DI SCAMMA BWOY: A Jamaican Love Story

CHAPTER 25

BADZ POV

Mi go hold a seat beside Dacia fada and her uncle who was smoking.

"Mi can smoke yahso big man?" Mi ask Dacia fada.

"Yeah man. Mike mi name." Her fada said.

"Arite Mike." Mi seh and place the craven A between mi lips.

Before mi light it mi take it out and ask him. "Yuh nuh have no problem if mi smoke? Mi nuh smoke all di time juss wen mi feel stress which is rarely."

"No man yuh can smoke man. Mi smoke to but mi juss come back from dah cold place deh mi haffi mek mi body taah out." Mike seh and di whole a we laugh out.

"Yaa joker eno Mike." Davian seh.

Mi put the craven A back between mi lips and light it.

Mi start puff it an a think bout Dacia. Mi see seh she vex because a wah Shan seh. But mi an Shan nuh inna nutten. A over a year now mi nuh see Shan.

Shan used to work a mi club as di bartender back when mi and Daniella did deh. She did know seh mi have Daniella and she still force up pon mi. Mi and har have sex bout three or four time before Daniella did find out and mi nuh link har back afta Daniella find out.

Mi know Dacia all feel like mi a cheat pon har now because a how Shan structure wah she seh.

Mi juss aguh siddun yahso and smoke and drink mi beer dem until she done help out inna di kitchen.

"So wah yuh do?" Mike ask mi.

"Mi own couple club and lounge ova Jamaica. Mi own waa shoes store too." Mi tell dem.

"Eeh? Big business man." Dem seh.

"Yuh chop?" Davian ask mi

"Mek mi be honest, mi used to dweet all di time but now mi hardly do that. A it mi use start mi lounge and club business so mi juss kinda let it go." Mi explain to dem.

"Mi know a Choppa from mi see one." Davian seh and we laugh out.

We continue chat and laugh.

《🦋💜🦋》

About two yah now and the yard did full a people. Kev, Nana and Tae di finally reach and a dem mi siddun wid outa door a chill.

"Badz." Mi hear somebody a call mi name.

Mi look roun and see Dacia a motion mi fi come to her.

Mi get up from weh mi did siddun and walk to Dacia. Mi study har and it did look like she a fret bout supn.

A bet yuh any money seh a di Shan situation she a fret bout. Mi subconcious seh.

Shut up because yuh cyaa use money. Anyways mi think yuh right. Mi seh mentally.

"Come me done and we haffi go ready yah now before di food start share." She seh to mi and mi follow her into the house weh har grandmadda and a couple odda people did deh.

Mi nod mi head at di people dem and walk go her room wid har as mi lock di door.

"Yuh good?" Mi ask her.