DI SCAMMA BWOY: A Jamaican Love Story

CHAPTER 31

DEE'S POV

"You good?" Nana ask mi as soon as mi come siddun beside her.

"Um.. yeah mi good." Mi seh wid mi eyes down a look pon di half eaten barbeque Zinger weh mi did a eat.

Mi suddenly feel the urge fi vomit as mi look pon it.

"Excuse." Mi seh and get up from the seat running to di bathroom. Mi run inna one a di stall and start spill mi guts.

Mi feel somebody a rub mi back and hold back mi hair but all mi coulda focus pon a vomiting as tears did a run outa mi eyes.

When mi finish mi ease up and flush toilet. Mi turn roun and see seh a Badz did a comfort mi wen mi a vomit.

"Yuh good?" Him ask mi as him examine mi.

Mi juss look weh from him and nid mi head. Mi walk to di sink. Mi wash mi face and wash out mi mouth then was mi hand.

"You can get mi bag carry come gimi please?" Mi ask him.

"Yeah." Him seh and walk outa di bathroom.

Dah likkle pickney yah juss a mek yuh embarrass yuh self inna public. Everyweh yuh go yuh vomit. Mi subconciuos seh mockingly.

Mi roll mi eye after her.

Bout a minutes after him reach back wid mi bag and mi take it from him.

Mi tek out mi small bottle a listerine mouth wash and wash out mi mouth so it smell fresh and get rid a di vomit taste until mi reach home weh mi can brush mi teeth.

"Yuh sure yuh good?" Badz asked again.

"Yes mi good. Like yuh care?" Mi seh in a higher tone than mi normal voice as mi roll mi eyes and look weh from him.

"Ofcourse mi care Dacia. Mi nuh muss care fi yuh. Worse yuh have mi pickney inna yuh belly." Him seh and octave louder than him regular voice.

Look pon unno a have a argue inna di people dem bathroom. Mi subconcious seh and mi roll mi eye.

"If yuh did care bout mi yuh wouldn't deh do mi like this." Mi seh fi match him voice.

"Do yuh like wah?"

"Yuh nuh waa mi Badz. A thru mi pregnant?" Mi seh wid tears brimming a mi eyes.

Watch yah gyal aguh bawl through Badz nuh want har. Mi subconcious snicker.😂

"No Dacia and yuh well an fucking know why mi naa guh back dehso wid yuh yah now. Wah yuh duh mek mi feel away. Yuh know how it feel fi inna waa relationship and yuh ooman nuh truss yuh all wen yuh naa duh nutten? Mi and yuh deh and mi gaa waa party and somebody sen yuh a picture and yuh nuh listen to my side a di story but yuh jump to conclusion. Mi and yuh naa guh work out if a suh Dee. Yuh haffi work pon yuh trust first." Him seh to mi and by time him fi done mi have tears a stream down mi face.

"Mi never know a suh yuh feel." Mi seh as him hold mi hand and drag mi to him.

Him wipe mi tears and kiss mi farrid.

"Mi love yuh Dacia but yuh juss need fi work pon dat. Mi still aguh deh yah fi yuh and mi still aguh wait pon yuh until yuh done work pon dat." Him say to mi and mi nod.

"Mi love yuh too." Mi seh sincerely as mi look inna him eyes.

"Yuh good now?" Him ask mi and as mi fi mek fi guh ansa him waa girl walk in.

"Mek we go back out." Mi seh to him.

We wash we hands and then walk back out to di table weh Miss Toleeta, Nana and Tae did siddun.