ပေါလ်သည်ကုတင်ပေါ်မှာတင် ခွေခေါက်ပြီးအသက်ကိုပုံမှန်ပြန်ရှူနိုင်ဖို့ ငြိမ်သက်စွာနေနေရပြီး အချိန်ယူနေပုံရသည်။မယုံကြည်နိုင်စွာ သူ့နှုတ်ခမ်းတွေကိုပြန်ထိကိုင်ကြည့်လိုက်၏။
အခုထိတောင်စိုစွတ်နေတုန်းပဲမို့ သူ့ကိုယ်သင်းနံ့လေးရော ကိုယ်မှာစွဲငြိနေသလိုခံစားရသည်ကြောင့် ပေါလ်တစ်ယောက် ဝတ်ထားတဲ့အင်္ကျီတွေကို သတိမထားမိလိုကျပါဘဲ ရှူရှိုက်နေမိပြန်သည်။ဘာတွေကြောင့်ရင်ဘက်တွေကထိန်းမနိုင်သိမ်းမနိုင် ခုန်နေမှန်းမသိပေမယ့် သူဟာအခုမှပထမဆုံး မရင်းနှီးတဲ့ရင်ခုန်သံတစ်ချို့ခံစားမိခြင်းဖြစ်မည်။
တစ်ဖက်ကိုရှက်လွန်းလို့မောင်းထုတ်မိခဲ့ပေမယ့် အထိအတွေ့တစ်ခုတည်းနဲ့တင် ကမ္ဘာပျက်သလိုခံစားလိုက်ရတာမျိုးက
ရှက်ဖို့ကောင်းတဲ့ကိစ္စရပ်တွေပါပဲ။ ယောက်ျားချင်းမို့ပိုတောင်အရှက်မဲ့ခဲ့သေးသည်။''မစ္စတာပေါလ်...!! ''
ကုတင်ပေါ်လှဲနေရင်းက တံခါးနှစ်ချက်လောက်ခေါက်ကာဝင်လာသည့်
အန်ကယ်လ်ကြီးသည် ခပ်တုန်တုန်လေသံဖြင့်ဆိုသည့်အခါ ပေါလ်မျက်နှာတင်းတင်းဖြင့်ပြန်လှမ်းကြည့်သည်။''ဘာတုန်း!!''
''ဟို...မစ္စတာပေါလ်နဲ့စစ်တုရင်ကစားဖို့ မစ္စမေက အခုပဲစိန်ခေါ်ထားတယ်တဲ့''
''သိပြီ... ငါခနနေလိုက်လာခဲ့မယ်!!''
ခပ်မာမာလေသံတွေအသွင်နဲ့ ပေါလ်ရဲ့မျက်နှာထားတွေသည်တင်းတင်းမာမာပါပဲ။ ပေါလ်ပါ့ခ်ဆိုတာ ဘယ်အချိန်အကြည့်ကြည့်မာန်မာနအပြည့်နဲ့ယောက်ျားတစ်ယောက်ပုံစံမျိုးပဲဖြစ်နေရမည်ဟု ကိုယ်တိုင်ပုံစံခွက်ချထားခဲ့သည်။
ပေါလ်သည် ညဝတ်အင်္ကျီအပေါ်က အနီရောင်ကတ္တီပါဝတ်ရုံရှည်ကိုလွှားကာ အပျော်အပြက် စိန်ခေါ်ထားသည့်စစ်တုရင်ပွဲဆီသွားရန်ပြင်လိုက်သည်။
.
.''ဟားဟား...မိန်းမလှလေးမေကြောင့် အလျော့ပေးရတော့မယ်ထင်တယ်ဗျာ...''
ပေါလ်စကားကြောင့် စစ်တုရင်ကစားနေသည်ကိုစိတ်ဝင်တစားကြည့်နေကြတဲ့ မိသားစုတစ်ချို့နဲ့ လေဒီမေတို့သားအမိနှစ်ယောက်ကပါ သဘောကျမဆုံးရယ်မောကြသည်။
![](https://img.wattpad.com/cover/292461890-288-k826234.jpg)
ESTÁS LEYENDO
𝓜𝓻.𝓟𝓪𝓾𝓵 𝓟𝓪𝓻𝓴 |season_1|
Fanficေစာင့္ေမ်ွာ္ေနခဲ့ျခင္းရဲ႕ အဆံုးသတ္ေရာက္လာၿပီးေတာ့ ငါတို႔ေတြထပ္ေတြ႔ရျပန္ပါၿပီ ေပါလ္ရယ္....။ (season_1) စောင့်မျှော်နေခဲ့ခြင်းရဲ့ အဆုံးသတ်ရောက်လာပြီးတော့ ငါတို့တွေထပ်တွေ့ရပြန်ပါပြီ ပေါလ်ရယ်....။ (season_1)