DI SCAMMA BWOY: A Jamaican Love Story

CHAPTER 32

DEE'S POV

"Waa gwaan?" Mi fada ask thru di phone. Mi did lay down inna bed pon mi side a have the worst back pain.

"Nutten Daddy me deh yah lay down inna bed. Mi back a kill mi." Mi seh as mi rub mi back.

"So weh Badz deh?" Him ask.

"Him nuh deh yah now." Mi lie fi hide the fact seh we nuh togetha.

Yuh lie. Juss tell di man seh Badz nuh waa yuh. Him nuh need yuh. Mi subconcious jeer mi.

"So early?" Him ask like him shock.

A did roun seven inna di morning and mi fada call fi check up pon mi.

"Remember seh we nuh live togetha eno Daddy." Mi seh in a matter-of-fact voice.

"Oh yeah. But him fi deh near yuh incase nutten happen."

"Yeah mi know Daddy but Nana and Tae deh here." Mi seh.

"Arite. Yuh cyaa get him fi mek yuh come look fi we. We nuh see yuh back from di family reunion." Daddy seh.

"Mi aguh text him and see." Mi seh.

"Arite juss link mi back if yaa guh come."

"Arite Daddy. Love you." Mi seh.

"Love yuh too mi daughta." Him seh and mi hang up.

Mi decide fi call Badz instead a text him.

Dialing Devontáe❤😘....

Den watch how she still save the name. Mi subconcious laugh.

Shut up man. A still mi man. Mi shut har up.

Mrrrrrrr. Mi subconcious seh wid attitude.

"Wahm babes yuh good?" Him ask inna him morning voice weh woulda mek any gyal drop panty.

Including you. Mi subconcious add.

Mi hate har essi. Mi think to miself.

"Yeah mi good juss mi back a kill mi and mi did a vomit thats y mi up so early." Mi tell him.

"Yuh waa mi come rub it?" Him ask and it sound like him did juss a wake.

"Yes please." Mi seh and smile.

Yuh woulda do anything fi get di man near yuh. Mi subconcious seh wid a laugh.

Girl bye. Mi seh and roll mi eyes.

"Arite mi soon faawud." Him seh.

"Oh and Daddy seh if yuh can bring mi up fi come look fi dem? We can come back inna di evening or so." Mi ask him.

"Yeah babes. No problem." Him seh and mi smile.

If a love him one more time. Mi think to miself.

Mhmm. Mi subconcious start.

Nuh badda wid it eno before mi tell yuh supn weh yuh naa guh like. Mi scowl mi subconcious.

"Arite." Mi seh and hang up.

Mi still lay down and a rub mi back when mi see Nana walk in wid a plate and waa cup inna her hand.

"Morning." Mi seh and smile as she walk in.

"Morning. You good?" She ask.

"Yeah mi good man. Juss a feel likkle back pain." Mi seh.

"Oh dat normal. U hungry?" She ask as she hand mi di plate.

It did have scramble egg, franks and some fries pon it.