បន្ទាប់ពីពួកគេបានត្រឡប់មកដល់វីឡារបស់ស៊ាវចាន់វិញ ស៊ាវអាន ក៏ហៅគ្រូពេទ្យនីកូឡាសមកមើលរបួសឲ្យអ៉ីបូ។ របួសមិនជ្រៅប៉ុន្មានទេ តែនីកូឡាសរអ៊ូមិនឈប់សោះ។
« ឲ្យតែឯងហៅយើងមកដឹងតែមានរបួសរហូត ឯណាសមត្ថភាពដែលឯងទៅហាត់ទាហ៊ានរាប់ឆ្នាំនោះ ម៉េចក៏ឈរឲ្យគេសំពោងក្បាលឯងស្រួលៗបែបនេះ? ស៊ាវអាន ក៏ដូចគ្នា គេឃាត់ក៏ឈរមើលចៅហ្វាយខ្លួនបែកក្បាលហូរឈាមធ្វើមិនដឹង បើមិនបានអាល្អិតរីឆាតនោះជួយឃាត់ឈាម ឈាមប្រាកដជាហូរអស់ពីខ្លួនខ្ញុំគិតថាឯងស្លាប់ដោយសារបិសាចជញ្ជក់ឈាមមិនខានទេ!!»
« សូមទោស...» ស៊ាវអាន និយាយសូមទោសព្រោះតែដឹងកំហុសពិតមែន
«បានហើយអ្នកទាំងពីរ ត្រឡប់ទៅសម្រាកចុះ» ស៊ាវចាន់ដែលឈរផ្អែកនឹងទ្វាចាំមើលនោះក៏ដើរមករកអ៉ីបូ
ក្រោយពេលគ្រប់គ្នាចេញពីបន្ទប់ហើយ ស៊ាវចាន់ ក៏ចូលទៅអោបអ៉ីបូទាំងនឿយហត់។ ចំណែកលោក ឧត្តមសេនីយ៍ក៏អោបតបវិញបានរហូតដល់មួយសន្ទុះធំទើបស៊ាវចាន់ងើបចេញវិញ។
« សូមទោសដែលទាញបងចូលមកក្នុងរឿងរបស់ខ្ញុំ »
«វាមិនមែនជាកំហុសអូនទេ»
«តែបើមិនមែនមកពីអូន បងក៏មិនបែបនេះដែរ ថ្ងៃនេះបងត្រឹមមានរបួសទៅថ្ងៃក្រោយបងអាចគ្រោះថ្នាក់ដល់ជីវិតឬអត់នោះខ្ញុំមិនហ៊ានធានាទេ»
លោកឧត្តមសនីយ៍ទាញរាងស្ដើងមកអោបនិងអោនថើបថ្ងាសរបស់គេដើម្បីលួងលោមចិត្តដែលកំពុងច្របូកច្របល់។
« បងមិនអីទេ របួសនិងការវាយប្រហារបងធ្លាប់ឆ្លងកាត់រាប់មិនអស់ហើយ របួសមួយនេះបងស្ម័គ្រចិត្តដោយខ្លួនឯង»
«សន្យានឹងខ្ញុំមកថាបងមិនត្រូវស្ម័គ្រចិត្តរងរបួសមួយណាទៀតទេ»
«បងសន្យា... តែថាអូនមិនទាន់សងបងនៅឡើយទេ »
ស៊ាវចាន់ ភ្ញាក់ខ្លួនព្រឺតពេលដែលយល់ពីន័យរបសឮអ៉ីបូ។ គេប្រាកដជាចង់ឲ្យសងតាមសន្យាដែលមិនបានទៅកំដរគេនៅឯពិធីជប់លៀងល្ងាចមិញមិនខាន។
«ខ្ញុំនឹងសងបងតែមិនមែនថ្ងៃនេះទេ»
«ហេតុអី?»
![](https://img.wattpad.com/cover/300701457-288-k183637.jpg)
YOU ARE READING
ចងចិត្តលោកឧត្តមសេនីយ៍(វគ្គពីរ)
Romanceបន្ទាប់ពីCEO វ័យក្មេងម្នាក់បានឆ្លងកាត់សម័យកាលទៅជួបនឹងស្នេហ៍លើកដំបូងរបស់គាត់ហើយតែមិនដឹងថាជាព្រហ្មលិខិតឬជាកម្មដែលតម្រូវឲ្យបុរសដែលគាត់ស្រឡាញ់ត្រូវស្លាប់នៅក្នុងដៃ ហើយចៃដន្យគាត់ក៏វិលមកត្រឡប់រាងកាយនៃសម័យបច្ចុប្បន្នវិញ។ តើស្នេហាទីពីររបស់គាត់អាចនឹងបញ្ចប់ទៅដ...