'ဗိုလ်မှူးရဲ့အလုပ်နေရာကလူတွေအပြင်မိသားစုတွေအထိပါသိလာရတဲ့အခါ ကျွန်တော်အနည်းငယ်စိတ်လှုပ်ရှားနေခဲ့တယ်
ပိုပြီးနီးကပ်လာတာနဲ့အမျှဝေးကွာသွားမှာကိုကြောက်မိပေမယ့်ပေါ့...'"ဒါကကိုယ့်အမေရဲ့ဆိုင်လေ"
ဂျယ်ဟွန်းရဲ့စကားကိုကြားတော့ ထယ်ယုံးရဲ့ခြေလှမ်းတွေကချက်ချင်းပဲတုံ့ဆိုင်းသွားတယ်။ အစကတော့သာမာန်စာအုပ်ဆိုင်ထင်၍ လာဖို့သဘောတူခဲ့ပေမယ့် ဂျယ်ဟွန်းရဲ့အမေကဖွင့်ထားသောဆိုင်ဟူသောအသိက ထယ်ယုံးကိုတွေဝေစေတယ်။
"ဒီမှာယုံး ရှာနေတဲ့စာအုပ်တွေရှိမှာပါ"
ဂျယ်ဟွန်းကစာအုပ်ဆိုင်သေးသေးလေးထဲကို ဝေ့ပြီးကြည့်နေတဲ့ထယ်ယုံးကိုကြည့်ကာနောက်တစ်ခွန်းပြောလိုက်တယ်။ ဒါပေမယ့်ထယ်ယုံးကတော့မလှုပ်ရှားလာ။
ထယ်ယုံးကစဉ်းစားမိသည်။ တကယ်ပဲဂျယ်ဟွန်းကဘာကိုစဉ်းစားတွေးတောနေတာများလဲ? ဘာလို့သူ့ရဲ့မိဘတွေရှိရာနေရာဆီခေါ်လာတာလဲ?
ထယ်ယုံးကစဉ်းစားလို့မရပေ။ ထို့ကြောင့်ဂျယ်ဟွန်းရဲ့မျက်နှာကိုအလိုလိုကြည့်လိုက်မိပါ၏။ ဂျယ်ဟွန်းရဲ့မျက်နှာက ယခင်အတိုင်းပင်။
နူးညံ့သောမျက်နှာထားတစ်ခုနှင့် နူးညံ့စွာပဲအချစ်ဟုအမည်တပ်၍ရသော ခံစားချက်များပါဝင်သည့်မျက်လုံးများဖြင့်ထယ်ယုံးကိုကြည့်နေလေသည်။
အမြဲလိုလိုခံစားချက်များကိုမျက်နှာပေါ် သိပ်မဖော်ပြတတ်တဲ့ဂျယ်ဟွန်းကအခုလဲအတူတူပင်။ ဂျယ်ဟွနး်ရဲ့စိတ်ထဲဘာတွေတွေးတောနေသလဲဆိုတာကိုမခန့်မှန်းနိုင်။
ထပ်ပြီးဂျယ်ဟွန်းရဲ့စိတ်ကိုမခန့်မှန်းနိုင်သေးခင်မှာပဲ ဂျယ်ဟွန်းကသူ့ရဲ့မြင်ကွင်းအရှေ့ကနေထွက်သွားလေတယ်။ ထယ်ယုံးကဂျယ်ဟွန်းရဲ့ခြေလှမ်းတွေနောက်ကိုလိုက်ကြည့်မိတော့လက်တစ်စုံ။
ထယ်ယုံးရဲ့အရှေ့မှာရှိနေတဲ့ ဂျယ်ဟွန်းရဲ့ကြီးမားသောလက်ဟာ တွေဝေတုံ့ဆိုင်းနေတဲ့ ထယ်ယုံးကိုပိုပြီးတော့တုံ့ဆိုင်းကာ နှေးကွေးစေတယ်။
![](https://img.wattpad.com/cover/309035134-288-k53565.jpg)
YOU ARE READING
Letter For My Dear General
Romanceသို့ - ကျွန်တော့်ရဲ့ချစ်ရပါသောဗိုလ်မှူး 'ကျွန်တော့်ဘဝရဲ့နောက်ဆုံးလားမသိတဲ့အချိန်မှာ ဒီစာလေးကိုရေးခဲ့ပါတယ်။ ဗိုလ်မှူး... ဒါကိုဖတ်နေရဲ့လား...? အဆုံးသတ်ကဒါဖြစ်မယ်ဆိုတာကို ကျွန်တော်ကြိုသိခဲ့ပါတယ် ဗိုလ်မှူး... အဆုံးသတ်ကိုသိရက်နဲ့နောက်မဆုတ်နိုင်ခဲ့တာ...