ពេលព្រឹកលោកឧត្តមសេនីយ៍ទើបតែបានមកផ្ទះវិញព្រោះតែគេមានភារកិច្ចពេញមួយយប់តែគេមើលទៅដូចមិនហត់នឿយសោះ ថែមទាំងដើរទាំងសប្បាយចិត្តព្រោះមានបំណងទៅរំខានដំណេកគូស្នេហ៍តូចដែលគេប្រហែលជានៅគេងនៅឡើយទេពេលនេះ។
គ្រាន់តែដើរចូលដល់បន្ទប់ទទួលភ្ញៀវគេក៏ទច់ដំណើរ ព្រោះមានអង្គរក្សរបស់ស៊ាបចាន់ប៉ុន្មានអ្នកឈររ៉េរានៅទីនោះទាំងដែលសព្វដងគេមិនដែលមករញ៉េរញ៉ៃទីនេះទេ។ មិនត្រឹមតែប៉ុណ្ណោះទេប្អូនស្រីរបស់ស៊ាវចាន់មានទឹកមុខក្រៀមក្រំអង្គុយទាំងញ័រខ្លួនសស្រាក់ នាងចង់យំបន្តិច ភ័យបន្តិច តក់ស្លុតបន្តិច។
«តើមានរឿងអីកើតឡើងនៅទីនេះ?» អ៉ីបូដើរទៅជិតពួកគេបន្តិចទើបសួរ
« បងបូ!!» គ្រាន់តែឮសម្លេងអ៉ីបូ នាងងើបរត់មកអោបគេយ៉ាងណែន ខ្លួននាងញ័រមិនឈប់ហើយខ្លួនត្រជាក់ស្រឹប « បងចាន់បាត់ខ្លួនហើយ...ហិហិ...គាត់មិនបានមកផ្ទះទេយប់មិញ»
អ៉ីបូ មិនទាន់ហ៊ានគិតថាគេបាត់ខ្លួនទេគ្រាន់តែមួយយប់គេអាចនឹងទៅកន្លែងណាមួយមិនទាន់មកវិញក៏ថាបាន។ តែដំបូងគាត់ដោះអាវក្រៅរបស់គាត់មកដណ្ដប់ក្មេងស្រីតូចនិងលួងលោមនាងជាមុនសិន
« បងចាន់ អាចនឹងមានការរវល់ខ្លាំងក៏ថាបាន បងនឹងនាំគេត្រឡប់មកវិញ»
« តែគាត់មិនដែរទៅណាដោយមិនមានរីឆាតទេ តែនេះសូម្បីរីឆាតក៏មិនដឹងថាគាត់នៅឯណាដែរ»
អ៉ីបូ ដៀងភ្នែកមើលទៅរីឆាត ដែលតែងតែដឹងថាចៅហ្វាយខ្លួននៅទីណាគ្រប់ពេលវេលា តែពេលនេះគេមិនអាចដឹងដូចជាកុហកពេកហើយ។
«កុំទាន់អាលស្មានអី បើគេពិតជាបាត់ខ្លួនមែននោះបងនឹងរកគេឲ្យឃើញទោះជាជីកទីក្រុងទាំងមូលចោលក៏ដោយ»
«សន្យាណា៎» នាងលើកកូនដៃឡើងដើម្បីថ្ពក់ជាការសន្យា
« បងសន្យា តែឯងត្រូវញ៉ាំអាហារនិងសម្រាកជាមុនសិន»
នាងងក់ក្បាលនិងដើរចូលទៅក្នុងបន្ទប់អាហារជាមួយនឹងមេផ្ទះ ភ្លាមៗនោះទឹកមុខអ៉ីបូក៏ប្ដូរមកត្រជាក់វិញ « ប្រាប់យើងមកថាមានរឿងអីកើតឡើង»
![](https://img.wattpad.com/cover/300701457-288-k183637.jpg)
YOU ARE READING
ចងចិត្តលោកឧត្តមសេនីយ៍(វគ្គពីរ)
Romanceបន្ទាប់ពីCEO វ័យក្មេងម្នាក់បានឆ្លងកាត់សម័យកាលទៅជួបនឹងស្នេហ៍លើកដំបូងរបស់គាត់ហើយតែមិនដឹងថាជាព្រហ្មលិខិតឬជាកម្មដែលតម្រូវឲ្យបុរសដែលគាត់ស្រឡាញ់ត្រូវស្លាប់នៅក្នុងដៃ ហើយចៃដន្យគាត់ក៏វិលមកត្រឡប់រាងកាយនៃសម័យបច្ចុប្បន្នវិញ។ តើស្នេហាទីពីររបស់គាត់អាចនឹងបញ្ចប់ទៅដ...