အပိုင်း ၂၀၂။ ကောင်းကင်ဘုံ၏စမ်းသပ်ချက်
ဒီနေရာတွင် အသိမိတ်ဆွေများကို တွေ့လိုက်ရခြင်းကြောင့် ဖုန့်ရှီ အလွန်ဝမ်းသာသွားပြီး သူတို့နှင့် ပျော်ရွှင်စွာ စကား ပြောနေခြင်းဖြစ်သည်။ ဒါပေမယ့် သူ စကားအနည်းငယ်တောင် မပြောနိုင်ခင်မှာပဲ အသံတစ်ခုက နှောင့်ယှက်လာခဲ့၏။
ခေါင်းကို မော့ကြည့်လိုက်တော့ လူတစ်စုကို ဦးဆောင်ပြီး သူတို့ဆီ လျှောက်လာနေသည့် လူလတ်ပိုင်းအရွယ် အမျိုးသားတစ်ယောက်ကို တွေ့လိုက်ရသည်။ ဒါပေမယ့် ထိုသူက ဖုန့်ရှီ၏ခေါင်းဆောင်ကို အံ့အားတသင့် ကြည့်နေခြင်းပင်။
'အရှင်မင်းကြီး' ဟု အလွန့်အလွန် ကျယ်ကျယ်လောင်လောင်ဖြင့် ငရဲမင်းကြီးအား အော်ခေါ်သံက ပလက်ဖောင်းပေါ်ရှိ လူတိုင်းနီးပါးကို ကြားသွားစေတော့သည်။ ဖီးနစ်မီးငှက် တစ်ကောင်တည်းပေါ်တွင် ငရဲမင်းကြီးနှင့်အတူ စီးနင်းလိုက်ပါလာခဲ့ကြသော သူများကတော့ နားတွေ ဝီဝီမြည်ကာ အူသွားကုန်ကြတော့သည်။ သီယွမ်ရှောင်၏ မျက်နှာထက်က အံ့သြတကြီးဖြစ်နေမှုကို သူတို့ ရှင်းရှင်းလင်းလင်း မြင်ရချိန်မှာတော့ သူတို့ ငိုချင်သွားရပေမဲ့လည်း ကျစရာ မျက်ရည် မရှိတော့ပေ။ သူတို့ ဒီလောက်ကောင်းတဲ့အခွင့်အရေးကြီးတစ်ခုကို အကြောင်းပြချက်မရှိဘဲ လွတ်သွားခဲ့ကြပြီ၊ ငရဲမင်းကြီးရဲ့ သဘောထားကို အတော်ကြီး မောက်မာတဲ့ပုံပေါက်တယ်လို့တောင် ဒီ့မတိုင်ခင်တုန်းက သူတို့ ထင်ခဲ့ကြသေးသည်။
ငရဲပြည်၏ အရှင်သခင်နှင့် ဘုံသုံးဘုံတွင် နံပါတ်တစ်တစ်ယောက်အနေနှင့် အရှင်သခင်အနေနှင့် အထက်စီးဆန်တယ်လို့ အထင်ခံရတာကို မဆိုထားနှင့် အထက်စီးဆန်ဆန် နေဖို့ကို လုံးဝ အရည်အချင်းပြည့်မီသည်လေ။
ဒီအတွေးက သူတို့ကို ကိုယ့်ကိုယ်ကို တစ်ချက်တည်းနှင့် သတ်သေချင်စိတ်ပေါက်သွားစေခဲ့သည်။ သူတို့တွေက လင်းနို့လိုမျိုး တကယ်ကြီး မျက်စိကန်းနေခဲ့ကြတာပဲ။
ငရဲမင်းကြီး ဘယ်အချိန် ကြွရောက်လာမလဲဆိုတာကို ကောင်းကင်ဘုံက မူလတုန်းက မသိခဲ့ကြပေမဲ့ ရုပ်လုံးပေါ်တံခါးကို စောင့်ကြပ်သည့် အစောင့်နှစ်ဦးက ငရဲမင်းကြီးဆိုတာကို သိသိချင်းပဲ သီယွမ်ထျန်းကို ချက်ချင်း အကြောင်းကြားလိုက်ကြသည်။ သီယွမ်ထျန်းက မအားမလပ်ဖြစ်နေသောကြောင့် ငရဲမင်းကြီးကို နှုတ်ခွန်းဆက်ဖို့ သီယွမ်ရှောင်ကို စေလွှတ်လိုက်ခြင်းဖြစ်သည်။ သူက တခြားသူတွေလိုမျိုး ငရဲမင်းကြီးကို မသိဖူး၊ မမြင်ဖူးသူမဟုတ်၊ အရင်က သူ ငရဲမင်းကြီးကို တွေ့ဖူးခဲ့ပြီး ငရဲမင်းကြီး၏ မျက်နှာကို သူ မှတ်မိနိုင်သည်။ ဒါပေမဲ့ သူက ငရဲမင်းကြီ၏ဘေးက ဖုန့်ရှီကို မြင်တော့ မသိမသာလေး မျက်မှောင်ကြုတ်သွား၏။
YOU ARE READING
အာဏာရှင်ငရဲမင်းကြီးနှင့် သူ၏အချစ်ကလေး (၂)
Fantasyစာသင်သားဖုန့်ရှီ -အပျော်တမ်းသူခိုး၊ ရည်မှန်းချက် -တစ်ကမ္ဘာလုံးရှိ ပစ္စည်းတွေခိုးဖို့၊ သေပြီးတာတောင် အငြိမ်မနေနိုင်တဲ့ဖုန့်ရှီ။ အကျိုးဆက်ကတော့ သူ ခိုးခဲ့တဲ့ပစ္စည်းတစ်ခုက နတ်ဘုရားတွေနဲ့ မိစ္ဆာတွေကြား စစ်ပွဲကြီးတစ်ခု အစပြုသွားစေခဲ့သည်။ ဤအမှန်တရား သိပြီ...