In the Midst of the Crowd (Loser #1)

Chapter 37

"Bakit mo sinabi 'yon?" inis na tanong ko kay Eddie nang makalabas kami ng canteen. "Baka mamaya maniwala silang may boyfriend ako."

Humalakhak siya. "Gusto ko lang, bakit ba? May ibang nakikinig, eh."

Umirap ako. "Siraulo ka. Walang pakialam sa gano'n 'yon."

"Teka nga." Tumigil siya sa paglalakad at humarap sa akin. "Bakit parang normal na lang sa 'yo?"

"Ang alin?" pagpapatay-malisya ko.

"Si Kobe!"

Pinandilatan ko siya. "Aba, syempre! Matagal na kaming tapos. Moved on na 'ko." I almost vomited on my own words.

Eddie shrugged. "Kanina pa ba siya sa canteen?"

Nagpatuloy ako sa paglalakad at sumunod siya sa akin. "Matagal-tagal na siyang pabalik-balik do'n. Ichi-ni-check niya ang progress ng building."

"Everyday?"

Tumango ako. "Sipag nga, eh."

"Hmm... suspish."

Hindi ko na siya pinansin. Sinabi niya sa akin na sa parking lot ako pumunta dahil naghihintay ang kapatid niya. Hindi ko alam kung ano ang gustong sabihin ni Marcus na hindi niya kayang sabihin sa text. Si Eddie ang sumundo kay Gayle kaya nauna ako sa parking lot.

Agad ko namang nakita ang lalaki na nakasandal sa kotse niya. Maayos ang gupit ng buhok at maaliwalas ang mukha. Kumaway siya nang makita akong papalapit sa puwesto niya.

Umayos siya ng tayo. "Na-receive mo ba ang wedding invitation?"

"Yup, congrats. "

Ngumiti siya. "Nasaan si Gayle?"

"Kinukuha pa ng kapatid mo," sagot ko. "Bakit ka pala napadalaw rito?

"Nag-taste testing kami sa malapit kaya dumaan na ako... and I miss your daughter."

Tumango-tango ako. "Busy ka kasi, eh. Nasaan ba ang fiancé mo?"

"Nauna na. May trabaho pa raw siya, eh."

Itatanong ko sana kung saan sila nag-taste test nang mapatingin siya sa likuran ko. Nabasa ko ang pagdaan ng gulat sa mukha niya.

"Oh..."

Sinundan ko ang tinitingnan niya at nagwala ang dibdib ko nang makita si Kobe na supladong nakatingin sa sports car sa tabi ng sasakyan ni Marcus. Uuwi na siya?

"Ba't nandito 'yan?" bulong sa akin ni Marcus.

I sighed before tearing my gaze off of Kobe. "Mahabang kwento."

He laughed. "Delikado ka n'yan."

"Hindi, ah!" I scoffed. "Hindi naman ako ang dinadayo niya rito."

Tumunog ang sasakyan ni Kobe kaya napatingin ulit ako sa kanya. Magkasalubong ang kilay na para bang malaki ang galit sa sariling kotse. I took a step back when he looked at us. Kinabahan ako. Parang iritang-irita kasi siya sa akin.

"Milkshake?" kuha ni Marcus sa atensyon ko.

"Hmm?" I swallowed hard and focused my attention on him.

Tumawa siya bago ginulo ang buhok ko. "Tara, milkshake sa Sway's."

Ngumuso ako at pabirong hinampas ang kamay niya. Naging paborito namin iyon ni Gayle kaya alam kong hindi tatanggi ang anak ko roon.

"May trabaho pa 'ko." Ngumisi ako. "Pero kung libre mo, kaya ko namang i-delay."

He laughed again. "Of course."

Napaigtad ako nang malakas na isinarado ni Kobe ang pinto ng kotse niya. Sabay kaming napatingin ni Marcus doon. Kobe rolled down his window and gave us an annoyed look.