(Unicode)
တစ်ရက် Min Yoongi ညနေပိုင်းသင်တန်းကနေ ညကိုးနာရီ ထိုးတဲ့အထိ အိမ်ပြန်ရောက်မလာပေ ။ Jimin သူ့ကို အာရုံမစိုက်ဖို့ ကြိုးစားသော်လည်း မရ ။
*Min Yoongi...ဘယ်တွေ အလေလိုက်နေလို့ အခုချိန်ထိပြန်မလာသေးတာလဲ* *အလုပ်ကြောင့် နောက်ကျမယ်ဆိုလဲ အသိလေး ဘာလေးပေးမှပေါ့ တကယ်ပဲ သူ့စိတ်ထဲမှာ ငါမရှိဘူးလား* *မဟုတ်မှ အပြန်လမ်းမှာ မတော်တဆ တစ်ခုခုဖြစ်လို့များလား* *တစ်ယောက်ယောက်ဆီက ချောင်းရိုက်ခံရပြီး ပစ္စည်းလုတာခံနေရတာများလား* စသည်ဖြင့် အတွေးပေါင်း မြောက်များစွာ သူ့ဦးနှောက်ထဲမှာ ပတ်ပြေးနေလေသည် ။
နောက်မနေနိုင်တဲ့အဆုံး ကားယူပြီး လိုက်သွား ရတော့သည် ။
Yoongi ရဲ့ ပန်းချီသင်တန်းက အခုချိန်ထိ မီးလင်းနေသေးသည် ။ ထိုအခါမှ Jimin ရင်ထဲက အလုံးကြီး ဝှီးခနဲ ပြုတ်ကျသွားတော့သည် ။ ကားထဲမှာ အချိန်တစ်ခုလောက် စောင့်ပြီးတဲ့နောက်မှာ Yoongi ထွက်လာခဲ့သည် ။Yoongi Jimin ရဲ့ ကားကို မြင်တဲ့အခါ အံ့ဩသွားခြင်းမရှိဘဲ ပါးစပ်နားရွက် တက်ချိတ်သည်အထိ ပြုံးလိုက်ပြီး ကားပေါ်တက် လာသည် ။
"ဘာတွေလုပ်နေလို့ အဲ့လောက်နောက်ကျနေရတာလဲ"
"ကိုယ့်ကို စိတ်ပူလို့လား"
Jimin က မျက်စောင်းတစ်ချက် ပစ်ထိုးလိုက်တာမလို့
Yoongi သဘောကျစွာ ရယ်လိုက်သည် ။
"Hahaha.."
Jimin က ဘာမှဆက်ပြောမလာဘဲ ကားကိုသာ အာရုံစိုက် မောင်းနေလိုက်သည် ။ Yoongi အစက နောက်လိုက်ပေမယ့် Jimin ကို သေသေချာချာ ရှင်းပြလာပါသည် ။
"ဟိုတနေ့က ကိုယ့်ကို လူတစ်ယောက်က ပန်းချီကားတစ်ကား လာအပ်တယ် ။ တစ်ပတ် အတွင်းအပြီးသတ်ပေးရမယ်တဲ့...ကိုယ့်လို နာမည်မရှိတဲ့ ပန်းချီဆရာဆီမှာလဲ လာအပ်သေးတယ်
သူကမ်းလှမ်းတဲ့ငွေကလဲအများကြီး...ကိုယ်ဘယ်လိုလုပ်
ငြင်းလိုက်နိုင်မှာလဲ"
Jimin ကတော့ တိတ်တဆိတ်နားထောင်နေသည် ။ Yoongiက ဆက်ပြောလာသည် ။
"ဪ...ပြီးတော့ ကိုယ်ဟိုတစ်ခါက ပြောဖူးတဲ့
ကိုယ့် acc ထဲက ပန်းချီကားတွေကို လူသိများအောင် ဖြန့်ပေးတဲ့ တစ်ယောက်ကို မှတ်မိလား"
BẠN ĐANG ĐỌC
SUGAR BABY <Complete>
Fanfiction(Uni+Zawgyi) ဒီ fic လေးကတော့ ပန်းချီဆရာ ငမွဲလေးနဲ့ သူ့ရဲ့ sugar baby လေး အကြောင်းပါ 😝 စကားအသုံးအနှုန်းတွေ ရိုင်းနိုင်ပြီး ကြမ်းလဲ ကြမ်းမှာပါ ဒါကြောင့် မဖတ်နိုင်ရင် ကျော်သွားစေချင်ပါတယ် ဖတ်ပြီးရင်တော့ အပြစ်မတင်ပါနဲ့လို့ ကြိုတောင်းပန်ပါရစေ ။ Main cou...
