အပိုင်း ၁၉၉။ မင်ချင်းယွိ အလှည့်စားခံလိုက်ရသည်
"မင်ချင်းယွိ? တကယ်ကို မင်းပဲ!"
ဖုန့်ရှီက သူရောက်လာတာကို တွေ့လိုက်ရတော့ အရမ်းဝမ်းသာသွား၏။ အရင်တုန်းက သူတို့နှစ်ယောက်ကြား ပွတ်တိုက်မှုလေးတွေ (ကတောက်ကဆလေးတွေ)ကို သူ ဂရုမစိုက်ပေ။ ထို့အပြင် ကျော်ကစိမ်းပြာမိသားစုပိုင် တောင်၏ အနောက်တွင် တွေ့ကြတုန်းက မင်ချင်းယွိက သူ့ကို ကယ်တင်ခဲ့သည်။ သူ နောက်ဆုံး ထွက်သွားတုန်းက ဖုန့်ရှီ နောင်တရသွားမိသည်။
ဒါပေမယ့် မင်ချင်းယွိက သိပ်မဟန်သည့်ပုံ။ ဖုန့်ရှီ သူ့ထံ ပြေးလာတာကိုမြင်တော့ သူ ကိုယ်ကို အနည်းငယ်လေးပဲ ကုန်း(ရို့)လိုက်ပေမဲ့ ချောမောသည့်မျက်နှာထက်ဝယ်တော့ အေးစက်မှုအရိပ်အငွေ့တို့က ရှိနေဆဲပင်၊ အထူးသဖြင့် ယင်းမျန်ကို ကြည့်သည့်အခါတွင် သူ့မျက်လုံးများထဲ ဒေါသမီး တောက်လောင်နေသည့်နှယ်။
"မင်း အဆင်ပြေရဲ့လား?" ဖုန့်ရှီက မင်ချင်းယွိ၏ ကြောက်စရာကောင်းသော အကြည့်ကို မြင်လိုက်ရသောအခါ ချက်ချင်းပဲ အပျော်သဘောဖြင့် မေးလိုက်သည်။
"ငါအဆင်ပြေပါတယ်။" မင်ချင်းယွိသည် ဖုန့်ရှီကို ရန်သူအဖြစ် ဆက်ဆံခဲ့ဖူးသော်လည်း ထိုခံစားချက်တို့ကို ကျော်လွှားသွားနိုင်ပြီးကတည်းက ဖုန့်ရှီအပေါ် ရန်လိုမှု မရှိတော့ချေ။ မျှော်လင့်ချက်မရှိတော့မှန်း သူသိသော်လည်း အခြားသူများကဲ့သို့ သူ့ကို နှောင့်ယှက်မည်မဟုတ်ပါ။ ထိုအစား သူ၏ ကျင့်ကြံဆင့်ကို မြှင့်တင်ဖို့သာ အစွမ်းကုန် ကြိုးစားခဲ့သည်။ ထို့ကြောင့် ဖုန့်ရှီ သူ့အတွက် စိုးရိမ်မှုပြသည်ကို မြင်သောအခါ တောင့်တင်းနေသော သူ့နှုတ်ခမ်းထောင့်တို့က အပြုံးတစ်ပွင့် ပြုလုပ်ရန်အတွက် အနည်းငယ် မလှုပ်ရှားသွားဘဲ မနေနိုင်တော့ပေ။ ကံမကောင်းစွာနှင့်ပဲ သူပြုံးဖို့ရန်ကျရှုံးခဲ့တာကြောင့် သူ့မျက်နှာက ကို့ယို့ကားယား ဖြစ်သွားပုံရသည်။
ဖုန့်ရှီက သူ့မျက်လုံးတွေကို လှိမ့်လိုက်ပြီး "မင်းက ဘာလို့ ဒီလူနဲ့ တူတူရှိနေတာလဲ?"
YOU ARE READING
အာဏာရှင်ငရဲမင်းကြီးနှင့် သူ၏အချစ်ကလေး (၂)
Fantasyစာသင်သားဖုန့်ရှီ -အပျော်တမ်းသူခိုး၊ ရည်မှန်းချက် -တစ်ကမ္ဘာလုံးရှိ ပစ္စည်းတွေခိုးဖို့၊ သေပြီးတာတောင် အငြိမ်မနေနိုင်တဲ့ဖုန့်ရှီ။ အကျိုးဆက်ကတော့ သူ ခိုးခဲ့တဲ့ပစ္စည်းတစ်ခုက နတ်ဘုရားတွေနဲ့ မိစ္ဆာတွေကြား စစ်ပွဲကြီးတစ်ခု အစပြုသွားစေခဲ့သည်။ ဤအမှန်တရား သိပြီ...
