នៅតាមមាត់ផ្លូវចន្លោះរវាងហាងតូចៗដទៃទៀត មានហាងបុរាណមួយដ៏វ័យចំណាស់ រងចាំតែថ្ងៃរលំជញ្ជាំងតែមានភ្ញៀវចូលមិនដាច់។ បុរសចំណាស់ម្នាក់កំពុងតែជូតតុយ៉ាងរលោងស្រិលបានងាកទៅរកច្រកទ្វាពេលដែលញាណរបស់គាត់ប្រាប់ថាមានភ្ញៀវ រំពេចនោះគាត់ក៏ញញឹមភ្លាមៗ ពេលដែលឃើញមុខរបស់ស៊ាវចាន់
"អ្នកប្រុសតូច!!! នេះខានឃើញមកមួយរយៈធំហើយ"
"គឺខ្ញុំរវល់ខ្លាំងបន្តិចមួយរយៈក្រោយនេះ លោកពូសុខសប្បាយដែលទេ??" នាយតូចទាញដៃលោកឧត្តមសេនីយ៍ចូលមកអង្គុយ
"ខ្លួនមួយដូចជាពូក៏សប្បាយស្រាប់ហើយ និយាយអញ្ចឹងជាលើកទីមួយហើយដែលអ្នកប្រុសតូចនាំអ្នកដទៃមក"
ស៊ាវចាន់ ងាកមកមើលអ៉ីបូបណ្ដើរឆ្លើយបណ្ដើរ "គាត់គឺ លោកឧត្តមសេនីយ៍វ៉ាង អ៉ីបូ "
"អូហ៍!!! ខ្ញុំបានលឺច្រើនណាស់អំពីលោក យ៉ាងណាមានកាតព្វកិច្ចជួយប្រជាពលរដ្ឋពិតជាឡូយខ្លាំងណាស់"
លោកឧត្តមសេនីយ៍ ងក់ក្បាលតាមតែមិនតបអ្វីឡើយ
"ពូ សុំមីគាវពីរចានមក"
វ័យចំណាស់ងក់ក្បាលនិងទៅរៀបចំជូន។ អ៉ីបូ ក្រឡេកជុំវិញហាងរហូតឈប់ត្រឹមមុខរបស់រាងតូច។
"លោកមិនអាចផឹកបានទេមែនទេ?? ក្រពះលោកមិនល្អលោកមិនអាចផឹកបានទេ"
ស៊ាវចាន់ភ្ញាក់ផ្អើលដោយគេអាចដឹងរឿងនេះតែបើគេដឹងហើយម៉េចក៏នៅតែព្រមមក។
"ពេលដែលលោកនិយាយថានឹងមកញ៉ាំអាហារពេលល្ងាចខ្ញុំមិនគិតថាលោកមកកន្លែងបែបនេះទេ"
"លោកមិនចូលចិត្ត??"
អ៉ីបូគ្រវីក្បាល "គ្រាន់តែនឹកស្មានមិនដល់មនុស្សដូចជាលោកស្គាល់កន្លែងបែបនេះ"
រាងស្ដើងអស់សំណើចនិងញញឹមបន្តិច " វាជាកន្លែងដែលម៉ាក់ជួបលោកប៉ាដំបូង វាជាអនុស្សាវរីយ៍មួយដ៏រ៉ូមេនទិច"
"ខ្ញុំឮថាលោកមិនមានទំនាក់ទំនងល្អជាមួយលោកប៉ាលោកទេ"
"វាគ្រាន់តែជាការផ្លាស់ប្ដូរទំនាក់ទំនងតាមវ័យ តើអាយុដូចខ្ញុំនេះឲ្យហក់ទៅអោបលោកប៉ាទៀតឬ??"
YOU ARE READING
ចងចិត្តលោកឧត្តមសេនីយ៍(វគ្គពីរ)
Romanceបន្ទាប់ពីCEO វ័យក្មេងម្នាក់បានឆ្លងកាត់សម័យកាលទៅជួបនឹងស្នេហ៍លើកដំបូងរបស់គាត់ហើយតែមិនដឹងថាជាព្រហ្មលិខិតឬជាកម្មដែលតម្រូវឲ្យបុរសដែលគាត់ស្រឡាញ់ត្រូវស្លាប់នៅក្នុងដៃ ហើយចៃដន្យគាត់ក៏វិលមកត្រឡប់រាងកាយនៃសម័យបច្ចុប្បន្នវិញ។ តើស្នេហាទីពីររបស់គាត់អាចនឹងបញ្ចប់ទៅដ...
