STILL WITH YOU | JJK AU | ✔️

chapter 08

Still With You ( Fan Fiction Only )
_Chapter 08_

____________________________________

함께 웃고 ..

Hamkke utgo..

We laughed together..

අපි එකට හිනා වුනා..
____________________________________

" සේහි..!?"

ජන්කුක්ගෙ පුදුමය සහ බය වුන කටහඩ ලග සේහිගෙන් ලැබුනෙ හිස් බැල්මක් විතරයි.

" ඩාලින් ප්ලීස්.." ඒ අතරෙත් යේරගෙන් අයැදුම් සහගත ඇමතීමක්.

සේහිගෙ බැල්ම ලග ජන්කුක්ට උත්තරයක් තිබුනෙ නැහැ. නෑ.. එහෙම නෙවෙයි. ඔහුට උත්තරයක් දෙන්න ඕනි කමක් තිබුනෙ නැහැ. නැත්නම් ඇයි ඔහුට බැරි උත්තරක් දෙන්න? ඇයි ඔහුට බැරි එතන වෙන දේ පහදන්න.. ඔහු ඇස් ඉස්සරහ හිටියෙ වෙන කවුරුත් නෙවේ.. ඔහුගෙම බිරිද.. ඇයි ඉතින් ජොන් ජන්කුක්ට බැරි ඇය වෙනුවෙන් එක තත්පර කිහිපයක් වැය කරලා එතන මොකක්ද වෙන්නෙ කියලා පැහැදිලි කරලා සමාව අයදින්න..

නෑ.. මන් කිව්වනෙ.. ජොන් ජන්කුක් කියන්නෙ ජොන් ජන්කුක්ටමයි. ඒකෙ කිසිම වෙනසක් නෑ.. මේ ලෝකෙ ගොඩක් වෙලාවට නපුරු මිනිස්සු නපුරුයි. හොද මිනිස්සු හොදයි.

ජොන් සේහි සහ ජොන් ජන්කුක් අතර තිබුන හිස් බැල්ම මේ නිමේශය ඇතුලෙදි එකම මොහොතකටවත් මිදුනෙ නැහැ. තමන්ගෙ සැමියගෙන් තමන් මුල් වරට දකින අඩ නිරුවතවත් දැක බලා ගන්න සේහිට පොඩිම උනන්දුවක්වත් තිබුනෙ නෑ. තවත් විනාඩි කිහිපයක් ගත වෙලා ගිහින් ජේජු වල ජොන් මන්දිරයේ විසිත්ත කාමරේ තිබ්බ ලොකු බිත්ති ඔරලෝසුවේ අටේ කනිසම වැදෙනවා එතන හිටපු හැමෝටම ඇහුනා. අන්න ඒ ශබ්දෙන් තමා සේහි ඒ නොනැවතුනු බැල්මට තිතක් තිබ්බෙ.

තමන්ගෙ ඇස් වලින් කදුලක් වැටෙන්න එනවා කියලා දැනෙන්ද්දිම සේහි බිම බලා ගන්න හැදුවත් අටේ කනිසමේ සද්දෙත් එක්ක ඒ ඇස් ගැස්සිලා වැටෙන්න පොර කමින් හිටපු ඒ කදුල සේහිගෙ කම්මුල දිගේ පහලට රූටගෙන ආවා. සේහිට ඕනි කම තිබුනෙ ඒ කදුල ජන්කුක්ගෙන් හංග ගන්න වුනත් එයා ඒකට සමත් වුනේ නෑ.

අඩුම ඒ වෙලාවෙ හරි ජන්කුක්ට තේරුම් ගන්න පුලුවන්කම තිබුනා නම් ඒ කදුල වැටුනෙ කවුරු වෙනුවෙන් ද යන වග ඒ මුලු ආත්මයේදිම ලියවිලා තිබුන දෛවය පවා එයාලට අනුකම්පා කරලා හැමදේම වෙනස් කරන්න ඉඩ තිබුනා. ඒ වුනත් අවාසනාවකට වගේ ජොන් ජන්කුක් එච්චර උණු වෙන හිතකට උරුමකම් කීව කෙනෙක් වුනේ නැහැ.