ថ្ងៃមមាញឹកបានបញ្ចប់ ថ្ងៃដែលត្រូវទៅទទួលទានអាហារជុំគ្រួសារក៏បានមកដល់ទៀតហើយ។ ស៊ាវចាន់ គ្រាន់តែឈានជើងដល់ផ្ទះគ្រួសារស៊ាវទឹកមុខមិនទទួលស្វាគមន៍ក៏បង្ហាញភ្លាម។
« ឯងតែងតែមកយឺតស៊ាវចាន់» ម៉ាក់ចុងរបស់គេតែងតែជាអ្នកនិយាយទទួលស្វាគមន៍មុនគេជាមួយនឹងពាក្យគំរោះគំរើសគ្រប់បែបយ៉ាង។
« ម៉ាក់ យ៉ាងណាក៏ពួកយើងមកដល់ហើយ »
«ឯងកាន់តែឈ្លើយទៅហើយអាយាន នេះឯងមិនដឹងទេឬថាគេធ្វើអីដាក់បងប្រុសឯងខ្លះ»
«ម៉ាក់បានហើយ វាមិនបានធ្វើឲ្យខ្ញុំឈឺសូម្បីតែបន្តិចឡើយ» ឆាអ៉ីង ចេញមុខមកនិយាយកាត់ធ្វើឡូយដូចជាគាត់ខ្លាំងរឹងមាំណាស់ តែតាមពិតគ្រាន់តែមិនចង់សន្សំរឿងជាមួយស៊ាវចាន់តែប៉ុណ្ណោះ។
« លោកប៉ា!?»
« បន្ទប់សិក្សា»
ស៊ាវចាន់ គេដើរឡើងទៅបន្ទប់សិក្សាខាងលើ ហើយក៏បើកទ្វារចូលទាំងមិនទាន់គោះសុំអនុញ្ញាត្ត។
លោកស៊ាវកំពុងពិនិត្យមើលឯកសារខ្លះៗ និយាយមកកាន់គេ« ឯងកាន់តែឈ្លើយទៅៗហើយ»
« ខ្ញុំបានទៅគោរពផ្នូរអ្នកម៉ាក់ »
« ជាមួយក្មេងប្រុសនោះឬ?» គាត់ដូចជាចង់សំដៅដល់អ៉ីបូ
« មែនហើយ.... គេក៏កំពុងរស់នៅជាមួយខ្ញុំផងដែរ»
« យើងដឹងហើយ» មែនហើយគ្មានអ្វីដែលគាត់មិនដឹងពីស៊ាវចាន់ឡើយ
« តើប៉ាគិតថាលោកម្ចាស់វ៉ាងយ៉ាងម៉េចដែរ?»
លោកស៊ាវដាក់ឯកសារចុះនិងងើបមុខមើលគេជាមួយទឹកមុខសង្ស័យមិនប្រាកដប្រជា « ឯងចង់បានន័យថាយ៉ាងម៉េច?»
«ប៉ា និង លោកវ៉ាង មានទំនាក់ទំនងល្អជាមួយគ្នាមែនទេ?»
លោកស៊ាវទ្រឹងចាំបន្តិចទើបមានប្រសាសន៍« ជាម៉ាក់របស់ឯងទៅវិញទេ ពួកគេមិត្តសកលវិទ្យាល័យជាមួយគ្នា»
« ហេតុអីម៉ាក់ព្រមរៀបការជាមួយប៉ា?»
« ប្រាកដជាមកពីស្រឡាញ់គ្នាហើយ!» គាត់ឆ្លើយភ្លាមៗ តែម្ដង
YOU ARE READING
ចងចិត្តលោកឧត្តមសេនីយ៍(វគ្គពីរ)
Romanceបន្ទាប់ពីCEO វ័យក្មេងម្នាក់បានឆ្លងកាត់សម័យកាលទៅជួបនឹងស្នេហ៍លើកដំបូងរបស់គាត់ហើយតែមិនដឹងថាជាព្រហ្មលិខិតឬជាកម្មដែលតម្រូវឲ្យបុរសដែលគាត់ស្រឡាញ់ត្រូវស្លាប់នៅក្នុងដៃ ហើយចៃដន្យគាត់ក៏វិលមកត្រឡប់រាងកាយនៃសម័យបច្ចុប្បន្នវិញ។ តើស្នេហាទីពីររបស់គាត់អាចនឹងបញ្ចប់ទៅដ...
