နေရောင်ခြည်လေးက တဖြည်းဖြည်းစူးရှတောက်ပလာသော အခါ ကျွန်မ တမာတို့ မြို့လေးရဲ့ စျေးထဲသို့ ပိုးပိုးနှင့်အတူ လိုက်ခဲ့လိုက်၏။ ကျေးလက်မြို့ပြတစ်ခု ဖြစ်ပေမဲ့လို့ စျေးတန်းလေးက စုံစုံလင်လင်ရှိလှသည်။တစ်ချိန်က ဒီလိုနေရာမျိုးတွေမှာ ကျွန်မ မသွားခဲ့ဖူးတဲ့အတွက် အရာရာက အသစ်အဆန်းတွေဖြစ်နေလေသည်။
" တမာ စားချင်သာရှိရင်ပြောလေ ပိုးပိုးချက်ကျွေးမယ် "
ကျွန်မ မျက်နှာမှာ အပြုံးလေးချိတ်ဆွဲပြီး --
" ရပါတယ် ပိုးပိုးရယ် ၊ ခြင်းထဲမှာတောင် ဒီလောက်စုံလင်နေပြီကို "
ထိုအခါ ပိုးပိုးတစ်ယောက် ခြင်းထဲက ဟင်းသီးဟင်းရွက်တွေကို ငုံကြည့်ရင်း --
" အဟိ ... ဟုတ်ပနော် တမာ၊တော်တော်လေးကို စုံလင်နေပြီပဲ ပိုက်ဆံအိတ်ထဲမှာတောင် ၅၀၀ပဲကျန်တော့သာ "
ပိုက်ဆံအိတ်ကို ခြင်းထဲကထုတ်ပြီး ပြုံးစိစိနဲ့ ပိုးပိုးက ကျွန်မ အားပြောနေလေသည်။ထိုအချိန် သူမတို့ဘေးကနေ လူတစ်ယောက် ဖြတ်ပြေးသွားပြီး ပိုးပိုးလက်ထဲက ပိုက်ဆံအိတ်အား ယူကာ ထွက်ပြေးသွားလေသည်။အဖြစ်အပျက်က မြန်ဆန်လွန်းလှသည်။
" ဟာ ဘယ်လိုလူလဲ သူများပိုက်ဆံကို အချောင်လိုချင်နေတယ် " ခါးပိုက်နိုက်နောက်ကို လိုက်ဖို့ပြင်နေသော ကျွန်မ လက်ကို ပိုးပိုးကဆွဲထားလေသည်။
" မလိုက်ပါနဲ့ တမာရယ် အဲလိုလူတွေဆီမှာ ဓားတွေဘာတွေပါနေရင် တမာပဲ ဒုက္ခရောက်နေအုံးမယ် ၊ ပြီးတော့ အိတ်ထဲမှာလည်း ဘယ်လောက်မှပါသွားသာ မဟုတ်ပါဖူး ဒီမှာက အခုလိုမျိုးတွေ ခဏခဏဖြစ်သာ သိရက်နဲ့ "
ကျွန်မ ရင်ထဲမှာ အလိပ်လိုက်တက်လာသောဒေါသတွေကို ပြန်မျိုချရင်း လက် သီးဆုပ်လိုက်မိသည်။
" ကျီ ..... ဒုန်း " ကျယ်လောင်သောအသံကြီးထွက် လာသလို လူတွေသည်လည်း စျေးတန်းအပြင်ဖက် လမ်းမကြီးဆီသို့ သွားနေကြ၏။ပိုးပိုး ခေါ် သာကြောင့် ကျွန်မ သည်လည်း ထိုလူတွေနောက် လိုက်သွားမိသည်။
စုပြုံနေသော လူများကြား တိုးေ၀ှ့ကာ မြင်လိုက်ရသော မြင်ကွင်းက သွေးပျက်စရာအတိဖြစ်လေသည်။ တော်တော်က ခါးပိုက်နှိုက်သည် ကုန်တင်ကားကြီးရဲ့ ဘီးများအောက် သူ့ခန္ဓာကိုယ် အောက်ပိုင်းတစ်ခုလုံး ရောက်နေပြီး ကြီးမားသော သွေးအိုင်ကြီးထဲမှာ သေခါနီး အသက်လုနေရသလို ဆန့်ငင်ဆန့်ငင် ဖြစ်နေလေသည်။
YOU ARE READING
'' အချစ်ကြီးသူ၏ ရင်ထဲ၀ယ် ''(completed){Z+U}
Romanceသွေးသံသရဲရဲနဲ့မြင်ကွင်းများ ၊ လူတစ်ယောက် ကြောက်မက်ဖွယ်သေဆုံးနေခြင်းများ ၊ သွေးပျက်ဖွယ် အော်ညည်းသံများကို ကျွန်မ မကြောက်ပေ ...... ကျွန်မ ငယ်ငယ်လေးထဲက မနက်တိုင်း အိပ်ယာက နိုးထလာခြင်းသည် မိဘတွေရဲ့ နွေးထွေးတဲ့ အသံတွေနဲ့ နှိုးသာကြောင့်မဟုတ်သလို...
