The book is not edited. So please excuse any mistakes I'll be sure to fix them when editing
A Jamaican Love Story between Badz and Dee❤
Read to find out🙏❗
Started:- May 13, 2022
Completed:- September 21, 2022
Highest Ranks:-
#1 Jamaica
#1 Jamaica...
"Arite Dacia. We aguh pon di beachside. Yuh can do yuh makeup deh so and den yuh change and den yuh can do di photoshoot." Nana seh to mi and mi nod.
Mi siddun pon mi bed uppa mi madda house weh mi deh fi di past two months. Mi did eight months pregnant and soon have mi lil baby girl. Badz always spend the time wid mi up here and but last night him did deh a di lounge a deal wid supn. Tomorrow a mi birthday and mi did a plan fi do a photoshoot but because mi never do mi gender reveal mi a plan fi have mi gender reveal and birthday photoshoot inna one.
Tomorrow mi aguh have mi Baby Shower.
Nana, Tae and Mommy a organize mi gender reveal and baby shower.
Mi get up from di bed and walk guh a di bathroom go pee. Mi cyaa hold mi piss and every minute mi waa piss.
Mi handle mi business and walk guh back inna di room.
Nana tek out di silky pink maxi dress and show mi.
"Yuh like this?" She ask and mi nod.
"Arite so a this u aguh wear fi di photoshoot. Yuh naa guh have on nuh slippers." She seh and mi once again nod.
Yuh know she tell yuh dis bout hundred time aready. Mi subconcious seh and mi roll mi eye.
"Nana, yuh tell mi dis ova and ova. Mi pregnant not deaf." Mi seh and smile.
"Sorry. Mi juss waa everything fi guh as planned." She seh and mi smile and walk to her. Mi hug har and seh.
"Everything good. Now mi a go bathe and call mi baby fada." Mi seh.
Is like yuh attached to di man. Yuh call him aready eno. Mi subconcious roll har eye.
Shut up and lef mi an mi baby fada. Mi shut har up.
Mi let go offa Nana and walk guh a di bathroom.
Mi strip outa mi small crop top and mi likkle shorts weh mi sleep inna last night.
Oops! This image does not follow our content guidelines. To continue publishing, please remove it or upload a different image.
Mi did go out yesterday guh get mi toenails, finger nails and hair done. Mi toenails did do inna plain white while mi finger nails did so inna white, nude and clear wid gold pon it. Mi did do mi hair inna short passion twist.
Oops! This image does not follow our content guidelines. To continue publishing, please remove it or upload a different image.
