The book is not edited. So please excuse any mistakes I'll be sure to fix them when editing
A Jamaican Love Story between Badz and Dee❤
Read to find out🙏❗
Started:- May 13, 2022
Completed:- September 21, 2022
Highest Ranks:-
#1 Jamaica
#1 Jamaica...
Mi deh here lay down inna bed deh pon mi phone. Todeh a Satdeh an di place juss boring suh. Nana and Tae did gone out but mi feel nauseous so mi juss tell dem seh mi a stay home.
Mi walk guh a di kitchen and take out di bag a fries and throw out waa bowl full. Mi put the frying pan pon di stove and light it. When the pot hot mi throw some oil inna it and mek it hot some more. Afta a while mi throw in some a di fries inna di pot and mek dem gwaan fry.
Mi take up di grease paper and put it inna waa clean bowl fi tek weh the grease from di fries.
Mi nuh know but a di fries alone mi can eat. Mi used to love hotdog but the smell juss a get to mi so mi nuh eat it again.
Mi tek out di first set a fries out a di pot and put dem inna di bowl fi tek out the oil and put in di odda set.
When mi done fry di rest a di fries mi tek out waa bottle a ginger beer and walk go a mi room.
Mi sit down pon di bed and start eat mi fries while a scroll through instagram. Mi see Badz put a pic just a while ago wid mi and him weh we tek last week a Margarita Ville a Mobay. Mi like it and comment "Babe😘❤" under it.
Mi continue a scroll through instagram.
Mi see a notification come pon di top a mi phone notification bar from Flo.
Oops! This image does not follow our content guidelines. To continue publishing, please remove it or upload a different image.
(*VERY HELPFUL APP. IF YOU DON'T HAVE IT YOU CAN DOWNLOAD IT FROM PLAY STORE*)
A did waa app weh mi use track mi period.
You period is late. Check to see reasons why your period is late.
That was what the notification seh so mi hurry up and guh inna di app fi see seh mi period late by eight day.
Blutclaat yuh period late bad man girl. Mi subconcious seh concerned.
Jesas Christ mi cyaa pregnant right now. Mi and Badz juss deh back wah day an a juss waa month and bout a week dat.Jesas mi haffi guh a Pharmacy go get waa pregnancy test fi see if mi pregnant. Mek mi call Badz and see if him can carry mi guh buy it. Mi cyaa pregnant now. Mi no ready fi no pickney yet but mi shoulda know seh dis aguh reach mi cause mi did start tek di birth control pill but mi did stop take it wen mi mi and Badz did stop talk and mi never go back pon it. Mi mind did all ova di place a think mi not even see seh mi a cry.
Mi exit di app and guh inna mi dial pad.
Mi quickly dial Badz number inna di keypad through blurry eyes and sen it off.
Calling Devontáe❤😘....
"Please pick up... please pick up..." Mi mumble softly to miself.
