បីថ្ងៃក្រោយមកក្រុមហ៊ុនស៊ាវក៏កាន់តែតែរញ៉េរញ៉ៃភាគហ៊ុនរបស់ឆាងអ៉ីងពេលនេះក្លាយជាងរបស់លោកពូតូចវិញហើយ ចំណែកឯលោកអគ្គនាយកដែលមិនទាន់ចេញពីតំណែងនៅឡើយពេលនេះកំពុងអង្គុយឆុងតែយ៉ាងមានក្ដីសុខនៅក្នុងការិយាល័យ។
« ស៊ាវចាន់!! តើនេះជាស្អី?ក្រែងឯងថាលក់ភាគហ៊ុនឲ្យខ្ញុំហ្អី ពេលនេះម៉េចក៏ក្លាយជារបស់លោកពូតូច?» ឆាងអ៉ីង បានសម្រុកចូលមកក្នុងការិយាល័យទាំងកម្រោលចូល។
« ហើយខ្ញុំបានលក់ឲ្យឯងហើយតើ សំណួរនេះយើងជាអ្នកសួរឯងបានត្រូវម៉េចក៏ភាគហ៊ុនឯងនៅក្នុងដៃលោកពូតូច?»
« អាពស់ក្បាលពីរនោះ!!!» គេខឹងឡើងចង់ឆ្កួតទៅហើយ
ស៊ាវចាន់ លើកតែក្រេបបន្តិចនិងដកដង្ហើមស្របចេញស្របចូលយ៉ាងមានផាសុខភាព។
« ក្រុមហ៊ុនឯងជិតរលាយហើយ ឯងមិនឃើញទេឬ?»
« វាមិនមែនជាក្រុមហ៊ុនយើងទេ វាជារបស់ឯង» ស៊ាវចាន់ នៅតែរីករាយជាមួយនឹងតែក្ដៅរបស់គាត់ មើលទៅបែបចង់បើកហាងតែហើយ បន្ទាប់ពីក្រុមហ៊ុនរលាយ
« មិនខ្វល់បន្តិចទេឬ? វាជាញើសឈាមឯងណា?»
« No No!» គេគ្រវីក្បាល « លុយក្នុងធនាគារផ្ទាល់ខ្លួនយើងទៅវិញទេដែលជាញើសឈាមយើង បើយើងត្រូវគេទាត់ចេញយើងនឹងដើរលេងជុំវិញពិភពលោក»
« ឯងអស្ចារ្យណាស់!»
«មុនហ៊ានទទួលទេ»
ម៉ាធីវគេដើរចូលមកក្នុងការិយាល័យបម្រុងនឹងរាយការណ៍តែមិនដឹងជាទស្សនីយភាពអ្វីនៅចំពោះមុខ។ សត្រូវស៉ីសាច់គ្នាពីរនាក់កំពុងអង្គុយតុរួមគ្នាម្នាក់រីករាយជាមួយនឹងពែងតែ ម្នាក់ទៀតអាប់អួលដូចជិតដាច់ខ្យល់។
« គឺ.... លោកម្ចាស់តូចស៊ាវកំពុងតែមកហើយ...» ដោយសារតែការយឺតយ៉ាវការរាយការណ៍របស់គាត់មិនបានបញ្ចប់ព្រោះតែលោកម្ចាស់តូចស៊ាវចូលមកល្មម
« នេះនៅជុំគ្នាល្អមែន» គេដើរមករកលោកក្មួយទាំងពីរ « ការជួបជុំផឹកតែឬ?»
« ខ្យល់អីបក់ពូតូចមកទីនេះ?»
« ឯងចង់មានន័យថាយ៉ាងម៉េចពេលនេះយើងជាអគ្គនាយកនៅទីនេះ ឯងប្រាកដជាហត់ហើយសម្រាកខ្លះទៅ»
YOU ARE READING
ចងចិត្តលោកឧត្តមសេនីយ៍(វគ្គពីរ)
Romanceបន្ទាប់ពីCEO វ័យក្មេងម្នាក់បានឆ្លងកាត់សម័យកាលទៅជួបនឹងស្នេហ៍លើកដំបូងរបស់គាត់ហើយតែមិនដឹងថាជាព្រហ្មលិខិតឬជាកម្មដែលតម្រូវឲ្យបុរសដែលគាត់ស្រឡាញ់ត្រូវស្លាប់នៅក្នុងដៃ ហើយចៃដន្យគាត់ក៏វិលមកត្រឡប់រាងកាយនៃសម័យបច្ចុប្បន្នវិញ។ តើស្នេហាទីពីររបស់គាត់អាចនឹងបញ្ចប់ទៅដ...
