Unicode
ရာသီတွေအလီလီပြောင်းလာလိုက်တာ နောက်တစ်ချိန်မိုးရာသီတောင် ပြန်လည်ရောက်ရှိလာပြီ။ ရှောင်းကျန့် ဝရံတာနဲ့အခန်းထဲကိုဆက်ထားတဲ့တံခါးဝမှာပိတ်ထိုင်နေပြီး စာအုပ်ထိုင်ဖတ်နေသည်။ ဝရံတာကြမ်းပြင်တစ်ခုလုံးမှာလဲ မိုးရေတွေရွဲစိုလို့၊ ရှောင်းကျန့် သူ့ဘေးမှာကော်ဖီခွက်လေးချပြီး စာဖတ်လိုက် ကော်ဖီသောက်လိုက် မိုးရေတွေကိုလှမ်းကြည့်လိုက်နဲ့။ တစ်ချက်တစ်ချက်လေပြင်းတိုက်လိုက်ရင် သူ့ဆံပင်တွေလွင့်ကာ စာရွက်တွေလဲ တစ်ဖက်ဖက်လန်ကုန်ကြသည်။ သူဒီကိုရောက်လာတာ သုံးနှစ်တောင်ပြည့်တော့မယ်၊ ဒီနှစ်ဆောင်းတွင်းဝင်ရင် သူရောက်တာသုံးနှစ်ပြည့်ပြီလေ။ အချိန်တွေကုန်တာတအားကိုပဲမြန်တယ်။ အဲလိုပဲ သူလဲရင်တမမနဲ့။ မေ့ချင်ရင်တောင်သူမမေ့ရဲဘူး၊ အဲဒါဘယ်အချိန်သူ့ရဲ့မူလနေရာကိုပြန်ရမလဲဆိုတာပဲ။ အရာအားလုံးအဆင်ပြေနေရင်တောင် အပြည့်အဝတော့ဘယ်ပျော်ရမလဲလေနော်။
ရိပေါ်စာထိုင်ဖတ်နေတဲ့ရှောင်းကျန့်နားကိုသွားလိုက်ပြီး အနောက်ကနေအနွေးထည်ကိုလွှမ်းခြုံပေးလိုက်ကာ ရှောင်းကျန့်ရဲ့အနောက်မှာဝင်ထိုင်ပြီး သိုင်းဖက်ထားလိုက်သည်။ ရှောင်းကျန့်ကလဲ စာအုပ်ကိုဘေးချလိုက်ပြီး ရိပေါ်ရဲ့ရင်ခွင်ထဲကို မှီချလိုက်တယ်။
"အိမ်ကလူရဲ့ရင်ခွင်ထဲမှီထားရတာ သက်သောင့်သက်သာရှိလိုက်တာ"
ရိပေါ်ကရှောင်းကျန့်ကိုပိုတင်းအောင်ဖက်ထားလိုက်ပြီး
"လေတွေတိုက်နေတာကို ဒီမှာဘာလို့လာထိုင်နေတာလဲ ဖျားဦးမယ်"
"မဖျားပါဘူးအိမ်ကလူရဲ့ အပြင်ကိုကြည့်မိုးရွာနေတာဘယ်လောက်လှလဲ အသက်ရှူသွင်းကြည့် အနံ့ရရဲ့လားမြေသင်းနံ့လေး အဲဒါကမိုးရာသီမှာပဲရနိုင်တဲ့အရာတွေဗျ"
ရိပေါ်ကရှောင်းကျန့်ရဲ့ခေါင်းလေးပေါ် မေးတင်ပြီး အပြင်ကိုစိုက်ကြည့်နေသည်။ သူဒီလိုအရာတွေကိုမခံစားဖြစ်တာတောင်ကြာပေါ့။ ရိပေါ်ရှောင်းကျန့်နဲ့တူတူမိုးရွာတာကိုထိုင်ကြည့်တာ ဘယ်လောက်ကြာသွားမှန်းတောင် မသိလိုက်။ ရိပေါ်ရှောင်းကျန့်ကိုငုံ့ကြည့်လိုက်တော့ အသက်ရှူသံမှန်မှန်လေးနဲ့ရိပေါ်ရဲ့ရင်ခွင်ထဲမှာ ရှောင်းကျန့်ကအိပ်ပျော်နေပြီ။ ရိပေါ်ပြုံးလိုက်မိတယ်။ ဒီကလေးကတော့။
YOU ARE READING
𝙈𝙖𝙮𝙤𝙧'𝙨 𝙒𝙞𝙛𝙚 / မင်းကတော်
Fanfictionအသက်ကိုသိပ်ချစ်၏>.< ‼️အချိုချည်းပါ၊ third wheel, childတွေပါလာနိုင်တာမို့ အဆင်ပြေမှဖတ်ပါရှင့်။ စာရေးသူ၏စိတ်ကူးသက်သက်ဖြစ်တာမို့ fictionကို fictionလိုမြင်ပြီး လက်ခံနိုင်မှဖတ်ပေးပါရှင်။ Start-14.1.2022 End-13.5.2022 #Crd cover photo
