Blind Date ( Completed )

Ep - 12

' မား ... တကယ်ပဲ သား ကိစ္စကို လုံးဝ သဘောမတူဘူးလား။'

' ငါ မတူလည်း သူက တစ်ယောက်တည်းပဲ နေသွားမယ်လို့ ပြောနေတာမလား။'

' အဲ့ဒါဆို မား သဘောတူမှာလား။'

' ငါတို့မှာ သူ တစ်ယောက်ပဲ ရှိတာလေ။ တစ်ခြား မိန်းကလေးနဲ့ အတင်း ပေးစားလိုက်မှ အိမ်ထောင်ရေး ဖောက်ပြန်တာ ကွဲတာမျိုး ဖြစ်ရင် ငါတို့ ပိုပြီး အရှက်ကွဲရမှာ။'

' သမီးလည်း အဲ့ဒါတွေ တွေးမိတယ်။ အဲ့ဒါကြောင့် သားကို သူ ချစ်တဲ့လူနဲ့ပဲ သဘောတူပေးလိုက်တော့မလားလို့။'

' နေပါအုံး။ တကယ်ပဲ သူ ကြိုက်နေတဲ့ တစ်ယောက်က ဘယ်သူ့ သားသမီးလဲ။ ဘယ်မျိုးရိုးကလဲ။'

' သမီးလည်း သေချာ မသိဘူး။ ဒါပေမယ့် သူတို့ နှစ်ယောက် တွေ့တာ ကြာအုံးမှာ မဟုတ်သေးဘူး။ သမီးတို့ အိမ်ကို လာတုန်းက ဆိုရင် တလတောင် မရှိသေးဘူး။'

' ဟွန့် တစ်လ လေး တွေ့တာနဲ့ တကယ် ချစ်သွားတယ်ပေါ့။ ဝမ်ရိပေါ်က လုပ်လိုက်ရင် အဆန်းပဲ။ ပြီးတော့ ဟိုကောင်လေးကရော သူ့ကို ပြန်ကြိုက်ပြီလား။

ငါတို့ အဲ့ကောင်လေး အိမ်ကို စုံစမ်းပြီး သွားပြောလိုက်မလား။ ရိပေါ်နဲ့ ကြိုက်နေရင်တောင် အဆက်ဖြတ် ပေးဖို့။'

' မား ရယ်။ မားရဲ့ မြေးက သူမှ မဟုတ်ရင် ဘယ်သူ့မှ မယူဘူးလို့ စကားအဆုံး ပြောပြီးပြီလေ။ သမီးတို့ သွားပြောလည်း ဘာထူးမှာလဲ ...'

' အမလေး ... အမလေး ... ငါ သေချင်တယ်။ သေချင်တယ်။ ငါလည်း လိင်တူ စုံတွဲတွေ ရှိတဲ့ နိုင်ငံမှာ နေလာခဲ့တာပါ။ ဒါပေမယ့် ကိုယ့်မြေးကပါ ဖြစ်နေတာကိုတော့ သဘောမတူချင်ဘူး။'

' ဘယ်တတ်နိုင်မလဲ မားရယ်။ သားရဲ့ ကံတရားပဲပေါ့။ သူ့အသက်ကလည်း စိတ်ကစားတတ်တဲ့ အရွယ် မဟုတ်တော့ နင် ခဏတာ စိတ်ကစားတာ နေမှာလို့ ချော့ပြောလည်း မရဘူး။ ပြီးတော့ သမီး သူ့ကို အိမ်ထောင်ဖက်တွေ သွားတွေ့ခိုင်းတာလည်း မငြင်းပဲ သွားရှာပါတယ်။ အဲ့ဒါတောင် အဲ့ဒီချောချောလှလှ မိန်းကလေးတွေကို စိတ်မဝင်စားခဲ့ဘူးလေ။ သားက အဲ့ကောင်လေးကို တကယ်ပဲ သဘောကျသွားတာ နေမှာပါ။'