ក្រោយពេលត្រឡប់មកពីផ្ទះជើងភ្នំនោះវិញស៊ាវចាន់ក៏បានបបួលអ៉ីបូមករស់នៅជាមួយគេអ៉ីបូក៏មិនប្រកែកដែរព្រោះថាគាត់ជាមនុស្សដែលផ្លាសប្ដូរទីលំនៅញឹកញាប់ហើយណាមួយផ្ទះរបស់ស៊ាវចាន់ក៏ជាកន្លែងសុវត្ថិភាព គ្មានអ្នកណាហ៊ានមករំខានគាត់ដល់ទីនេះទេ។
សម្លេងហាន់បន្លែនិងក្លិនឈ្ងុយចេញពីក្នុងផ្ទះបាយ ប្រុសសង្ហាម្នាក់កំពុងតែហាន់ការ៉ុត ស្របពេលដែលក្មេងស្រីម្នាក់ទៀតកំពុងតែលួចការ៉ុតដែលគេហាន់ជាចំណិតៗមកញ៉ាំ។
« អ្នកទាំងពីរកំពុងធ្វើអីហ្នឹង?» ស៊ាវចាន់ដែលទើបតែចូលមកឃើញហេតុការណ៍បែបនេះហើយហួសចិត្តមែនទែន ពួកគេទាំងពីរអាចចុះសម្រុងគ្នាបានតាំងពីថ្ងៃដែលអ៉ីបូចូលមកទីនេះដំបូង ហើយក៏មិនមែនចុះសម្រុងធម្មតាទេ ដល់ថ្នាក់នាងលែងខ្វល់ពីបងប្រុសបង្កើតនាងតែម្ដង។
« បងមិនឃើញទេឬ? ពួកយើងកំពុងធ្វើម្ហូប»
« ឈប់លួចការ៉ុតពីបងបូរបស់ឯងទៅ»
«បងបូគ្មានថាអីមួយម៉ាតផង!»
« អ៉ីបូ!! បងរើសទៅចូលខាងអូនឬនាង?»
អ៉ីបូ សើចញឹមៗគ្រវីក្បាល ឯណាទៅលោកអគ្គនាយកដែលគេខ្លាចក្រែងនោះ? នៅពេលនេះគេគ្រាន់តែបុរសដែលពូកែច្រណែនម្នាក់
«ប្រាកដជានៅខាងអូនហើយ!»
«បងប្រុសលេងខូច!!»
«ហៅថាមានអទិភាពទៅវិញទេ»
«ខ្ញុំនឹងដណ្ដើមបងបូពីបងចាំមើលទៅ!ហ៉ឹស»
« ខ្ញុំគិតថាអ្នកទាំងពីរចេញទៅចាំនៅតុអាហារមុនទៅ» អ៉ីបូ មិនអាចយកចិត្តទុកដាក់ធ្វើម្ហូបបានទេបើពីរនាក់បងប្អូននេះនៅតែឈ្លោះប្រកែកគ្នាដូចនេះ។
បងប្អូនទាំងពីរក៏យល់ព្រមដើរចេញមកចាំនៅតុអាហារ តែពួកគេនៅតែទាស់សម្ដីគ្នា។ បន្តិចក្រោយមករីឆាតនាយអង្គរក្សបានដើរមករកគេទាំងប្រញាប់ប្រញាល់។
«ចៅហ្វាយមានរឿងបន្ទាន់រាយការណ៌»
«រឿងស្អី?»
រីឆាតអោនខ្សឹបចៅហ្វាយគេរំពេចនោះស៊ាវចាន់ក៏ផ្លាស់ប្ដូរទឹកមុខភ្លាម។
YOU ARE READING
ចងចិត្តលោកឧត្តមសេនីយ៍(វគ្គពីរ)
Romanceបន្ទាប់ពីCEO វ័យក្មេងម្នាក់បានឆ្លងកាត់សម័យកាលទៅជួបនឹងស្នេហ៍លើកដំបូងរបស់គាត់ហើយតែមិនដឹងថាជាព្រហ្មលិខិតឬជាកម្មដែលតម្រូវឲ្យបុរសដែលគាត់ស្រឡាញ់ត្រូវស្លាប់នៅក្នុងដៃ ហើយចៃដន្យគាត់ក៏វិលមកត្រឡប់រាងកាយនៃសម័យបច្ចុប្បន្នវិញ។ តើស្នេហាទីពីររបស់គាត់អាចនឹងបញ្ចប់ទៅដ...
