𝙈𝙖𝙮𝙤𝙧'𝙨 𝙒𝙞𝙛𝙚 / မင်းကတော်

XXIII

Unicode

မိုးရာသီကုန်ခါနီးနေပြီမို့ မိုးသိပ်မရွာတော့၊ မိုးအုပ်မှိုင်းနေရင်တောင် မိုးဖွားလေးများကျတာကလွဲလို့ သည်းကြီးမဲကြီးမရွာသွန်းတော့။ ရှောင်းကျန့်ကတော့ နေမကောင်းဖြစ်ပြီးထဲကအိမ်မှာမနေချင်တာကြောင့် သူငယ်ချင်းတွေနဲ့ မန်ထယ့်ရဲ့radio cafeမှာပဲသွားထိုင်ဖြစ်ကြတယ်။ ရှင်းရုံတို့မင်္ဂလာနှစ်ပတ်လည်သုံးနှစ်ပြည့်တွက် ဘာမှမကျွေးလိုက်ရလို့ဆိုကာ ဟိုတလောကမှ ခရီးထွက်ပြီးပြန်လာတဲ့ရှင်းရုံကပွဲအသေးလေးလုပ်ပေးသည်။ မန်ထယ်ကတော့ ခုထိပျောက်နေပြီး ဘာအဆက်အသွယ်မှလဲမလုပ်တော့။ ရှောင်းကျန့်ကသတိတရနဲ့မန်အိမ်တော်ကို ဖုန်းဆက်မေးပေမယ့်လဲ သူတို့ကိုလဲအဆက်အသွယ်မလုပ်ဘူးလို့ဆိုကာ မန်သခင်မကြီးကငိုကာပြောရှာတယ်။ မန်အိမ်တော်မှာ သားတစ်ယောက်ထဲရှိတာမို့ မန်ထယ်ကိုတစ်မိသားစုလုံးကတုန်နေအောင်ချစ်ကြပြီး အလိုလိုက်ထားကြသည်။ ဒါကိုသူဘာတွေစိတ်မချမ်းမသာဖြစ်နေလဲ ရှောင်းကျန့်နားမလည်နိုင်ပါ။ radioကော်ဖီဆိုင်လေးလည်ပတ်နေတာ မန်သခင်မကြီးက သူ့သားသဘောကျတဲ့ဆိုင်လေးကို မပိတ်ချင်တာကြောင့်သူပဲစီမံပေးနေတာ

ဒီနေ့တော့ရှောင်းကျန့် ရိပေါ်ရဲ့စာကြည့်ခန်းထဲမှာစာအုပ်ထိုင်ဖတ်ဖြစ်နေတယ်။ ရိပေါ်ရဲ့ကိုယ်ပိုင်စာကြည့်ခန်းကြီးကို သူ့အပိုင်ကြီးလို မောင်ပိုင်စည်းပြီးစိတ်ကြိုက်ခြယ်လှယ်နေတော့တာ။ ကြိုက်တဲ့စာအုပ်ကိုယူပြီး ရိပေါ်ရဲ့စားပွဲပေါ်မှာထိုင်ကာ စာထိုင်ဖတ်နေလိုက်သည်။ စားပွဲပေါ်ကသူတို့နှစ်ယောက်ဓာတ်ပုံလေးကိုကြည့်မိရင် ရှောင်းကျန့်မှာပြုံးလို့။ ရိပေါ်ကပြောဖူးတယ်၊ သူ့စာကြည့်စားပွဲပေါ်ဓာတ်ပုံတွေမတင်ချင်ဘူး၊ အကြောင်းအရင်းမရှိပေမယ့် ဒီတိုင်းစာကြည့်စားပွဲပေါ်ဓာတ်ပုံတင်တာကိုမကြိုက်တာ။ ဒါမယ့် စာကြည့်စားပွဲပေါ်ဓာတ်ပုံတင်တာမကြိုက်တဲ့သူက သူတို့နှစ်ယောက်ရဲ့ဓာတ်ပုံလေးကိုတော့ တန်ဖိုးထားပြီးတင်ထားပါသတဲ့။

ရှောင်းကျန့်စာထိုင်ဖတ်နေတာ ပတ်ဝန်းကျင်ကိုလဲအာရုံမရှိတော့။ သူဖတ်နေတဲ့စာအုပ်ကို ပြီးအောင်ဖတ်ဖို့သာစိတ်ထဲရှိတော့တယ်။ တစ်နာရီလောက်အကြာမှာတံခါးဖွင့်သံနဲ့အတူ ရိပေါ်စာကြည့်ခန်းထဲဝင်လာသည်။