Unicode
Warning🚫 ပိစိလေးပါပါတယ်
ရှေးနှောင်းဆက်သည် တစ်မနက်လုံး ဂိမ်းဆော့နေကာ နေ့လယ်စာစားရန် ဒေါ်မြိုင်လာခေါ်မှပင် ရပ်တော့သည်။
ရှေးနှောင်းဆက်သည် နေ့လယ်စာစားပြီးသည်နှင့် အပေါ်သို့တက်ကာ ဂိမ်းပြန်ကစားဖို့ပြင်လိုက်ပေမယ့် တစ်ယောက်တည်းကစားရတာ ပျင်းဖို့ကောင်းတာကြောင့် မြတ်ကိုကိုတို့တစ်သိုက်ကိုပါ အိမ်သို့ခေါ်လိုက်သည်။
မြတ်ကိုကိုနှင့် ရှင်မင်းသန့်သာ ရောက်လာပြီး ကျန်တဲ့ကလေးတွေကတော့ ရောက်မလာတာကြောင့် သူတို့သုံးယောက်သာ ကစားလိုက်ကြတော့သည်။
ဂိမ်းကစားပြီးနောက်တွင် မြတ်ကိုကိုသည် အများဆုံးရှုံးသည့်လူဖြစ်သည်။
"မင်းလက်ရည်ကလဲ မူလတန်းကလေးကျနေတာပဲကွာ"
"ငါက မူလတန်းကလေးလက်ရည်မဟုတ်ဘူး...မင်းနဲ့အစ်ကိုနှောင်းဆက်ကသာ ပရိုတွေလိုတော်နေတာ...ငါ့အကျွမ်းကျင်ဆုံးဂိမ်းသာဆော့ရင် ငါအသာလေးနိုင်တယ်"
"ဟုတ်လား...ငါထင်တာတော့ မင်းဘယ်ဂိမ်းဆော့ဆော့ ငါ့ကိုရှုံးမှာပဲလို့ ငါထင်တယ်"
"ချီးပဲ ရှင်မင်း မင်းငါ့ကို မကိုက်ပဲနေလို့မရဘူးလား"
"ငါက မင်းကိုဘယ်မှာကိုက်နေလို့လဲ...မင်းကိုက်စေချင်ရင်တော့ ငါကိုက်ပေးမယ် လည်ပင်းကိုလား ဒါမှမဟုတ်..."
"ချီးပဲ! ရှင်မင်း ချီးပဲ!...မင်းအပေါက်ကိုပိတ်လိုက်တော့"
တွေ့တိုင်း စကားနိုင်လုနေသည့် ဒီနှစ်ယောက်ကိုတော့ ရှေးနှောင်းဆက် မထိန်းနိုင်ပေ။
ငယ်ငယ်လေးကတည်းက ခင်မင်လာပြီး အချစ်ဆုံးသူငယ်ချင်းတွေဖြစ်ကြသည့် လူနှစ်ယောက်က ဒီလိုမျိုး ခဏခဏ စကားနိုင်လုနေတာကို သူ ပထမဆုံးမြင်ဖူးခြင်းပေ။
"မင်းတို့က မွေးကတည်းက အတူရှိခဲ့တာဆို"
ရှေးနှောင်းဆက် ကြားဖြတ်မေးလိုက်တော့ မြတ်ကိုကိုနှင့်ရှင်မင်းသန့်က စကားနိုင်လုနေရာမှ သူ့ကိုလှည့်ကြည့်လာကြသည်။
YOU ARE READING
I Fell In Love With My Husband(Completed)
RomanceUnicode မဖြစ်နိုင်တဲ့အရာတစ်ခုက ကျွန်တော့်ဆီမှာလာဖြစ်နေတယ် ကျွန်တော်ကယောကျ်ားလေးတစ်ယောက် ဒါပေမယ့် မထင်မှတ်ပဲ စာအုပ်ထဲကအဓိကဇာတ်ဆောင်ရဲ့ခန်ဓာကိုယ်ထဲရောက်သွားပြီး ယောကျ်ားယူပြီးကလေးမွေးရမယ်တဲ့ မဖြစ်နိုင်ဘူး! ငါကယောကျ်ားလေးလေ ကလေးမွေးဖို့ဆိုတာ လုံးဝကိုမဖ...