Fix you

KABANATA 30

"Gusto kong malaman ang nangyari." Napakalas ako sa yakap.

"Kung sasabihin ko ba ay ako ang pakikinggan at paniniwalaan mo?" Sabi ko. Ayokong magmukhang sinungaling ako. Kailanman ay hindi ko gagawin iyon sa kanya.

Tumango sya sa akin.

"Opo, Mahal." Ngumiti sya sa akin.

"Bakit ganoon ang nangyari? Bakit ka hinahanap nina Brandon at Maveric sa video mo sa social media?" Kumunot ang noo ko. Anong video?

"Anong video?"

"Noong dumating ako sa airport nag open ng cellphone si Axel na naiwan nya sa sasakyan nya. Nag play ang video mo na lasing kagabi at sa comment section ay hinahanap ka ng mga pinsan mo. Kaya sa unit mo ako nagpunta dahil ang sabi mo walang nakakapunta doon kun'di ikaw at ako." Pag papaliwanag nya. Huminga ako ng malalim.

"Noong gabi ng birthday ko ay hinanap kita sa mansyon nyo. Si Dam ang humarap sa akin at sinabi na hinatid ka ni Axel sa Airport papuntang Solar. Ang buong akala ko ay iiwan mo na ako. Nag book ako ng flight pero ban ang Luna sa Solar. Pumasok sa isip kong kaya ka umalis at tumakbo kay Azure dahil ayaw mo na. Kaya ni Azure na isaradong muli ang boarder basta hilingin nya kay Apollo. Ang akala ko sa galit ni Azure kaya ilalayo ka nya sa akin." Paliwanag ko sa kanya. Naging titig ang mga mata namin sa isa't isa. Minamapa nya ang bawat sulok ng aking mata na para bang nasa mata ko ang bawat pangyayari ng kahapon.

"Mula noon ay walang tigil ako sa pag inom. Gabi gabi, Mahal. Mababaliw ako pag hindi kita nakitang muli. At mas nababaliw ako pag naiisip na kaya kang itago ng kapatid mo sa akin. Hanggang sa nangyari ang kagabi. Umalis ako sa bahay ng lasing, may dalang bote ng alak. Baka si Dad ang tumawag kina Bran na hanapin ako." Sabi ko sa kanya. Niyakap ko sya.

"Hanggang sa nangyari ang kagabi. Hindi ko sinasadya. Umiikot na ang paningin ko sa sobrang kalasingan at siguro dahil sa sobrang kagustuhan ko na makasama ka ay nakita kita kay Jas—"

"Bakit ka nag dadrive ng lasing?" Iniba nya ang usapan. Alam kong masasaktan sya kung marinig nya. Pero ayoko i lihim lahat.

"Mahal, pakinggan mo ako. Ayoko na magkalamat ang tiwala mo sa akin. Gusto kong malaman mo na walang nangyari sa amin. Lasing ako, oo, pero ikaw ang nasa puso at isip ko. At sigurado akong walang nangyari dahil di ko kayang gawin iyon sayo. Di ko kayang tanggalin ang respeto ko sayo para lang sa isang gabi na pag sisisihan natin pareho. Gusto kong pakasalan ka at sabihin sa kapatid mo na buo mong ibibigay ang sarili mo sa akin—" pinatigil nya ako gamit ang kanyang hintuturo.

"Walang nangyari sa inyo?" Umiling ako.

"Wala. Pangako. Wala." Parang bata kong sagot.

"Kung ganoon sapat na iyon. Naniniwala ako at 'yon ang paniniwalaan ko. Hindi ko na kailangan pang malaman ang detalye ng gabing iyon. Dahil ayoko na ipasok sa isip ko na may isang gabi sa buhay mo na hindi ako ang kinalinga mo. Masakit. Mahal, masakit po." Sabi nya at niyakap ko sya ng mahigpit.

"I'm sorry. Mahal na mahal kita. Hindi ko kayang gawin na pagtaksilan ka, Azula. Ang mawala ka sa akin ay katumbas ng mamatay na lang. Mahal na mahal kita." Sabi ko.

"Mahal na mahal din kita, Luan." Kumalas sya sa yakap ko. Napaka swerte ko, may ganito ako kabait na girlfriend at ngayon ay mapapangasawa ko na.

"Ngayon, hindi mo pa nasasagot ang tanong ko. Who told you that you can drunk drive?" Sumingkit ang mata nya sa akin. Nakalimutan ko na napaka alaga nya.

"Sorry na..." at pinitik nya ang noo ko.

"Careless! Hindi porket nakita mo na akong mag drive ng may inom ay gagayanin mo na ako. Hindi mo man lang inisip na babalik ako. Eh pano pag may nangyaring masama sayo. Umalis ako para kay Azure dahil naaksidente sya, tapos pag balik ko ganun ka din. Eh kung iuntog ko yang ulo mo!" Galit na sabi nya. Tumawa ako dahil sa pag mamahal na pinaparating nya sa bawat salita nya.