'' အချစ်ကြီးသူ၏ ရင်ထဲ၀ယ် ''(completed){Z+U}

~8~

      အလွန်တရာမှ   တိတ်ဆိတ်ငြိမ်သက်သော  ညချမ်းအချိန်အခါဖြစ်လေသည်။မိမိ၏  နှလုံးခုန်သံကိုပင်    မိမိ ပြန်ကြားရလေသည်။များစွာသော လူများသည် ငြိမ်းချမ်းစွာအိပ်ဆက်ရင်း   အိမ်မက်ကမ္ဘာသို့  ရောက်ရှိနေသော  အချိန်လည်းဖြစ်လေသည်။

      မှောင်မဲနေသော  အခန်းငယ် တစ်ခု၏  အိပ်ယာ ထက်၀ယ် မိန်းကလေးငယ်တစ်ဦး သည်  လူးလွန့်ရင်း  အိပ်မပျော်နိူင်ဖြစ်နေလေသည်။မကြာမီ   အမှောင်ထုလွှမ်းနေသော  အခန်းငယ်အတွင်း ၀ါကျင့်ကျင့် မီးအလင်းရောင်က  ဖြိုးခွန်းလာလေသည်။

  
        ထိုအလင်းရောင်အောက်၀ယ်  မိန်းကလေးငယ်သည်  အိပ်ယာထက်တွင်ထိုင်ကာ  တွေ​ေ၀ငေးမောနေလေသည်။ ကပိုကရို နိူင်စွာ ဖြာကျနေသော ဆံနွယ်များနဲ့ မိန်းကလေးငယ်၏  မျက်နှာသည်လည်း နွမ်းလျ ၍ ဖြူဖျော့ဖျော့  ဖြစ်နေလေသည်။

     ဤ မြင်ကွင်း လေးက  မြင်ရသူ၏ စိတ်ထဲကိုလည်း နွမ်းလျသောစိတ်အစဥ်ကို  ကူးစက်သွားစေနိူင်သော   ပန်းချီကားချက်တစ်ဖွယ်ဖြစ်နေလေသည်။

 
      များ စွာ သော  လူ တွေ  ငြိမ်း ချမ်း စွာ    အိပ် စက်နေပေမဲ့ လို့   ဤ မိန်း ကလေး ငယ်  အ   ဘယ်   ကြောင့်  အိပ်  စက်  မ  နေ နိူင်  သ နည်း  ????

       မီး အလင်းရောင်အောက်တွင်  ကျွန်မ လက်များ  အနည်းငယ် တုန်ယင်နေသာကို   ခံးစားမိ၏။နေ့ခင်းပိုင်းက  ဖြစ်ပျက်သွားသော  အရာအားလုံးသည် ကျွန်မအတွက်  အိမ်မက်တစ်ခုလိုပင်။**နောက်အပတ်ထဲ  ကျွန်မ   ပုဏ္ဏရိပ် စံအိမ်သို့  သွားရတော့မည်ဖြစ်သည်**။ ကျွန်မ၏  စိတ်ထဲ၌ ပျော်ရွှင်ခြင်း ၊ ၀မ်းနည်း ခြင်း ၊ စိုးရိမ်ကြောင့်ကျခြင်း  စသော  ခံစားချက်မျိုးစုံနဲ့  ပြည့်နှက်နေလေသည်။

        မောင်ဘေးနားကို  မကြာခင်  သွားရတော့မှာဆိုတော့   ဤ ကိစ္စလောက်  ပျော်စရာအဖြစ်မျိုး    ကျွန်မအတွက်   မရှိလောက်တော့ပေ............

          မောင်က  စံအိမ်မှာ  ၂၄နာရီလုံး သူနာပြုတစ်ယောက် ငှားခြင်းသည် သဲနုအတွက်  ဖြစ်ပေလိမ့်မည်။မိမိ၏  ခင်ပွန်းက  သူရဲ့  နောက်ထပ် ဇနီးလောင်း၏ ဗိုလ်ထဲက ရင်သွေးငယ် အတွက်  သူနာပြုငှားလိုက်သော ကိစ္စလောက်  ကျွန်မအတွက် ၀မ်းနည်းရမည့်  အရာမရှိလောက်တော့ပေ .......