Curse of the Fallen Deity (Zarsothian Tales #1 | Volume 1 & 2)

Chapter 17: The Royal's Cousin

Doubts and uncertainties are tied to humans. It will always be a part of our existence. Hindi ko mapipilit ang ibang tao na pagkatiwalaan ako ngunit hindi hihinto ang mundo ko dahil doon. There is so much more that needs to be taken care of than these bunch of naives around me.

Nanatili akong tahimik at diretso ang tingin sa dinadaanan namin. Tuluyan na nga kaming nakapasok sa gubat na ito at maingat na naglalakad para walang mahawakan na puno. Wala akong ideya kung totoo ba ang sinasabi nilang mangyayari kung may puno kang mahahawakan ngunit hindi na lamang ako nag-abalang alamin ang totoo. Hindi naman 'yan ang pakay namin dito.

We just need to get out of here and end the drama. Simple.

Pero itong mga kasama ko ang nagpapatagal ng misyong 'to. Lalong lalo na si Snow. Masyadong maarte.

"I wish we can use the portal already," aniya pa. "Kaawaan nawa ni Headmaster ang legs ko."

"Tatahimik ka o puputulin ko 'yang baluktot mong binti?" malamig kong sambit at sinamaan siya ng tingin. Kanina pa ako naiirita sa boses niya. Sana nga nagpaiwan na lang ang babaeng 'to 'e.

Pinukol niya ako ng masamang tingin at inirapan. "Hindi ikaw ang kausap ko."

"Guys, shut it. Huwag kayong magbangayan dito," pagsingit naman ni Rhysan at sinenyasan kaming tumahimik.

Pero mukhang hindi yata narinig ni Snow ang sinabi niya at bigla itong huminto sa paglalakad. "Anong magbangayan? Siya lang naman 'yung biglang sumabat."

Sabay na napakamot sa batok si Third at Shaye na nasa tabi ko, napapikit naman si Rhysan sa inis, at walang emosyon lamang ang mukha ni Carwell.

"Kapag may nakarinig sa atin dito, ikaw talaga ang sisisihin ko, Yasley," banta ni Rhysan ngunit napakunot ang noo namin nang biglang nagbago ang ekpresiyon niya.

Namilog ang mata niya at biglang nawalan ng kulay ang mukha. She clasped her hands over her mouth and pointed somewhere behind me. Kunot-noo akong lumingon ngunit wala akong nakitang kahit ano.

Pinagloloko ba ako ng babaeng 'to?

But then my sharp eyes caught a glimpse of a torn piece of cloth hanging on a tree branch not so far from my position. Isiningkit ko ang mga mata para maaninag ito ngunit magkasabay na sigaw ang narinig ko mula sa likuran.

Mabilis akong lumingon sa mga kasama ko ngunit halos lahat sila, maliban kay Carwell, ay nakadapa sa lupa. Naaninag ko ang bahagyang pag-iba ng kulay ng mga mata ni Carwell ngunit agad itong bumalik sa dati.

Isa-isa ko silang tiningnan — mula kay Shaye na nakaangat ang tingin sa 'kin, kay Snow na nakatakip sa tainga, kay Third, at kay Carwell na nanatiling nakatayo.

"Where is Rhysan?"

"They tricked us." Carwell clenched his fist. "Mukhang narinig nila ang sagutan niyo at si Rhysan ngayon ang kinuha nila."

Napataas ang kilay ko. Sagutan? Isang beses nga lang ako nagsalita. Kung makabintang sa 'kin, parang ako pa ang may kasalanan na malaki ang bunganga ni Snow.

Tumayo ang tatlong nakadapa at pinagpagan ang sarili.

"This is your fault," mariin na sambit ni Snow at dinuro ako.

Hinawi ni Third ang kamay niya. "It's yours. Kanina ka pa reklamo nang reklamo."

"May matutulong ba kung magtuturuan kayo?" Masama ko silang tinignan. "Let's split up. Find Rhysan as soon as possible, or else we need to leave her here."

"We can't do that, Ara."

"Why not, Shaye?"

"Yeah, we can't," sabi ni Third. "She's the brain of our group. That's her power."