အခန်း 207 အဲ့ဆင်ခြေပဲ သုံးလိုက်တာပေါ့
ဖုန့်ရှီ၏ ရီသံကြောင့် သီထျန်းဟွာ အာရုံပြန်ရောက်လာရသည်၊ ထိုသူနှစ်ယောက်အပေါ် တည်ရှိသည့် သူမ၏ အမုန်းကချက်ချင်းပဲ တန်းတူ ဖြစ်သွားတော့သည်။
ဖုန့်ရှီက သီထျန်းဟွာ၏ အမူအယာကို ဂရုမစိုက်ပေ။ ထိုအခေါ်အဝေါ်က အရမ်း စိတ်ဝင်စားဖို့ ကောင်းတာကိုပဲ သူသိသည်။ သီထျန်းဟွာနှင့် လုံရှီတို့က တကယ်ပဲ ခွေးမများဖြစ်၏။ မော့ဖေးဟန်၏ စကားလုံးက သူ့နားထဲ ဂီတသံဇဥ်တစ်ခုနှယ် သူ ထင်လိုက်ရသည့်အတွက် သူ့ထံလျှောက်သွားလိုက်ကာ "အစ်ကိုပြောတာ တကယ်မိုက်တယ်၊ ကြိုက်သွားပြီ!" ဟု လက်မထောင်ကာ ချီးကျူးစကား မဆိုဘဲ မနေနိုင် ဖြစ်သွားရသည်။
လော့ရိန်နှင့် တခြားနှစ်ယောက်က ဖုန့်ရှီကို ချီးကျူးလိုက်လျင် သီထျန်းဟွာကို လှောင်သလို ဖြစ်သွားမှာစိုးသည့်အတွက်သာ နှုတ်ခမ်းတွန့်လိုက်ကြသည်။
မော့ဖေးဟန်သည် ကြမ်းတမ်းသော်လည်း သူ၏ ပင်ကိုယ်စရိုက်မှာ အလွန်ပြတ်သားသည်။ ဒီလူက သီထျန်းဟွာကို ရူးသွပ်သွားအောင် လုပ်လိုက်နိုင်တာကိုမြင်တော့ ဖုန့်ရှီကို သူ ကြည့်လေလေ ပိုပိုပြီး ကျေနပ်လာရကာ ခင်သွားလေလေ ဖြစ်သွားရတော့သည်။ သီထျန်းဟွာကို သူ့လိုမျိုး မုန်းတဲ့သူတစ်ယောက်နှင့် သူ မတွေ့ရတာ အတော်ကြာပြီဖြစ်သည်။ ကောင်းကင်ဘုံနှင့် မင်းသမီးကို ကြောက်ရွံ့ပြီး သီထျန်းဟွာကို အမြဲ ပစားပေး ဆက်ဆံနေကြသည့် သူမဘက်မှသူများကို သူ အမြင်ကပ်နေတာ ကြာပြီဖြစ်သည်။
"မော့ဖေးဟန်၊ ဒါက ငါတို့နဲ့ သူ့ကြားက အရေးကိစ္စပဲ။ မင်းတို့ မိစ္ဆာလောကကလည်း ဝင်ပါချင်တာလား?" သီထျန်းဟွာ၏ မျက်လုံးတို့က ရဲရဲနီနေသည်။ သူမရှေ့မှောက်မှာပဲ အဲ့စကားလုံးတွေ သူတို့နှစ်ယောက်က သုံးရဲတာကို သူမ မြတော့ မျက်ခုံးပင့်ကာ ချက်ချင်းပဲ ဒေါသတကြီးနှင့် တုံ့ပြန်လိုက်၏။
"ဟုတ်ပါတယ်၊ ငါနဲ့ဘာမှမဆိုင်ပါဘူး။ ငါ ဒီကို ပွဲကြည့်ဖို့ ရောက်နေတာလို့ ပြောထားပြီးသားပဲ" မော့ဖေးဟန်က မျက်ခုံးပင့်ကာ ဒေါသတွေထွက်နေသော သီထျန်းဟွာကို အသာအယာကြည့်လိုက်သည်။
YOU ARE READING
အာဏာရှင်ငရဲမင်းကြီးနှင့် သူ၏အချစ်ကလေး (၂)
Fantasyစာသင်သားဖုန့်ရှီ -အပျော်တမ်းသူခိုး၊ ရည်မှန်းချက် -တစ်ကမ္ဘာလုံးရှိ ပစ္စည်းတွေခိုးဖို့၊ သေပြီးတာတောင် အငြိမ်မနေနိုင်တဲ့ဖုန့်ရှီ။ အကျိုးဆက်ကတော့ သူ ခိုးခဲ့တဲ့ပစ္စည်းတစ်ခုက နတ်ဘုရားတွေနဲ့ မိစ္ဆာတွေကြား စစ်ပွဲကြီးတစ်ခု အစပြုသွားစေခဲ့သည်။ ဤအမှန်တရား သိပြီ...
