكواسر
قصي: ومفكر اني رح انكر او اخجل من هالشي؟
رسم الشب ابتسامة و رد: لا بعرفكم بتعتزوا بأصلكم. ،، العاطل
اختفت ابتسامة قصي وقرب منه ومسكه من البرنص اللي كان لابسه وهمس: جرب عيد هالكلمة وشوف كيف رح هرلك سنانك
توالت ضحكات الشب و رد: اي بعيدها. ،، لتكون شايفني خايف منك لك غررر
فتح قصي عيونه وهمس: سماع ياروحي انا رح اعتبر حالي ماسمعت شي وانت رح تنقلع من وجهي ومن تم ساكت حفاظاً على حياتك بس
رد الشب بكل ثقة: وازا ما نقلعت؟
قصي: .........
الشب: شفتك كذا مرة عم بتنازل وعجبني اسلوبك. ،، وحابب كتير نازلك
قصي: اي انا مو فاضيلك
ونتره ومشي ليرد الشب: معناتا انت خايف
وقف قصي بمكانه ورجع التفت عليه وميل براسه و رد: اي جهز حالك لتنمسح فيك ارض الحلبة لكن
قدر الشب يستفز قصي ليجره على نزال مميت بينهم
………………….
بأرض الحلبة كانوا التنين مناظرين بعض بصدورهم العارية وهنن لابسين قفازات الملاكمة وعم يمشوا بالحلبة بعكس بعض وهنن بيطلعوا ببعض. ،، ومن الواضح انهم كانوا بيشتركوا بنفس الاصرار والحماس وحتى بشكل الجسم وضخامته
الشب: بنصحك تنسحب. ،، صدقني مالك قدي
قصي: وانا بنصحك تخلي نصيحتك الك
وهجموا على بعض وبلشوا يوجهوا لبعضهم لكمات قوية. ،، كان من الواضح انه نظير قصي شخص متمكن ومو سهل وعنده حيل اول مرة بتمر على قصي
كان قصي عم يوجه لكمات متتالية على الشب بينما هوة حاطط ايديه على وجهه وآخد وضعية الدفاع بس
ولما شاف ايد قصي الشمال اجتله رفع ايده ومسكها ولفها لتحت اباطه واعطاه نطحة قوية لينصدم قصي ويتراجع بألم وهو ماسك راسه
اطلع فيه وشافه جاي اتجاهه وخبطه على بطنه برجله ليتراجع اكتر ويلزق ضهره بالشبك
لا ابداً هي ماصفت ملاكمة
بهالكلمات خاطب قصي فيها حاله وهو عم يتلقى ضربات بطريقة وحشية بقلب مليان غل وحقد من هالشخص لما وعي وشاف حاله عالأرض والشب قاعد فوقه وعم يعطيه لكمات قوية ومتتالية وهو عم يحكي بغضب واضح : موووتوو. ،، كلكم رح تموتووو ....
#قطع. ... مين بتعتقدوا يكون الشب 😥
YOU ARE READING
تل الكواسر __بقلم هاجر إبراهيم __ مكتمله
Actionجاهزين للجزء الأول ✋ بسم الله بنبدا 🙏 #تَــل_الكواسر هاجر إبراهيم ،،،، مقدمة ..... "مرهف : القلب لما بيحوى حدا بيحواه بصدق ،،، لأنه القلب مابيكزب ،، ما بينافق ولا عنده أنانية متل نفوس البشر ،، " "أنور: ومع هيك،، بقيت خسارة ورا التانية وكلو تحت...
