(Unicode)
Yoongi လေလံခန်းမက ထွက်လာတဲ့အခါ သတင်းထောက်တွေနဲ့ ကင်မရာမန်းတွေ စုအုံပြီး ရောက်ရှိလာသည် ။ တစ်ယောက်နဲ့ တစ်ယောက် တိုးကြိတ်နေကြပြီး ဓာတ်ပုံတွေ တဖျတ်ဖျတ်ရိုက်ရင်း တစ်ယောက်တစ်ပေါက် မေးနေကြတာကြောင့် Yoongi ဘာတစ်ခုမှ ကောင်းကောင်းမကြားရချေ ။
ထို့ကြောင့် သူတို့ဘာအတွက်စုအုံမှန်းလဲမသိ ၊သူတို့မေးခွန်းတွေကိုလဲ ပြန်မဖြေနိုင်ဘဲ လူအုပ်ထဲက ထွက်လို့ရအောင်သာ ကြိုးစားနေမိသည် ။
ကံကောင်းထောက်မစွာ အချိန်ကိုက် Do Woo က ရောက်လာတော့သည် ။ သူက လူအုပ်ကြားထဲက Yoongi ကို အမြန်ခေါ်ထုတ်သွားပေသည် ။ ထိုလူအုပ်ကြီးက ဆက်လိုက်ချင်သော်လည်း လုံခြုံရေးတွေဆီမှာ တားဆီးခံလိုက်ရသည် ။
"Yoongi Hyung...အရမ်းမိုက်တယ်ဗျာ"
"အဲ့ လူအုပ်ကြီးက ဘာအတွက်ရောက်လာကြတာလဲ ငါ့ပန်းချီကားက ဆယ်ယောက်ထဲမှာ ဈေးအများဆုံးရလို့လား"
"အဲ့တာထက် ပိုတယ်ဗျ"
Do Woo ကြည့်ရတာ အတော်ကို စိတ်လှုပ်ရှားနေပုံရသည် ။
"ဟမ်..ဘာပိုတာလဲ"
"Hyung ရဲ့ ပန်းချီကားက ဒီပန်းချီလေလံပွဲ သမိုင်းတလျှောက်မှာ ဈေးအများဆုံးအဖြစ် စံချိန်တင်သွားပြီ"
"ဒုတိယ အများဆုံးက ဘယ်လောက်မလို့လဲ"
"ဒုတိယ အများဆုံးက လွန်ခဲ့တဲ့ ငါးနှစ်က လေလံပွဲမှာ ဝမ်သိန်းနှစ်ထောင်နဲ့ စံချိန်တင်ခဲ့တာ...အခု Hyung က အဲ့စံချိန်ကို ချိုးသွားပြီ"
"အော်"
Yoongi စိတ်ထဲမှာတွေးမိလိုက်သည် ။
*Miyoung က သူ့ကို တမင်မြှောက်ပင့်နေတာ မဟုတ်ဘူးပဲ*
"တုံ့ပြန်တာက 'အော်'တစ်လုံးပဲလား ဒီလောက် ကြီးကျယ်တဲ့ ကိစ္စကို" Do Woo က စူပုတ်ပုတ်လေး ပြောလာသည် ။
"....."
"ကဲ ထားပါတော့...အဲဒါနဲ့ပဲ အဲ့သတင်းကို ကြားကြားချင်း သတင်းထောက်တွေ စုပြုံရောက်လာကြတော့တာပဲ"
"သတင်းက အဲ့လောက်တောင် မြန်တာလား"
"ဒါပေါ့..သူဌေးကလဲ Hyung ကို ဂုဏ်ပြုတဲ့အနေနဲ့ ပြတိုက်က ဝန်ထမ်းတွေအကုန်လုံးနဲ့အတူ ဒီနေ့ည တစ်ဝိုင်းတည်မယ်တဲ့"
YOU ARE READING
SUGAR BABY <Complete>
Fanfiction(Uni+Zawgyi) ဒီ fic လေးကတော့ ပန်းချီဆရာ ငမွဲလေးနဲ့ သူ့ရဲ့ sugar baby လေး အကြောင်းပါ 😝 စကားအသုံးအနှုန်းတွေ ရိုင်းနိုင်ပြီး ကြမ်းလဲ ကြမ်းမှာပါ ဒါကြောင့် မဖတ်နိုင်ရင် ကျော်သွားစေချင်ပါတယ် ဖတ်ပြီးရင်တော့ အပြစ်မတင်ပါနဲ့လို့ ကြိုတောင်းပန်ပါရစေ ။ Main cou...
